കേരളത്തിലെ തിയറ്ററുകളിൽ ഇന്ന് ക്രിസ്മസിന് ശേഷമുള്ള വമ്പൻ റിലീസുകൾ. സൂര്യയുടെ താനാ സേർന്ത കൂട്ടവും വിക്രമിെൻറ സ്കെച്ചും സലിം കുമാർ സംവിധാനം ചെയ്ത് ജയറാം നായകനാകുന്ന ദൈവമേ കൈതൊഴാം കെ. കുമാറാകണം കൂടെ പുതുമുഖങ്ങൾ കേന്ദ്ര കഥാപാത്രങ്ങളായി വരുന്ന ക്വീനുമാണ് ഇന്ന് തിയേറ്ററുകളിലെത്തിയത്.
ജയറാമിനെ നായകനാക്കി ഹാസ്യ താരം സലിം കുമാർ ഒരുക്കിയ ദൈവമേ കൈതൊഴാം കെ. കുമാറാകണം ആണ് മലയാളത്തിൽ നിന്നുള്ള പ്രധാന റിലീസ്. സലിം കുമാറും അനുശ്രീയും ചിത്രത്തിൽ പ്രധാന വേഷങ്ങളിലുണ്ട്. സ്ത്രിയും പുരുഷനും തമ്മിലുള്ള പോരാട്ടത്തിൽ ആരുടെ വാദങ്ങളാണ് ശരിയെന്നതിലേക്ക് വിരൽ ചൂണ്ടുന്ന സിനിമ എന്നാണ് സലി കുമാർ ചിത്രത്തെ കുറിച്ച് പറഞ്ഞത്. ചിത്രത്തിൽ ഫുട്ബോൾ താരം മെസ്സി അഭിനയിക്കുന്നുണ്ട് എന്ന് സലിം കുമാർ ഒരു അഭിമുഖത്തിൽ പറഞ്ഞിരുന്നു.
ക്വീനാണ് മറ്റൊരു മലയാള റിലീസ്. ട്രൈലറിലൂടെയും പാട്ടുകളിലൂടെയും ശ്രദ്ധനേടിയ ചിത്രം മെക്കാനിക്കൽ എഞ്ചിനീയറിങ്ങ് വിദ്യാർഥികളുടെ കഥയാണ് പറയുന്നത്. നവാഗതനായ ഡിജോ ജോസ് ആൻറണിയാണ് ചിത്രത്തിെൻറ സംവിധായകൻ.
വിജയ് ചന്തർ ഒരുക്കുന്ന ആക്ഷൻ ത്രില്ലറാണ് വിക്രമിെൻറ സ്കെച്ച്. മോഹൻലാലിെൻറ മാക്സ് ലാബാണ് സ്കെച്ചിെൻറ കേരളത്തിലെ തിയറ്റർ റൈറ്റ്സ് സ്വന്തമാക്കിയത്. 200ഒാളം കേന്ദ്രങ്ങളിലായി ചിത്രം പ്രദർശനം തുടങ്ങി. സൂര്യയുടെ താനാ സേർന്ത കൂട്ടവും നിരവധി തിയേറ്ററുകളിൽ ഉണ്ട്. ഞാനും റൗഡി താനെന്ന സൂപ്പർഹിറ്റ് ചിത്രമൊരുക്കിയ വിഗ്നേഷ് ശിവനാണ് ചിത്രത്തിെൻറ സംവിധായകൻ. അക്ഷയ് കുമാർ ചിത്രം സ്പെഷ്യൽ 26 െൻറ റീമേക്കാണ് താനാ സേർന്ത കൂട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.