മണ്ണുത്തി/മണപ്പാടം: ചെമ്പൂത്രയില്‍ നിർത്തിയിട്ട ലോറിക്ക് പിറകില്‍ ബൈക്കിടിച്ചതിനെത്തുടർന്ന് ലോറിയിലെ കമ്പി ശരീരത്തില്‍ തുളച്ചുകയറി യുവാവ് മരിച്ചു. പാലക്കാട് പുതുക്കോട് മണപ്പാടം പാട്ടോല കിഴക്കേകര ശ്രീശൈലത്തിൽ ശൈലേശന്റെ മകൻ ശ്രദ്ദേഷാണ് (23) മരിച്ചത്. തിങ്കളാഴ്ച വൈകീട്ട് 4.15നാണ് അപകടം.
പാലക്കാട് ഭാഗത്തേക്ക് കമ്പി കയറ്റി പോയിരുന്ന ലോറി ടാർപോളിൻ ഷീറ്റ് പറന്നുപോയത് എടുക്കാനായി നിർത്തിയപ്പോഴാണ് ബൈക്ക് പിറകില്‍ ഇടിച്ചത്. ഉടൻ പീച്ചി പൊലീസ് സ്ഥലത്തെത്തി യുവാവിനെ ആശുപത്രിയില്‍ എത്തിച്ചെങ്കിലും മരിച്ചു.
മൃതദേഹം തൃശൂർ ജൂബിലി മിഷൻ ആശുപത്രി മോർച്ചറിയിൽ.വാഹനത്തിൽ ഇരുമ്പുകമ്പികൾ പോലുള്ളവ കൊണ്ടുപോകുമ്പോൾ ഉണ്ടാകേണ്ട അപകട മുന്നറിയിപ്പ് സംവിധാനങ്ങളോ വാഹനം നിർത്തിയിട്ടതാണെന്ന സൂചനയോ ഉണ്ടായിരുന്നില്ലെന്നും ഇതാണ് അപകടത്തിന് വഴിയൊരുക്കിയതെന്നും നാട്ടുകാർ ആരോപിച്ചു. ലോറി ഡ്രൈവര്‍ മൂവാറ്റുപുഴ സ്വദേശി സോജിക്കെതിരെ മനഃപൂര്‍വമല്ലാത്ത നരഹത്യക്ക് പീച്ചി പൊലീസ് കേസെടുത്തു.
ശ്രദ്ദേഷിന്‍റെ മാതാവ്: ഗീത (പുതുക്കോട് കൊളയക്കാട് ഭാരതീയ വിദ്യാഭവൻ ജീവനക്കാരി). സഹോദരി: ശ്രൽഷ (അഞ്ചാം ക്ലാസ് വിദ്യാർഥിനി, മേരി മാത സ്കൂൾ).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.