നെടുമ്പാശ്ശേരി: നടിയെ ആക്രമിച്ച കേസുമായി ബന്ധപ്പെട്ട് ഒളിവിൽ കഴിയുന്ന പ്രതീഷ്ചാക്കോയുടെ ജൂനിയർ അഭിഭാഷകനെ അന്വേഷണസംഘം കസ്റ്റഡിയിലെടുത്തു. രാജു ജോസഫിനെയാണ് കൊച്ചിയിൽനിന്ന് ഞായറാഴ്ച വൈകീട്ടോടെ കസ്റ്റഡിയിലെടുത്തത്. ആലുവ പൊലീസ് ക്ലബിലെത്തിച്ച് രാത്രി വൈകിയും ചോദ്യം ചെയ്യുകയാണ്. പ്രധാന തെളിവായ സിംകാർഡ് പൾസർ സുനി അഭിഭാഷകൻ പ്രതീഷ്ചാക്കോയെ ഏൽപിച്ചെന്ന് മൊഴി നൽകിയിരുന്നു. അറസ്റ്റ് ചെയ്യുന്നതിനുള്ള നീക്കം ആരംഭിച്ചപ്പോഴേക്കും പ്രതീഷ് ചാക്കോ മുങ്ങി. ഇേതതുടർന്നാണ് ഇദ്ദേഹത്തിെൻറ ജൂനിയർ അഭിഭാഷകനെ കസ്റ്റഡിയിലെടുത്തത്.
കഴിഞ്ഞദിവസം നടൻ ദിലീപ് അങ്കമാലി കോടതിയിൽ സമർപ്പിച്ച രണ്ട് മൊബൈൽ ഫോണുകൾ കോടതി അന്വേഷണസംഘത്തിന് കൈമാറും. ഈ ഫോണിലേക്ക് വന്നതും പുറത്തേക്ക് പോയതുമായ കാളുകൾ വിശദമായി പരിശോധിക്കും. ഫോണിൽ കൃത്രിമം നടത്തിയിട്ടുണ്ടോയെന്നത് സംബന്ധിച്ച് ശാസ്ത്രീയ പരിശോധന നടത്തുമെന്ന് പൊലീസ് അറിയിച്ചു. ദിലീപിെൻറ വീട് റെയ്ഡ് നടത്താനൊരുങ്ങിയപ്പോഴാണ് ഫോൺ കോടതിയിൽ ഹാജരാക്കാൻ സന്നദ്ധമായതെന്നറിയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.