ദുബൈ: മൂന്നര മാസം മുൻപ് ദുബൈയിൽ കാണാതായ ചിറയൻകീഴ് സ്വദേശിയെ മുങ്ങിമരിച്ച നിലയിൽ കണ്ടെത്തി. ചിറയിൻകീഴ് പെരുങ്കുഴി സ്വദേശിയും ദുബൈ യൂറോപ്പ് റെൻറ് എ കാർ സ്ഥാപനത്തിലെ ജീവനക്കാരനുമായിരുന്ന ദേവകുമാർ ശ്രീധരെൻറ (54) മൃതദേഹമാണ് കണ്ടെത്തിയത്.
ഏപ്രിൽ 28 നാണ് ഇദ്ദേഹം ദുബൈ നാഇഫിലെ മുറിയിൽ നിന്ന് പുറത്തുപോയത്. പേഴ്സും മറ്റ് രേഖകളുമെല്ലാം മുറിയിൽ വെച്ചിരുന്നു. തുടർന്ന് സുഹൃത്തുക്കളും ബന്ധുക്കളും തിരച്ചിൽ നടത്തുകയും പരാതി നൽകുകയും ചെയ്തിരുന്നെങ്കിലും കെണ്ടത്താനായിരുന്നില്ല.
ദുബൈ പൊലീസിൽ നിന്ന് ലഭിച്ച സൂചനകളുടെ അടിസ്ഥാനത്തിൽ സാമൂഹിക പ്രവർത്തകൻ നസീർ വാടാനപ്പള്ളി മോർച്ചറിയിലെത്തി മൃതദേഹം തിരിച്ചറിയുകയായിരുന്നു. ഡി.എൻ.എ പരിേശാധന നടത്തി ദേവകുമാർ തന്നെയെന്ന് സ്ഥിരീകരിക്കുകയായിരുന്നു.
ചടങ്ങുകൾക്ക് ശേഷം മൃതദേഹം ദുബൈയിൽ സംസ്കരിക്കും.
കെ. ശ്രീകുമാറിെൻറയും വസുമതിയുടെയും മകനാണ്. ജയകുമാരിയാണ് ഭാര്യ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.