മകൻ എന്നെപ്പോലെയാകരുതെന്നാണ്​ ഒരേയൊരു പ്രാർഥന – സഞ്​ജയ്​ ദത്ത്​

ന്യൂഡൽഹി: ത​​​െൻറ മകൻ തന്നെപ്പോലെയാകരുതെന്ന ഒരേയൊരു പ്രാർഥന മാത്രമാണ്​ ഉള്ളതെന്ന് സഞ്​ജയ്​ ദത്ത്. മയക്കുമരുന്ന്​ റാക്കറ്റിലും നിയമപ്രശ്​നങ്ങളിലും കുടുങ്ങി ജീവിതം ദുരന്തമായി മാറിയതാണ്​ ഇൗ ബോളിവുഡ്​ നടനെ നിരാശനാക്കിയത്​ . 

അന്തരിച്ച മുതിർന്ന നടൻ സുനിൽ ദത്തി​​​െൻറയും നർഗീസി​​​െൻറയും മകനായ സഞ്​ജയ്​ ദത്തിന്​ മയക്കുമരുന്നിനടിമയായി കുറേക്കാലം പുനഃരധിവാസ കേന്ദ്രത്തിലും പിന്നീട്​ 1993ലെ മുംബൈ സ്​ഫോടന പരമ്പരയുമായി ബന്ധപ്പെട്ട്​ ആയുധം ​ൈകവശം വെച്ച കേസിൽ ജയിലിലും കഴിയേണ്ടി വന്നിട്ടുണ്ട്​. 

ശനിയാഴ്​ച ഇന്ത്യ ടുഡേ നടത്തിയ മൈൻഡ്​ റോക്ക്​ യൂത്ത്​ സമ്മിറ്റിൽ താൻ അനുഭവിക്കേണ്ടി വന്ന ദുരന്തങ്ങളെ സഞ്​ജയ്​ വിവരിച്ചു. പിതാവ്​ എന്ന നിലയിൽ സുനിൽ ദത്തിനെയും സഞ്​ജയ്​ ദത്തിനെയും എങ്ങനെ താരതമ്യം ചെയ്യുന്നുവെന്ന ചോദ്യത്തിന്​ വളരെ വികാരപരമായാണ്​ സഞ്​ജയ്​ മറുപടി നൽകിയത്​. 

സാധാരണ കുട്ടികളായാണ്​ തങ്ങളെ അച്ഛൻ വളർത്തിയത്​. ബോർഡിങ്ങ്​ സ്​കൂളിലായിരന്നു പഠനം. താനും ത​​​െൻറ മക്കളെ അതേപോലെയാണ്​ വളർത്തുന്നതെന്നും സഞ്​ജയ്​ പറഞ്ഞു. മൂന്ന്​ മക്കളാണ്​ സഞ്​ജയ്​ക്ക്​. ഷഹ്​റാൻ, ത്രിഷാല, ഇഖ്​റ. 

‘‘ഞാൻ അവർക്ക്​ ജീവിതത്തിലെ മൂല്യങ്ങൾ മനസിലാക്കി കൊടുക്കാൻ ശ്രമിക്കുന്നു. സംസ്​കാരത്തെ കുറിച്ച്​ അവരെ പഠിപ്പിക്കുന്നു. മുതിർന്നവരെ, അവർ നമ്മുടെ ജോലിക്കാരാണെങ്കിൽ പോലും ബഹുമാനിക്കാനും അനുസരിക്കാനും പഠിപ്പിക്കുന്നു. അത്​ മാത്രമേ നിങ്ങൾക്ക്​ അമൂല്യ ജീവിതം നൽകൂവെന്നും അവരെ പഠിപ്പിക്കുന്നു. എ​​​െൻറ ഒരേ ഒരു പ്രാർഥന എ​​​െൻറ മകൻ എന്നെപ്പോലെയാകരുത് എന്നാണ്​​. എ​​​െൻറ പിതാവ്​ അനുഭവിച്ചതൊന്നും എനിക്ക്​ അനുഭവിക്കേണ്ടി വരരുത്​’’  സഞ്​ജയ്​ ദത്ത്​ പറഞ്ഞു. 

താൻ എപ്പോഴും ഹൃദയം കൊണ്ട്​ ചിന്തിക്കുന്നവനാണ്​. എന്നാൽ നിങ്ങൾ ഹൃദയം കൊണ്ട്​ ചിന്തിക്കരുത്​. ബുദ്ധികൂടി ഉപയോഗിക്കണമെന്നും അദ്ദേഹം കൂട്ടിച്ചേർത്തു. നിങ്ങൾ രക്ഷിതാക്കളെ അനുസരിക്കുക. ചീത്ത കൂട്ടുകെട്ടിൽ പെടാതിരിക്കുക. രാജത്തെ നിയമസംവിധാനങ്ങളെ അനുസരിച്ച്​ ജീവിക്കുക. എന്നാൽ ജീവിതത്തിൽ ഒരു പ്രശ്​നവും ഉണ്ടാകില്ലെന്നും അദ്ദേഹം വ്യക്​തമാക്കി.