ബംഗളൂരു: ബി.ജെ.പിയുടെ ഫാഷിസ്റ്റ് ഭരണത്തിനെതിരെ തെരഞ്ഞെടുപ്പിൽ പ്രചാരണം നയിച്ച സിവിൽ സൊസൈറ്റി ഗ്രൂപ്പായ എദ്ദേളു കർണാടക (ഉണരൂ കർണാടക)യുടെ ആഭിമുഖ്യത്തിൽ മുഖ്യമന്ത്രി സിദ്ധരാമയ്യക്കും കോൺഗ്രസ് നേതാക്കൾക്കും സ്വീകരണം നൽകും.
വെള്ളിയാഴ്ച വൈകീട്ട് മൂന്നിന് ബംഗളൂരു സ്കൗട്ട്സ് ആൻഡ് ഗൈഡ്സ് ഹാളിൽ നടക്കുന്ന ചടങ്ങിൽ ജനാഭിലാഷങ്ങളുടെ പട്ടികയും കോൺഗ്രസ് നേതാക്കൾക്ക് കൈമാറും. മാണ്ഡ്യ മേലുകോട്ടെയിൽനിന്ന് കർണാടക സർവോദയ പാർട്ടി എം.എൽ.എയായി തെരഞ്ഞെടുക്കപ്പെട്ട ദർശൻ പുട്ടണ്ണയ്യയെയും സ്വീകരണ ചടങ്ങിലേക്ക് ക്ഷണിച്ചിട്ടുണ്ട്.
എദ്ദേളു കർണാടകക്കായി സംസ്ഥാനത്തിന്റെ വിവിധ ഭാഗങ്ങളിൽ തെരഞ്ഞെടുപ്പ് പ്രചാരണത്തിനായി പ്രവർത്തിച്ച സന്നദ്ധ വളന്റിയർമാരുടെ ഒത്തുകൂടൽ വേദികൂടിയായിരിക്കും കൺവെൻഷനെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.