കോഴിക്കോട‌്: ‘രണ്ടാമൂഴം’ നോവൽ സിനിമയാക്കുന്നതു സംബന്ധിച്ച് എം.ടി. വാസുദേവൻ നായർ നൽകിയ കേസിൽ മധ്യസ്ഥനെ നിയമ ിക്കേണ്ടതില്ലെന്ന കീഴ്കോടതി ഉത്തരവ് ജില്ല കോടതി ശരിെവച്ചു. മധ്യസ്ഥൻ വേണമെന്ന ഹരജി മുൻസിഫ് കോടതി തള്ള ിയതിനെതിരെ സംവിധായകൻ വി.എ. ശ്രീകുമാർ മേനോൻ നൽകിയ അപ്പീൽ നാലാം അഡീഷനൽ ജില്ല കോടതിയാണ് തള്ളിയത്.
കേസ് മധ്യസ്ഥൻ മുഖേന ചർച്ചയിലൂടെ അവസാനിപ്പിക്കേണ്ടതില്ലെന്ന് മുൻസിഫ് കോടതി വിധിച്ചിരുന്നു. ഇതിനെതിരെ സംവിധായകൻ വി.എ. ശ്രീകുമാർ മേനോൻ നൽകിയ അപ്പീലിലാണ് വിധി. ഇതോടെ മുൻസിഫ് കോടതി ഉത്തരവ് ജില്ല കോടതി താൽകാലികമായി തടഞ്ഞതും ഒഴിവായി.
കരാർ കാലാവധി കഴിഞ്ഞിട്ടും ശ്രീകുമാർ മേനോൻ സിനിമ ചിത്രീകരണം തുടങ്ങാത്തതിനാൽ തിരക്കഥ തിരിച്ചുകിട്ടണമെന്നാവശ്യപ്പെട്ടാണ് എം.ടി മുൻസിഫ് കോടതിയിൽ ഹരജി നൽകിയത്. കേസ് മധ്യസ്ഥൻ പരിഗണിക്കണമെന്നാണ് സംവിധായകെൻറ ആവശ്യം. നിശ്ചിത സമയത്തിനകം നടപ്പാകാത്തതിനാൽ കരാർ നിലനിൽക്കുന്നില്ലെന്നാണ് എം.ടിയുടെ അഭിഭാഷകൻ കെ.ബി. ശിവരാമകൃഷ്ണെൻറ വാദം. അപ്പീൽ തള്ളിയതോടെ കേസിെൻറ നടപടികൾ മുൻസിഫ് കോടതിയിൽ തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.