ബംഗളൂരു റമദാൻ സംഗമത്തിന്റെ ഭാഗമായി നടത്തുന്ന ഖജൂർ ചലഞ്ചിന്റെ ഉദ്ഘാടനം കോൾസ് പാർക്ക് ഹിറ സെന്ററിൽ നടന്ന ചടങ്ങിൽ എച്ച്.ബി.എസ് ഹോസ്പിറ്റൽ ഡയറക്ടർ ഡോ. താഹ
മതീൻ നിർവഹിക്കുന്നു
ബംഗളൂരു: ഇരുപത്തഞ്ചാം വാർഷികത്തിലെത്തി നിൽക്കുന്ന ബംഗളൂരു റമദാൻ സംഗമത്തിന്റെ ഭാഗമായി നടത്തുന്ന ഖജൂർ ചലഞ്ചിന്റെ ഉദ്ഘാടനം എച്ച്.ബി.എസ് ഹോസ്പിറ്റൽ ഡയറക്ടർ ഡോ. താഹ മതീൻ നിർവഹിച്ചു.
കോൾസ് പാർക്ക് ഹിറ സെന്ററിൽ നടന്ന ചടങ്ങിൽ ഹിറ ഫൗണ്ടേഷൻ ട്രസ്റ്റ് ചെയർമാൻ ഹസ്സൻ പൊന്നൻ, ജമാഅത്തെ ഇസ്‍ലാമി ബംഗളൂരു മേഖല വൈസ് പ്രസിഡന്റ് ഷമീർ ആർക്കിടെക്ട്, മസ്ജിദുറഹ്മ ഖത്തീബ് കെ.വി. ഖാലിദ്, ഷഹീർ മൂസ, റഫീഖ് പാനൂർ, സി.പി. ഷാഹിർ എന്നിവർ സംബന്ധിച്ചു.
ഖജൂർ ചലഞ്ചിന്റെ ഭാഗമായി 500 ഗ്രാം മബ്‌റൂം ഈത്തപ്പഴം 499 രൂപക്കാണ് ലഭ്യമാക്കുക.മാർച്ച് മൂന്നിന് മുമ്പായി കിട്ടുന്ന ഓർഡറുകൾ ബംഗളൂരുവിൽ എവിടെയും സൗജന്യമായി എത്തിച്ചുനൽകുമെന്നും 93534 59353 നമ്പറിൽ ആവശ്യമായ വിവരങ്ങൾ ലഭ്യമാകുമെന്നും സംഘാടകർ അറിയിച്ചു.മാർച്ച് 16 ന് പാലസ് ഗ്രൗണ്ടിലെ നാലപ്പാട് പവിലിയനിലാണ് റമദാൻ സംഗമം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.