ബംഗളൂരു: മയക്കുമരുന്ന് കേസിൽ നൈജീരിയൻ യുവതിയെ കേരള പൊലീസ് ബംഗളൂരുവിൽ അറസ്റ്റ് ചെയ്തു. 23കാരിയായ ഹഫ്സ റിഫാനത്ത് ഉസ്മാനാണ് അറസ്റ്റിലായത്. ബംഗളൂരു കേന്ദ്രമായ ലഹരിവിൽപന സംഘത്തിലെ കണ്ണിയാണ് ഇവരെന്ന് പൊലീസ് അറിയിച്ചു. കേരളത്തിലുള്ള ലഹരിവിൽപനക്കാർക്ക് ഇവർ എം.ഡി.എം.എ എത്തിച്ചു നൽകിയിരുന്നതായി കണ്ടെത്തി. ലഹരി വിൽപനക്കാർക്കിടയിൽ ‘ബ്ലസ്സിങ് ജോയ്’ എന്നാണ് യുവതി അറിയപ്പെടുന്നത്. കാസർകോട് ബേക്കലിൽ ലഹരിമരുന്നുമായി പിടിയിലായ ദമ്പതികളെ ചോദ്യംചെയ്തതിൽനിന്നാണ് നൈജീരിയൻ യുവതിയെക്കുറിച്ചുള്ള വിവരം ലഭിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.