ഫിദ ഫാത്തിമ വരച്ച അസ്ഹരി തങ്ങളുടെ
മൂന്ന് ചിത്രങ്ങൾ
ചെറുതുരുത്തി: അസ്ഹരി തങ്ങളുടെ അപൂർവങ്ങളായ ചിത്രങ്ങൾ വരച്ച് ശ്രദ്ധനേടി ദേശമംഗലം സ്വദേശിനി പ്ലസ് വൺ വിദ്യാർഥിനി ഫിദ ഫാത്തിമ. പണ്ഡിതനും സമസ്ത മുൻ പ്രസിഡന്റുമായിരുന്ന അബ്ദുൽ റഹിമാൻ ഇമ്പിച്ചി കോയ തങ്ങൾ അൽ അസ്ഹരിയുടെ അപൂർവങ്ങളായ മൂന്ന് ചിത്രങ്ങളാണ് ഫിദ ഫാത്തിമ വരച്ചത്. മൂന്ന് കാലങ്ങളിലെ തങ്ങളുടെ രൂപമാണ് കടലാസിലേക്ക് പകർത്തിയത്.
ചിത്രങ്ങളെല്ലാം അസ്ഹരി തങ്ങളുടെ മക്കൾക്ക് കൈമാറിയപ്പോൾ അഭിനന്ദനങ്ങൾ അറിയിച്ച സന്തോഷത്തിലാണ് ഫിദ ഫാത്തിമ. ദേശമംഗലം വെസ്റ്റ് പല്ലൂർ നിവാസിയായ കൂരിയാറ്റമിൽ അഷറഫ് -ഷാഹിദ ദമ്പതികളുടെ മകളാണ്. മുഹമ്മദ് ഫയാസ്, മുഹമ്മദ് ഫായിസ്, മുഹമ്മദ് ഫർഹാൻ എന്നിവർ ഫിദ ഫാത്തിമയുടെ സഹോദരങ്ങളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.