ജുബൈൽ: കുഴഞ്ഞു വീണ് അബോധാവസ്ഥയിലായതിനെ തുടർന്ന് 11 മാസത്തിലേറെയായി ചികിത്സയിലായിരുന്ന മലയാളി മരിച്ചു. ജുബൈൽ റോയൽ കമ്മീഷൻ ഏരിയയിൽ ഹൗസ് ഡ്രൈവറായിരുന്ന മലപ്പുറം തിരൂർ പുതിയങ്ങാടി കല്ലിങ്കൽ ജാറത്തിനു സമീപം സി.പി.മുഹമ്മദ് കുട്ടി ( 55) ആണ് മരിച്ചത്.
കഴിഞ്ഞ സെപ്തമ്പർ 22 ന് ജോലി ചെയ്തിരുന്ന വീട്ടിന് മുമ്പിൽ കുഴഞ്ഞു വീഴുകയായിരുന്നു. നാട്ടിൽ പോകാൻ ഒരുക്കങ്ങൾ നടക്കുന്നതിനിടെ ആയിരുന്നു ഇത്. സ്പോൺസർ ഉടൻ മുവാസാത് ആശുപത്രിയിലെത്തിച്ചു. അന്നുമുതൽ അബോധാവസ്ഥയിൽ തുടരുകയായിരുന്നു. വെള്ളിയാഴ്ച മരിച്ചു.
ഭാര്യ: സുബൈദ. മക്കൾ: മുഹമ്മദ് ജാഫർ (യു.എ.ഇ.), മുഹമ്മദ് ജവാദ്.
ജുബൈലിൽ തന്നെ ഖബറടക്കം ചെയ്യാനുള്ള നടപടിക്രമങ്ങൾ പുരോഗമിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.