ബാംഗ്ലൂർ ഡേയ്സിന് ശേഷം അഞ്ജലി മേനോൻ സംവിധാനം ചെയ്യുന്ന കൂടെയിലെ ആദ്യ ഗാനം പുറത്തിറങ്ങി. നാല് വർഷത്തിന് ശേഷം നസ്റിയ അഭിനയക്കുന്ന ചിത്രമാണ് കൂടെ. ആരാരോ വരാമെന്നോരി എന്ന ഗാനത്തിെൻറ മുഴുവൻ വീഡിയോയാണ് പുറത്തിറങ്ങിയിരിക്കുന്നത്.
റഫീഖ് അഹമ്മദ് എഴുതിയ വരികൾക്ക് സംഗീതം നൽകിയിരിക്കുന്നത് രഘു ദീക്ഷിത് ആണ്. ആൻ ആമിയാണ് ഗാനം ആലപിച്ചിരിക്കുന്നത്. ചിത്രത്തിലെ മറ്റ് ഗാനങ്ങൾക്ക് ഇൗ നൽകിയിരിക്കുന്നത് എം. ജയചന്ദ്രനാണ്. പൃഥ്വിരാജ്, പാർവതി, നസ്രിയ തുടങ്ങിയവരാണ് കൂടെയിൽ പ്രധാനവേഷങ്ങളിൽ എത്തുന്നത്. അതുൽ കുൽക്കർണി, റോഷൻ മാത്യു, സിദ്ധാർഥ് മേനോൻ, മാല പാർവതി, വിജയരാഘവൻ, രഞ്ജിത്ത് എന്നിവരും ചിത്രത്തിലുണ്ട്. മഞ്ചാടിക്കുരുവിന് ശേഷം അഞ്ജലി മേനോനും പൃഥ്വിരാജും ഒന്നിക്കുന്ന ചിത്രമാണ് കൂടെ.
രജപുത്ര ഇൻറർനാഷണലിെൻറ ബാനറിൽ എം. രഞ്ജിത്താണ് കൂടെ നിർമിക്കുന്നത്. പറവയുടെ ഛായാഗ്രഹണം നിർവഹിച്ച ലിറ്റിൽ സ്വയമ്പാണ് ഛായാഗ്രഹണം. ജൂലൈ ആറിന് ചിത്രം തിയേറ്ററുകളിലെത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.