ലോ​കാ​യു​ക്ത ച​മ​ഞ്ഞ് ത​ട്ടി​പ്പ്; ആ​ന്ധ്ര സ്വ​ദേ​ശി അ​റ​സ്റ്റി​ൽ

മം​ഗ​ളൂ​രു: ലോ​കാ​യു​ക്ത​യെ​ന്ന വ്യാ​ജേ​ന സോ​മേ​ശ്വ​ര ന​ഗ​ര​സ​ഭ റ​വ​ന്യൂ ഉ​ദ്യോ​ഗ​സ്ഥ​നെ​യും ജീ​വ​ന​ക്കാ​രെ​യും ഫോ​ണി​ൽ വി​ളി​ച്ച് ഭീ​ഷ​ണി​പ്പെ​ടു​ത്തു​ക​യും ബ്ലാ​ക്ക് മെ​യി​ൽ ചെ​യ്യു​ക​യും ചെ​യ്തെ​ന്ന പ​രാ​തി​യി​ൽ ആ​ന്ധ്ര സ്വ​ദേ​ശി​യെ ഉ​ള്ളാ​ൾ പൊ​ലീ​സ് അ​റ​സ്റ്റ് ചെ​യ്തു. ന​ല്ല​ഗു​ട്ട്‌​ല​പ​ള്ളി ഗ്രാ​മ​ത്തി​ൽ നി​ന്നു​ള്ള ധ​ന​ഞ്ജ​യ റെ​ഡ്ഡി ടോ​ട്ട​യാ​ണ് (31) അ​റ​സ്റ്റി​ലാ​യ​ത്.

സോ​മേ​ശ്വ​ര ന​ഗ​ര​സ​ഭ റ​വ​ന്യൂ ഓ​ഫി​സ​ർ പു​രു​ഷോ​ത്ത​മി​നെ വാ​ട്‌​സ്ആ​പ് കാ​ൾ വ​ഴി ബ​ന്ധ​പ്പെ​ടു​ക​യും ലോ​കാ​യു​ക്ത ഉ​ദ്യോ​ഗ​സ്ഥ​നെ​ന്ന നി​ല​യി​ൽ പു​രു​ഷോ​ത്ത​മി​നെ​തി​രെ ആ​രോ​പ​ണ​മു​ണ്ടെ​ന്ന് പ്ര​തി അ​വ​കാ​ശ​പ്പെ​ടു​ക​യും ചെ​യ്തു. പി​ന്നീ​ട് പ്ര​ശ്നം ‘പ​രി​ഹ​രി​ക്കാ​ൻ’ പ​ണം ആ​വ​ശ്യ​പ്പെ​ടു​ക​യും ന​ൽ​കി​യി​ല്ലെ​ങ്കി​ൽ പ്ര​ശ്‌​ന​മു​ണ്ടാ​ക്കു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്തു.

പു​രു​ഷോ​ത്ത​മ​ൻ ട്രൂ​കാ​ള​ർ വ​ഴി വി​ളി​ച്ച​യാ​ളു​ടെ ഐ​ഡ​ന്‍റി​റ്റി പ​രി​ശോ​ധി​ച്ച​പ്പോ​ൾ, ഡി. ​പ്ര​ഭാ​ക​ര, ലോ​കാ​യു​ക്ത പി.​ഐ എ​ന്ന പേ​ര് ക​ണ്ടു. എ​ന്നാ​ൽ, മം​ഗ​ളൂ​രു​വി​ലെ ക​ർ​ണാ​ട​ക ലോ​കാ​യു​ക്ത ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ട്ട​പ്പോ​ൾ അ​ങ്ങ​നെ​യൊ​രു ഉ​ദ്യോ​ഗ​സ്ഥ​ൻ ഇ​ല്ലെ​ന്ന് ക​ണ്ടെ​ത്തു​ക​യാ​യി​രു​ന്നു.

സ​മാ​ന​മാ​യ സം​ഭ​വ​ത്തി​ൽ സീ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ അ​ല്ലി നാ​യ​ർ കൃ​ഷ്ണ​ക്കും പ​ണം ആ​വ​ശ്യ​പ്പെ​ട്ട് ഭീ​ഷ​ണി കാ​ളു​ക​ൾ വ​ന്നി​രു​ന്നു. 2019ൽ ​ധ​ന​ഞ്ജ​യ റെ​ഡ്ഡി ടോ​ട്ട​ക്ക് സ​മാ​ന​മാ​യ കു​റ്റ​കൃ​ത്യ​ങ്ങ​ൾ ചെ​യ്ത ച​രി​ത്ര​മു​ണ്ടെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു.

ഇ​യാ​ൾ​ക്കെ​തി​രെ ചി​ക്ക​ബെ​ല്ലാ​പു​ർ ജി​ല്ല​യി​ലെ ഗൗ​രി​ബി​ദാ​നൂ​ർ പൊ​ലീ​സ് സ്റ്റേ​ഷ​നി​ലും ഹൈ​ദ​രാ​ബാ​ദി​ലെ ഷാ​ബാ​ദ് പൊ​ലീ​സ് സ്റ്റേ​ഷ​നി​ലും കേ​സു​ക​ൾ ര​ജി​സ്റ്റ​ർ ചെ​യ്തി​ട്ടു​ണ്ട്. ഉ​ള്ളാ​ൾ എ​സ്.​ഐ സ​ന്തോ​ഷ് കു​മാ​റി​ന്‍റെ നേ​തൃ​ത്വ​ത്തി​ൽ ക്രൈം ​ഇ​ൻ​വെ​സ്റ്റി​ഗേ​ഷ​ൻ ഡി​പ്പാ​ർ​ട്മെ​ന്‍റ് ഉ​ദ്യോ​ഗ​സ്ഥ​രാ​യ ര​ഞ്ജി​ത് കു​മാ​ർ, ആ​ന​ന്ദ് ബാ​ഡ്‌​ഗി, മ​ഞ്ജു​നാ​ഥ് എ​ന്നി​വ​രാ​ണ് പ്ര​തി​യെ പി​ടി​കൂ​ടി​യ​ത്.