കേ​ര​ള​ത്തി​ൽ​നി​ന്നു​ള്ള ആ​റു​ലോ​ഡ് മാ​ലി​ന്യം ക​ർ​ണാ​ട​ക​യി​ൽ പി​ടി​കൂ​ടി

ബം​ഗ​ളൂ​രു: കേ​ര​ള​ത്തി​ൽ​നി​ന്ന് മാ​ലി​ന്യ​വു​മാ​യെ​ത്തി​യ ആ​റ് ലോ​റി​ക​ൾ ഗു​ണ്ട​ൽ​പേ​ട്ടി​ലെ മൂ​ലെ​ഹോ​ളെ ചെ​ക്പോ​സ്റ്റ് സ​മീ​പം ക​ർ​ണാ​ട​ക മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ് അ​ധി​കൃ​ത​ർ പി​ടി​കൂ​ടി. ഡ്രൈ​വ​ർ​മാ​ർ ഉ​ൾ​പ്പെ​ടെ ഏ​ഴു​പേ​ർ​ക്കെ​തി​രെ ഗു​ണ്ട​ൽ​പേ​ട്ട് പൊ​ലീ​സ് കേ​സെ​ടു​ത്തു.

ലോ​റി​യി​ൽ മാ​ലി​ന്യം ക​ട​ത്തു​ന്ന​താ​യി വി​വ​രം ല​ഭി​ച്ച​തി​നെ​ത്തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് പി​ടി​വീ​ണ​ത്. മ​ലി​നീ​ക​ര​ണ നി​യ​ന്ത്ര​ണ​ബോ​ർ​ഡ് മേ​ഖ​ലാ ഓ​ഫി​സ​ർ പി.​കെ. ഉ​മാ​ശ​ങ്ക​ർ ന​ൽ​കി​യ പ​രാ​തി​യി​ലാ​ണ് പൊ​ലീ​സ് കേ​സെ​ടു​ത്ത​ത്. പ്ലാ​സ്റ്റി​ക് ഉ​ൾ​പ്പെ​ടെ​യു​ള്ള മാ​ലി​ന്യം അ​ന​ധി​കൃ​ത​മാ​യി ക​ട​ത്തു​ക​യാ​യി​രു​ന്നു​വെ​ന്ന് പ​രാ​തി​യി​ൽ പ​റ​ഞ്ഞു.

ന​ട​പ​ടി ആ​വ​ശ്യ​പ്പെ​ട്ട് കേ​ര​ള മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന് ക​ർ​ണാ​ട​ക മ​ലി​നീ​ക​ര​ണ നി​യ​ന്ത്ര​ണ​ബോ​ർ​ഡ് ക​ത്തെ​ഴു​തി.

അ​ഞ്ചു വ​ർ​ഷം മു​മ്പ് കേ​ര​ള​ത്തി​ലെ മാ​ലി​ന്യം ലോ​റി​ക​ളി​ൽ കൊ​ണ്ടു​വ​ന്ന് ക​ർ​ണാ​ട​ക​യു​ടെ അ​തി​ർ​ത്തി​പ്ര​ദേ​ശ​ങ്ങ​ളി​ൽ ത​ള്ളു​ന്ന​ത് മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്റെ ശ്ര​ദ്ധ​യി​ൽ​പെ​ട്ടി​രു​ന്നു. നി​ര​വ​ധി ലോ​റി​ക​ൾ അ​ന്ന് പി​ടി​കൂ​ടി​യ​തോ​ടെ നാ​ട്ടു​കാ​രും ജാ​ഗ്ര​ത പാ​ലി​ക്കാ​ൻ തു​ട​ങ്ങി.

കേ​ര​ള​വു​മാ​യി അ​തി​ർ​ത്തി പ​ങ്കി​ടു​ന്ന ക​ർ​ണാ​ട​ക ജി​ല്ല​ക​ളാ​യ മൈ​സൂ​രു, കു​ട​ക്, ചാ​മ​രാ​ജ ന​ഗ​ർ, ദ​ക്ഷി​ണ ക​ന്ന​ട എ​ന്നി​വി​ട​ങ്ങ​ളി​ലെ വി​ജ​ന സ്ഥ​ല​ങ്ങ​ളി​ൽ മാ​ലി​ന്യം ത​ള്ളു​ന്ന​താ​യി​രു​ന്നു രീ​തി.

കാ​സ​ർ​കോ​ട് ന​ഗ​ര​സ​ഭ​യു​ടെ ഖ​ര​മാ​ലി​ന്യം നി​ക്ഷേ​പി​ക്കു​ന്ന കേ​ളു​ഗു​ഡ്ഡെ നി​വാ​സി​ക​ളു​ടെ പ്ര​തി​ഷേ​ധം കാ​ര​ണ​മു​ണ്ടാ​യ പ്ര​തി​സ​ന്ധി മ​റി​ക​ട​ക്കാ​ൻ അ​തി​ർ​ത്തി​യി​ലെ ക​ർ​ണാ​ട​ക പു​ത്തൂ​രി​ലെ പാ​ത​യോ​ര​ങ്ങ​ളി​ലാ​ണ് ലോ​റി​യി​ൽ കൊ​ണ്ടു​വ​ന്ന് ത​ള്ളി​യി​രു​ന്ന​ത്. എ​തി​ർ​പ്പും ന​ട​പ​ടി​ക​ളും കാ​ര​ണം നി​ല​ച്ച മാ​ലി​ന്യം ത​ള്ള​ൽ വീ​ണ്ടും ആ​രം​ഭി​ച്ച സാ​ഹ​ച​ര്യ​ത്തി​ലാ​ണ് മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ് രം​ഗ​ത്തി​റ​ങ്ങി​യ​ത്.

കേ​ര​ള​ത്തി​ൽ ഈ​യി​ടെ പു​ത്തൂ​ർ, വി​ട്ട​ൽ പൊ​ലീ​സ് സ്റ്റേ​ഷ​ൻ പ​രി​ധി​യി​ലെ ഇ​ർ​ഡെ​യി​ൽ പാ​ത​യോ​ര​ങ്ങ​ളി​ൽ കോ​ഴി​മാ​ലി​ന്യ​ങ്ങ​ൾ ത​ള്ളി​യ ലോ​റി നാ​ട്ടു​കാ​ർ പി​ടി​കൂ​ടി പൊ​ലീ​സി​ന് കൈ​മാ​റി​യി​രു​ന്നു.

മാ​ലി​ന്യം തി​രി​ച്ചെ​ടു​പ്പി​ച്ച് പു​ത്തൂ​ർ മാ​ലി​ന്യ നി​ക്ഷേ​പ കേ​ന്ദ്ര​ത്തി​ൽ ത​ള്ളി​ക്കു​ക​യും പി​ഴ ചു​മ​ത്തു​ക​യും ചെ​യ്തി​രു​ന്നു. അ​തോ​ടെ ആ ​ഏ​ർ​പ്പാ​ട് നി​ല​ച്ചു.