ചാവക്കാട് പൊന്നാനി ദേശീയപാതയിൽ പുതുപൊന്നാനി അൽഫ ഹോട്ടലിന് സമീപം ചരക്കു ലോറിയും കാറും തമ്മിൽ കൂട്ടിയിടിച്ചുണ്ടായ അപകടത്തിൽ കാർ യാത്രികനായ ഒരാൾ മരിച്ചു. ഇടുക്കി ചെറുതോണിചേലച്ചുവട് സ്വദേശി വത്തല്ലൂർ ഹൗസിൽ ജോബിൻ വി. ജെയിംസ് ആണ് മരണപ്പെട്ടത്.
മറ്റുകാർ യാത്രികരും ഇടുക്കി ചെറുതോണി സ്വദേശികളുമായ രാജേഷ്, വിനോദ്, കാർ ഡ്രൈവർ രാജേഷ് എന്നിവർക്ക് ഗുരുതര പരിക്കേറ്റു. രാവിലെ ഏഴു മണിയോടെയായിരുന്നു അപകടം. ഇടുക്കിയിൽ നിന്നു കോഴിക്കോട്ടേക്ക് പോവുകയായിരുന്ന കാറും എതിർ ദിശയിൽ കോഴിക്കോട് നിന്നും എറണാംകുളത്തേക്ക് പോവുകയായിരുന്ന ലോറിയും തമ്മിലായിരുന്നു കൂട്ടിയിടിച്ചത്.
അപകടത്തിൽ കാറിന്റെ മുൻവശം പൂർണമായും തകർന്നു. ജോബിൻ സംഭവസ്ഥലത്ത് വച്ച് തന്നെ മരിച്ചിരുന്നു. പരിക്കേറ്റവരെ എടപ്പാൾ ആശുപത്രിയിലും തുടർന്ന് വിദഗ്ധ ചികിത്സക്കായി തൃശൂർ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഒരാളുടെ നില ഗുരുതരമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.