അവയവ ചികിത്സ പൂർണമാക്കാതെ സ്നേഹ യാത്രയായി

പരപ്പനങ്ങാടി (മലപ്പുറം): സുമനസ്സുകളുടെ കാരുണ്യ ഹസ്തം സ്വീകരിച്ച്​ ജീവിത സ്വപ്നങ്ങൾ തിരിച്ചുപിടിക്കാൻ കൊതിച്ച സഹോദരങ്ങളിലൊരാൾ അവയവ ചികിത്സ പൂർണമാക്കാതെ യാത്രയായി. പാൻക്രിയാസ് അസുഖം ബാധിച്ചു കോയമ്പത്തൂർ കോവൈ ആശുപത്രിയിൽ ചികിത്സയിലായിരുന്ന പരപ്പനങ്ങാടി നെടുവയിലെ സ്നേഹ മോളാണ് (21) ശനിയാഴ്ച മരിച്ചത്​.

നെ​ടു​വ കോ​വി​ല​കം റോ​ഡ് കു​റു​ങ്ങോ​ട​ത്തി​ൽ സ​ദാ​ശി​വ​ൻ -വി​ജ​യ​ല​ക്ഷ്മി ദ​മ്പ​തി​ക​ളു​ടെ മകളാണ്​ സ്​നേഹ. വൃ​ക്ക​രോ​ഗ​ത്തോ​ടൊ​പ്പം പാ​ൻ​ക്രി​യാ​സ് രോ​ഗ​വും പി​ടി​പെ​ട്ട് ഇവരുടെ ക​ണ്ണു​ക​ളു​ടെ കാ​ഴ്ച ന​ഷ്ട​പ്പെ​ട്ടി​രുന്നു.

മൂ​ത്ത മ​ക​ൾ സ്നേ​ഹ​ക്ക് വൃ​ക്ക​യും പാ​ൻ​ക്രി​യാ​സും മാ​റ്റി​വെ​ച്ചാ​ൽ കാ​ഴ്ച തി​രി​ച്ചു​കി​ട്ടു​മെ​ന്നാ​ണ് കോ​യ​മ്പ​ത്തൂ​ർ കോ​വെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ വി​ദ​ഗ്ധ ഡോ​ക്ട​ർ​മാ​ർ പറഞ്ഞിരുന്നത്​. 17കാ​ര​നാ​യ അ​നു​ജ​ൻ സാ​യൂ​ജി​ന്​ പാ​ൻ​ക്രി​യാ​സും മാ​റ്റി​വെ​ക്ക​ണം.

സാ​യൂ​ജ് ജ​ന്മ​നാ അ​സു​ഖ​ബാ​ധി​ത​നാ​ണ്. ആ​ദ്യ ഘ​ട്ട​ത്തി​ൽ ന​ട​ക്കാ​ൻ പോ​ലു​മാ​കാ​തെ മി​ക്ക ആ​ശു​പ​ത്രി​ക​ളി​ലും ചി​കി​ത്സ തേ​ടി​യി​ട്ടു​ണ്ട്. എ​ന്നാ​ൽ, പി​ന്നീ​ട് ആ​യു​ർ​വേ​ദ ചി​കി​ത്സ​യി​ലൂ​ടെ ന​ട​ക്കാ​ൻ ക​ഴി​ഞ്ഞു. നെ​ടു​വ ഗ​വ. ഹൈ​സ്കൂ​ളി​ൽ പ​ത്താം ക്ലാ​സ് വി​ദ്യാ​ർ​ഥി​യാ​ണ്.

രണ്ട്​ വർഷം മുമ്പാണ്​ സ്നേ​ഹ​ക്ക് അ​സു​ഖം തു​ട​ങ്ങുന്നത്​. പ്ല​സ് ടു ​വി​ദ്യാ​ഭ്യാ​സ​ത്തി​നു​ശേ​ഷം ടി.​ടി.​സി പ​ഠ​നം കൂ​ടി പൂ​ർ​ത്തി​യാ​ക്കി​യ ഈ 21​കാ​രി പ​ഠി​പ്പി​ലും ഏ​റെ മി​ടു​ക്കി​യായിരുന്നു. അ​തി​നി​ട​യി​ലാ​ണ് കാ​ഴ്ച ന​ഷ്ട​പ്പെ​ട്ട​ത്. ഒടുവിൽ ജീവനും.