തൃശൂർ: തനിക്കെതിരായ അക്രമ സംഭവത്തെ നിയമപരമായി നേരിടുമെന്ന് സംവിധായകൻ പ്രിയനന്ദനൻ. സംഭവം ആസൂത്രിതമാണ്. ഒരു സൂ ചന എന്ന തരത്തിലുള്ള ആക്രമണമാണ് നടന്നത്. ഞാൻ ദൈവത്തെ തെറിവിളിക്കുകയൊന്നും ചെയ്തില്ല. ഭാഷാപരമായ പ്രയോഗം മാത്ര മാണ് നടത്തിയതെന്നും പ്രിയനന്ദനൻ മാധ്യമങ്ങളോട് പറഞ്ഞു.
പുറത്തേക്ക് പോയി വീട്ടിലേക്ക് തിരിച്ചുവരുമ്പോഴാണ് ഒരാൾ അക്രമിച്ചത്. അയ്യപ്പന് എതിരെ പറയാൻ നീ ആരെടാ എന്ന് ചോദിച്ച് തലയിലേക്ക് ചാണകവെളളം ഒഴിക്കുകയും ചെവിയുടെ ഭാഗത്താ‍യി അടിക്കുകയുമായിരുന്നു. ആളുകൾ ഒാടിവന്നപ്പോഴേക്ക് ഇയാൾ രക്ഷപ്പെട്ടുവെന്നും അദ്ദേഹം വ്യക്തമാക്കി.
അക്രമിയെ പരിചയമില്ല. കണ്ടാൽ തിരിച്ചറിയും. സ്ഥിരമായി എന്നെ നിരീക്ഷിച്ച് അയാൾ അവിടെ നിൽക്കാറുണ്ട്. ഇതിന്‍റെ പിന്നിൽ കുറേപേരുണ്ട്. ഫേസ്ബുക്ക് പോസ്റ്റിന്‍റെ ഭാഷ മോശമെന്ന് തോന്നിയതിനാലാണ് അത് പിൻവലിച്ചത്. സിനിമയിൽ പോലും കക്ഷിരാഷ്ട്രീയം ഉൾപെടുത്താറില്ല. അതിനെതിരായ പ്രതിഷേധ മാർച്ചിന് വന്ന ആളുകൾ സ്ത്രീകൾ ഉൾപ്പടെയുള്ളവർ ഉപയോഗിച്ച ഭാഷ വളരെ മോശമായിരുന്നുവെന്നും പ്രിയനന്ദനൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.