സാറ്റർണാലിയ-3 ചിത്രപ്രദർശനത്തിന് മുന്നോടിയായി ബംഗളൂരു കബൺ പാർക്കിൽ സംഘടിപ്പിച്ച ആർട്ട് ഫോർ ബംഗളൂരു ക്യാമ്പിൽനിന്ന്
ബംഗളൂരു: വെറ്റ് പാലറ്റ് ചിത്രകാര കൂട്ടായ്മയുടെ നേതൃത്വത്തിൽ നടക്കുന്ന മൂന്നാമത് അന്താരാഷ്ട്ര ജലച്ചായ സംഘചിത്ര പ്രദർശനം - 'സാറ്റർണാലിയ-3' വ്യാഴാഴ്ച മുതൽ ചൊവ്വാഴ്ച വരെ കർണാടക ചിത്രകല പരിഷത്ത് ആർട്ട് ഗാലറിയിൽ നടക്കും.പ്രശസ്ത ജലച്ചായ ചിത്രകാരൻ സുനിൽ ലിനസ് ഡെ ക്യുറേറ്റ് ചെയ്യുന്ന പ്രദർശനത്തിൽ, ലോകത്തിന്റെ വിവിധ ഭാഗങ്ങളിൽനിന്നും 34 ചിത്രകാരന്മാരുടെ 70തോളം ജലച്ചായ ചിത്രങ്ങൾ പ്രദർശിപ്പിക്കും.
വൈകീട്ട് നാലിന് പ്രശസ്ത ചിത്രകാരൻ ഗുരുദാസ് ഷേണായ് പ്രദർശനം ഉദ്ഘാടനം ചെയ്യും. ശനിയാഴ്ച വൈകീട്ട് നാലിന് ചിത്രകല പരിഷത്ത് ഗാലറി പരിസരത്ത് ചിത്രകാരൻ സുനിൽ ലിനസ് ഡെയുടെ വാട്ടർ കളർ അവതരണം ഒരുക്കിയതായി സംഘാടകർ അറിയിച്ചു. വിൽപന കൂടി ലക്ഷ്യമിട്ടാണ് പ്രദർശനം.
പ്രദർശനത്തിന് മുന്നോടിയായി ആർട്ട് ഫോർ ബംഗളൂരു എന്ന പേരിൽ ഏകദിന ജലച്ചായ ചിത്രകല ക്യാമ്പ് സംഘടിപ്പിച്ചു.ബുധനാഴ്ച രാവിലെ 10 മുതൽ വൈകീട്ട് നാലുവരെ കബൺ പാർക്കിൽ നടന്ന ക്യാമ്പിന് സുനിൽ ലിനസ് ഡെ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.