കൊച്ചി: ദിലീപ് ചിത്രം 'രാമലീല'യുടെ റിലീസിങ് മാറ്റിവെച്ചു. ഈ വെള്ളിയാഴ്ചയാണ് ചിത്രം റിലീസ് ചെയ്യാനിരുന്നത്. പോസ്റ്റ് പ്രൊഡക്ഷൻ ജോലികൾ പൂർത്തിയാകാത്തതിനാലാണ് റിലീസിങ് മാറ്റിവെച്ചതെന്ന് നിർമാതാവ് ടോമിച്ചൻ മുളകുപാടം പ്രതികരിച്ചു. പോസ്റ്റ് പ്രൊഡക്ഷൻ ജോലികൾ കഴിഞ്ഞാൽ ഉടൻ ചിത്രം പുറത്തിറങ്ങുമെന്നും ഈ മാസം 14ന് റിലീസ് ചെയ്യാനാണ് ഉദ്ദേശിക്കുന്നതെന്നും അദ്ദേഹം മാധ്യമങ്ങളെ അറിയിച്ചു.
പ്രയാഗ മാർട്ടിൻ നായികയായ ചിത്രം അരുൺ ഗോപി സംവിധാനം ചെയ്യുന്നത്. രാമനുണ്ണിയെന്ന രാഷ്ട്രീയക്കാരെൻറ വേഷത്തിലാണ് ദിലീപ് എത്തുന്നത്.
മുകേഷ്, സിദ്ദിഖ്, കലാഭവൻ ഷാജോൺ, വിജയ രാഘവൻ എന്നിവരാണ് മറ്റ് വേഷങ്ങളിലുള്ളത്. സച്ചിയുടേതാണ് തിരക്കഥ. റഫീഖ് അഹമ്മദിെൻറ ഗാനങ്ങൾക്ക് ബിജിപാൽ സംഗീതം നൽകുന്നു. ഷാജികുമാറിെൻറതാണ് ഛായാഗ്രഹണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.