ദോഹ: കോവിഡിന്‍റെ ദുരിതകാലത്തോട് ബൈ പറഞ്ഞ് ലോകമെങ്ങുമുള്ള മലയാളികൾ ഓണത്തെ വരവേൽക്കുന്നു. മുൻവർഷങ്ങളിൽ അടച്ചിട്ടമുറികളിൽ ആഘോഷങ്ങൾ ഒതുക്കിയ പ്രവാസിമലയാളികളും ഇത്തവണ പൊലിമയോടെ ഓണത്തിനൊരുങ്ങുകയാണ്. അത്തം പിറന്നതിനുപിന്നാലെ ആഘോഷങ്ങൾക്കും തുടക്കമായി. പൂക്കളമൊരുക്കിയും സദ്യവട്ടങ്ങൾ തയാറാക്കിയും കസവുടുപ്പുകൾ വാങ്ങിയും ഓണത്തെ വരവേൽക്കുന്നു.
ഖത്തറിലെ പ്രവാസിമലയാളികളുടെ ഓണാഘോഷത്തിനൊപ്പം ഇത്തവണയും 'ഗൾഫ് മാധ്യമം' ഉണ്ട്. വീട്ടിലിരുന്ന് പൂക്കളമൊരുക്കി ആഘോഷത്തിലും ഒപ്പം മത്സരത്തിലും പങ്കാളിയാവാം. ഓണത്തിന്‍റെ മൂന്നു നാളുകളിൽ വീട്ടിൽ പൂക്കളമൊരുക്കിയാണ് മത്സരത്തിൽ പങ്കെടുക്കേണ്ടത്.
സെപ്റ്റംബർ ആറ്, ഏഴ്, എട്ട് ദിവസങ്ങളിൽ വീട്ടിലൊരുക്കുന്ന പൂക്കളങ്ങളുടെ ചിത്രം 'ഗൾഫ് മാധ്യമ'ത്തിലേക്ക് അയച്ചുനൽകണം. എട്ടാം തീയതി വൈകീട്ട് ആറിന് മുമ്പായി ലഭിക്കുന്ന ചിത്രങ്ങളിൽനിന്ന് തിരഞ്ഞെടുക്കുന്ന പൂക്കളങ്ങൾ അടുത്തദിവസം ഗൾഫ് മാധ്യമം ഖത്തർ (facebook.com/gulfmadhyamamqatar) ഫേസ്ബുക്ക് പേജിൽ പോസ്റ്റ് ചെയ്യും.
എഫ്.ബി പേജിൽ വായനക്കാർ നൽകുന്ന ലൈക്കും കമന്‍റും കൂടി പരിഗണിച്ചാവും വിഗദ്ധസമിതി മികച്ച പൂക്കളം തിരഞ്ഞെടുക്കുന്നത്. പൂക്കളങ്ങൾക്കൊപ്പമുള്ള കുടുംബചിത്രവും കളങ്ങളുടെ വ്യക്തമായ ചിത്രവും 77911899 എന്ന വാട്സ്ആപ് നമ്പറിലേക്കാണ് ചിത്രങ്ങൾ അയക്കേണ്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.