ബാബരി വിധിയും മുസ്​ലിം സമുദായവും

രാജ്യത്ത്​ ന​ട​ക്കു​ന്ന സാ​മൂ​ഹി​ക​വി​വേ​ച​ന​ങ്ങ​ളെ​ക്കു​റി​ച്ച്​ ആ​രും അ​ജ്ഞ​ര​ല്ല. ഈ ​നാ​ട്ടി​ൽ ന​ട​ക് കു​ന്ന കൊ​ടി​യ അ​നീ​തി, ഭ​ര​ണ​കൂ​ട ഭീ​ക​ര​ത, നി​ര​പ​രാ​ധി​ക​ളു​ടെ അ​ന്യാ​യ ത​ട​വ്, നി​യ​മം കാ​റ്റി​ൽ​പ​റ​ത് തു​ന്ന​ത് ​-ഇ​തി​നെ​ക്കു​റി​ച്ചൊ​ക്കെ​ ന​ല്ല ബോ​ധ്യ​മു​ണ്ടാ​യി​ക്കൊ​ണ്ടു​ത​ന്നെ​യാ​ണ്​ മു​സ്​​ലിം ​ലീ ​ഗ്​ സ​മാ​ധാ​ന​ത്തെ​ക്കു​റി​ച്ച്​ സം​സാ​രി​ക്കു​ന്ന​ത്. ഈ ​സ​ന്ദി​ഗ്​​ധ​ഘ​ട്ട​വും ക​ട​ന്ന്​ മു​ന്നോ​ട്ട ു​പോ​യേ തീ​രൂ എ​ന്ന നി​ർ​ബ​ന്ധ​വും ഈ ​ച​രി​ത്ര​ഘ​ട്ട​ത്തി​ൽ മി​ഴി​ച്ചി​രി​ക്കാ​നാ​വി​ല്ല എ​ന്ന ബോ​ധ്യ​വ ു​മു​ള്ള​തു​കൊ​ണ്ടാ​ണ​ത്​.

അ​യോ​ധ്യ കേ​സി​ൽ അ​ന്തി​മ​വി​ധി പ​റ​ഞ്ഞ​ത്​ രാ​ജ്യ​ത്തെ പ​ര​മോ​ന്ന​ത കേ ാ​ട​തി​യാ​ണ്. രാ​ജ്യ​െ​ത്ത ഓ​രോ പൗ​ര​നും അ​ത്​ അം​ഗീ​ക​രി​ക്കാ​നു​ള്ള ബാ​ധ്യ​ത​യു​ണ്ട്. നി​യ​മ​വാ​ഴ്​​ച​യ ി​ൽ എ​ത്ര പ്ര​തി​കൂ​ല സാ​ഹ​ച​ര്യ​ത്തി​ലും വി​ശ്വാ​സ​മ​ർ​പ്പി​ച്ച സ​മൂ​ഹ​മാ​ണ്​ ഇ​ന്ത്യ​യി​ലെ മു​സ്​​ലിം​ ക​ൾ. അ​തു​കൊ​ണ്ടു​ത​ന്നെ വി​ധി മാ​നി​ക്കു​ക​യും കോ​ട​തി​യോ​ടു​ള്ള ആ​ദ​ര​വ്​ പ്ര​ക​ടി​പ്പി​ക്കു​ക​യും ച െ​യ്​​തു. എ​ന്നാ​ൽ, കോ​ട​തി​വി​ധി​യി​ലെ വൈ​രു​ധ്യ​ങ്ങ​ളും പൊ​രു​​ത്ത​ക്കേ​ടു​ക​ളും ചൂ​ണ്ടി​ക്കാ​ണി​ക്ക​രു​തെ​ന്ന വാ​ദം ജ​നാ​ധി​പ​ത്യ​വി​രു​ദ്ധ​മാ​ണ്. ജ​നാ​ധി​പ​ത്യം മോ​ബോ​ക്ര​സി​ക്ക്​ കീ​ഴ​ട​ങ്ങു​ന്ന ഇ​ക്കാ​ല​ത്ത്​ പ്ര​ത്യേ​കി​ച്ചും.

2014ൽ ​ന​രേ​ന്ദ്ര മോ​ദി പ്ര​ധാ​ന​മ​ന്ത്രി​യാ​യ ശേ​ഷം രാ​ജ്യ​ത്ത്​ പ്ര​ക​ട​മാ​യ മാ​റ്റ​ങ്ങ​ളു​ണ്ട്. വെ​റു​പ്പും വി​ദ്വേ​ഷ​വും രാ​ഷ്​​ട്രീ​യ ആ​യു​ധ​മാ​ക്കി, സ​ങ്ക​ൽ​പ​ശ​ത്രു​വി​നെ നി​ർ​മി​ച്ച്​ നേ​ടി​യ തെ​ര​ഞ്ഞെ​ടു​പ്പു വി​ജ​യ​ത്തി​ലൂ​ടെ മോ​ദി​യും സം​ഘ്​​പ​രി​വാ​റും പ്ര​ഖ്യാ​പി​ച്ച​ത്​ ഇ​ന്ത്യ ഹി​ന്ദു രാ​ഷ്​​ട്ര​മാ​കും എ​ന്നു​ത​ന്നെ​യാ​ണ്. ബി.​എ​സ്. മൂ​ഞ്ചെ ഉ​ൾ​പ്പെ​ടെ​യു​ള്ള മു​ൻ​ഗാ​മി​ക​ൾ ഫാ​ഷി​സ്​​റ്റ്​ രാ​ഷ്​​ട്ര​ങ്ങ​ളി​ൽ​നി​ന്ന്​ ആ​വാ​ഹി​ച്ചു​കൊ​ണ്ടു​വ​ന്ന വെ​റു​പ്പി​െ​ൻ​റ പ്ര​ത്യ​യ​ശാ​സ്​​ത്രം ഇ​ന്ത്യ​യി​ൽ എ​ങ്ങ​നെ സ​മ​ർ​ഥ​മാ​യി ന​ട​പ്പാ​ക്കാം എ​ന്ന പ​രീ​ക്ഷ​ണ​മാ​ണ്​ മോ​ദി​യു​ടെ ഒ​ന്നാ​മൂ​ഴം. 2015ൽ ​ദാ​ദ്രി​യി​ലെ മു​ഹ​മ്മ​ദ്​ അ​ഖ്​​ലാ​ഖി​െ​ൻ​റ കൊ​ല​പാ​ത​ക​ത്തി​ൽ തു​ട​ങ്ങി ത​ബ്​​രീ​സ്​ അ​ൻ​സാ​രി​യി​ൽ എ​ത്തി​നി​ൽ​ക്കു​ന്ന ആ​ൾ​ക്കൂ​ട്ട കൊ​ല​പാ​ത​ക​ങ്ങ​ൾ​ക്കെ​ല്ലാം കൃ​ത്യ​മാ​യ ആ​സൂ​ത്ര​ണ​മു​ണ്ട്. ഗോ​ര​ക്ഷ​ക​ർ​ക്ക്​ ഭ​ര​ണ​കൂ​ട​ത്തി​െ​ൻ​റ സ​ക​ല ഒ​ത്താ​ശ​ക​ളും ഇ​പ്പോ​ഴും ല​ഭി​ക്കു​ന്നു. ഈ ​ഗു​ണ്ടാ​സം​ഘ​ത്തെ ക​യ​റൂ​രി​വി​ട്ട്​ ഭ​യം വി​ത​ക്കു​ന്ന​തി​ൽ സം​ഘ്​​പ​രി​വാ​ർ നേ​ടി​യ വി​ജ​യ​മാ​ണ്​ 2019ലെ ​ര​ണ്ടാം മോ​ദി യു​ഗ​ത്തി​ന്​ വ​ഴി​തു​റ​ന്ന​ത്.

ഭ​ര​ണ​ഘ​ട​ന ക​ത്തി​ച്ചു​ക​ള​യ​ണം എ​ന്നാ​ക്രോ​ശി​ക്കു​ന്ന​വ​രു​ടെ കൈ​യി​ലാ​ണ്​ ഭ​ര​ണം. കു​റു​ക്ക​െ​ൻ​റ വാ​യി​ലു​ള്ള കോ​ഴി നീ​തി ആ​ഗ്ര​ഹി​ക്കു​ന്ന​തു​പോ​ലെ മൗ​ഢ്യ​മാ​ണ്​ ഇ​ന്ത്യ​യി​ൽ ഭ​ര​ണ​ഘ​ട​ന സം​ര​ക്ഷി​ക്ക​പ്പെ​ട​ണ​മെ​ന്ന നി​ല​വി​ളി. ഭ​ര​ണ​ഘ​ട​നാ സ്​​ഥാ​പ​ന​ങ്ങ​​ളോ​രോ​ന്നും എ​ത്ര സ​മ​ർ​ഥ​മാ​യാ​ണ് ​സം​ഘ്​​പ​രി​വാ​ർ കൈ​യ​ട​ക്കി​യ​ത്. മാ​ധ്യ​മ​ങ്ങ​ളു​ടെ വാ​യ്​ മൂ​ടി​ക്കെ​ട്ടി​യ കാ​ല​ത്ത്, സ്​​റ്റേ​റ്റി​നു വേ​ണ്ടി സം​സാ​രി​ക്കു​ന്ന വാ​ർ​ത്താ​വ​താ​ര​ക​ർ നി​റ​ഞ്ഞു​നി​ൽ​ക്കു​ന്ന ഒ​രു​കാ​ല​ത്ത്​ ജു​ഡീ​ഷ്യ​റി​കൂ​ടി കൈ​വി​ട്ടു​പോ​വു​ന്ന​ത്​ എ​ത്ര നി​രാ​ശ​ജ​ന​ക​മാ​ണ്​!

ഇ​ന്ത്യ​യി​ൽ, 2014നു ​ശേ​ഷ​മു​ള്ള മോ​ദി​ക്കാ​ല​ത്ത്​ മാ​ത്ര​മാ​ണ്​ മു​സ്​​ലിം​ക​ൾ വി​വേ​ച​നം നേ​രി​ട്ട​ത്​ എ​ന്ന്​ അ​ർ​ഥ​മി​ല്ല. സ്വാ​ത​ന്ത്ര്യാ​ന​ന്ത​രം ഹി​ന്ദു​ത്വ​വി​കാ​ര​ത്തെ അ​നു​ന​യി​പ്പി​ക്കാ​ൻ പ​ല ഭ​ര​ണ​കൂ​ട​ങ്ങ​ളും ചെ​യ്​​ത തെ​റ്റു​ക​ളു​ണ്ട്. ആ ​തെ​റ്റു​ക​ൾ​ക്കു​നേ​രെ ക​ണ്ണ​ട​ക്കു​ന്നി​ല്ല. എ​ന്നാ​ൽ, ആ ​കാ​ല​ത്തി​ൽ​നി​ന്ന്​ വ്യ​ത്യ​സ്​​ത​മാ​യി ഭ​ര​ണ​കൂ​ട​ത്തി​െ​ൻ​റ സ​ക​ല​സം​വി​ധാ​ന​ങ്ങ​ളും വി​വേ​ച​ന​ങ്ങ​ളാ​ൽ ഭ​രി​ക്ക​പ്പെ​ടു​ക​യാ​ണ്​ ഇ​ന്ന്. അ​വി​ടെ​യാ​ണ്​ ബാ​ബ​രി ത​ർ​ക്ക​ത്തെ തു​ട​ർ​ന്നു​ള്ള കോ​ട​തി വി​ധി ച​ർ​ച്ച​ചെ​യ്യ​പ്പെ​ടേ​ണ്ട​ത്.

പ​തി​റ്റാ​ണ്ടു​ക​ൾ നീ​ണ്ട ഒ​രു സി​വി​ൽ ത​ർ​ക്ക​ത്തി​ൽ, പ​ര​മോ​ന്ന​ത കോ​ട​തി​യു​ടെ ഭ​ര​ണ​ഘ​ട​ന ​െബ​ഞ്ച്​ ഒ​രു വി​ധി പ്ര​ഖ്യാ​പി​ക്കു​േ​മ്പാ​ൾ അ​തി​ൽ അ​ന്യാ​യ​മു​ണ്ടാ​വ​രു​ത്​ എ​ന്ന​ത്​ പൗ​ര​ന്മാ​രു​ടെ ആ​ഗ്ര​ഹം മാ​ത്ര​മാ​യി​രു​ന്നു. ആ ​ആ​ഗ്ര​ഹം ന​ട​പ്പാ​കു​ന്ന സാ​ഹ​ച​ര്യം ഇ​ന്ത്യ​യി​ലി​ല്ല എ​ന്നു​ത​ന്നെ​യാ​ണ്​ ഈ ​കോ​ട​തി​വി​ധി തെ​ളി​യി​ച്ച​ത്. ചരിത്രവസ്​തുതകളുടെ പിൻബലത്തോടെ മുസ്​ലിം വിഭാഗത്തി​​​െൻറ വാദങ്ങൾക്ക്​ സാധുത നൽകുന്ന ഇ​ത്ര​യും നി​രീ​ക്ഷ​ണ​ങ്ങ​ളു​ടെ അ​വ​സാ​നം ത​ർ​ക്ക​ഭൂ​മി രാ​മ​ക്ഷേ​ത്ര​ത്തി​ന്​ വി​ട്ടു​കൊ​ടു​ക്കാ​നും മൂ​ന്നു​മാ​സ​ത്തി​ന​കം ക്ഷേ​ത്ര നി​ർ​മാ​ണ​ത്തി​ന്​ തു​ട​ക്കം കു​റി​ക്കാ​നും ഉ​ത്ത​ര​വി​ടു​ന്ന​ത്​ എ​ന്ത്​ നീ​തി​യാ​ണ്​? 1045 പേ​ജു​ള്ള വി​ധി​യി​ൽ, വി​ധി​യെ​ഴു​തി​യ ജ​ഡ്​​ജി​യു​ടെ പേ​ര്​ പ​രാ​മ​ർ​ശി​ക്കു​ന്നി​ല്ല. അ​പ്പോ​ൾ വി​ധി ദു​രൂ​ഹ​വും വൈ​രു​ധ്യ​ങ്ങ​ൾ നി​റ​ഞ്ഞ​തു​മാ​ണ്. എ​ന്താ​കും വി​ധി​യെ​ന്ന്​ ആ​രൊ​ക്കെ നേ​ര​ത്തേ അ​റി​ഞ്ഞി​രു​ന്നോ? കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ ഫേ​സ്​​ബു​ക്കി​ൽ പ്ര​ഖ്യാ​പി​ച്ച​ത്​ ഈ ​വി​ധി സ​ർ​ക്കാ​റി​െ​ൻ​റ നേ​ട്ട​മാ​യാ​ണ്. ഒ​രു തെ​ര​ഞ്ഞെ​ടു​പ്പ്​ വാ​ഗ്​​ദാ​നം കൂ​ടി നി​റ​വേ​റ്റി​യ ആ​ഹ്ലാ​ദം അ​ദ്ദേ​ഹം പ​ങ്കു​വെ​ക്കു​േ​മ്പാ​ൾ കോ​ട​തി​യു​ടെ ഇ​ട​നാ​ഴി​ക​ളി​ൽ ന​ട​ന്ന ഗൂ​ഢാ​ലോ​ച​ന​യ​ല്ലേ പു​റ​ത്തു​വ​രു​ന്ന​ത്​?

ബാ​ബ​രി മ​സ്​​ജി​ദി​െ​ൻ​റ സ​മ്പൂ​ർ​ണ​മാ​യ എ​പ്പി​സോ​ഡ്​ ഏ​ക​പ​ക്ഷീ​യ​മാ​യ കൈ​യേ​റ്റ​ങ്ങ​ളു​ടേ​താ​ണ്. 1949 മു​ത​ൽ ഒ​ടു​വി​ൽ സു​പ്രീം​കോ​ട​തി വി​ധി പ്ര​ഖ്യാ​പ​നം വ​രെ ഈ ​അ​നീ​തി​യും കൈ​യേ​റ്റ​വും പ്ര​ക​ട​മാ​ണ്. എ​ന്നി​ട്ടും മു​സ്​​ലിം​സ​മു​ദാ​യം ഒ​രു പ്ര​കോ​പ​ന​വും ഉ​ണ്ടാ​ക്കി​യി​ല്ല. ഉ​യ​ർ​ന്ന രാ​ഷ്​​ട്രീ​യ​ബോ​ധ​മോ ആ​ത്മ​വി​ശ്വാ​സ​മോ കൊ​ണ്ട​ല്ല. അ​വ​രു​ടെ ഭ​യ​പ്പാ​ടു​ക​ളു​ടെ ആ​ഴം​കൊ​ണ്ട്​ മാ​ത്ര​മാ​ണ്. ഇ​തി​നെ യാ​ഥാ​ർ​ഥ്യ​ബോ​ധ​മാ​യി നി​രീ​ക്ഷി​ക്കാം. രാ​ഷ്​​ട്രീ​യ​മാ​യി മു​സ്​​ലിം​സ​മു​ദാ​യ​ത്തി​ന്​ ക​രു​ത്തു​ള്ള കേ​ര​ളം വ​ള​രെ വി​വേ​ക​ത്തോ​ടെ​ത്ത​ന്നെ ഇ​തി​നെ സ​മീ​പി​ച്ചു. മു​സ്​​ലിം ​ലീ​ഗ്​ നേ​തൃ​ത്വ​വും മ​ത, സ​മു​ദാ​യ സം​ഘ​ട​ന​നേ​താ​ക്ക​ളും കാ​ണി​ച്ച പ​ക്വ​മാ​യ നി​ല​പാ​ട്​ മാ​ത്ര​മ​ല്ല, സ​മു​ദാ​യ​ത്തി​െ​ൻ​റ പ​ക്വ​മാ​യ വ​ള​ർ​ച്ച​കൂ​ടി ഈ ​സം​യ​മ​ന​ത്തി​ന്​ പി​റ​കി​ലു​ണ്ട്.

ബാ​ബ​രി മ​സ്​​ജി​ദു​മാ​യി ബ​ന്ധ​പ്പെ​ട്ട്​ ഇ​നി​യൊ​രു നി​യ​മ​പോ​രാ​ട്ട​ത്തി​ന്​ എ​ത്ര​ത്തോ​ളം സാ​ധ്യ​ത​യു​ണ്ടെ​ന്ന്​ പ​റ​യാ​നാ​വി​ല്ല. അ​തി​നെ​ക്കാ​ൾ പ്ര​ധാ​നം വി​ധി​ക്കു ശേ​ഷ​മു​ള്ള സാ​മൂ​ഹി​ക പ​ഠ​ന​മാ​ണ്. ഇ​ന്ത്യ​ൻ മു​സ്​​ലിം​ക​ളെ​ക്കു​റി​ച്ച്​ അ​രു​ന്ധ​തി റോ​യി ഇൗ​യി​ടെ ‘ന്യൂ​യോ​ർ​ക് ടൈം​സി’​ൽ ന​ട​ത്തി​യ ഒ​രു നി​രീ​ക്ഷ​ണ​മു​ണ്ട്. ‘‘ക​ശ്​​മീ​രി​ൽ​നി​ന്ന്​ ചു​രു​ള​ഴി​ഞ്ഞി​റ​ങ്ങു​ന്ന ഹിം​സ ഇ​ന്ത്യ​യി​ലേ​ക്കും തു​ളു​മ്പി പ​ട​രും. അ​ത്​ ഇ​ന്ത്യ​യി​ലെ മു​സ്​​ലിം​ക​ൾ​ക്കെ​തി​രെ​യു​ള്ള വി​രോ​ധ​ത്തെ ആ​ളി​ക്ക​ത്തി​ക്കാ​ൻ ഉ​പ​യോ​ഗി​ക്കും. ഇ​പ്പോ​ൾ​ത​ന്നെ, അ​വ​ർ രാ​ക്ഷ​സ​വ​ത്​​ക​രി​ക്ക​പ്പെ​ട്ടും, ചേ​രി​ക​ളി​ലേ​ക്ക്​ ത​ള്ള​പ്പെ​ട്ടും, സാ​മ്പ​ത്തി​ക​ േശ്ര​ണി​ക​ളു​ടെ താ​ഴെ പ​ടി​ക​ളി​ലേ​ക്ക്​ ത​ള്ളി​യി​റ​ക്ക​പ്പെ​ട്ടും, പി​ന്നെ പേ​ടി​പ്പെ​ടു​ത്തു​ന്ന​വി​ധം കൃ​ത്യ​മാ​യ ഇ​ട​വേ​ള​ക​ളി​ൽ ആ​ൾ​ക്കൂ​ട്ട​ങ്ങ​ളാ​ൽ കൊ​ല്ല​പ്പെ​ട്ടും ചു​രു​ക്ക​പ്പെ​ട്ടു​ക​ഴി​ഞ്ഞി​രി​ക്കു​ക​യാ​ണ​ല്ലോ.’’ ഈ ​ജ​ന​ത​ക്ക്​ കോ​ട​തി​ക​ൾ​കൂ​ടി അ​പ്രാ​പ്യ​മാ​ണെ​ന്ന്​ ആ​ണി​യ​ടി​ക്കു​ക​യാ​ണ്​ പു​തി​യ വി​ധി.

ബാ​ബ​രി മ​സ്​​ജി​ദ്​ ത​ക​ർ​ക്ക​പ്പെ​ട്ട ശേ​ഷം പൊ​തു​വി​ൽ ഇ​ന്ത്യ​യി​ലെ മു​സ്​​ലിം​ക​ൾ അ​നു​ഭ​വി​ച്ച​ത്​ രൂ​ക്ഷ​മാ​യ അ​പ​ര​വ​ത്​​ക​ര​ണ​മാ​യി​രു​ന്നു. കൂ​ട്ട​ത്തി​ൽ ചേ​രേ​ണ്ട​വ​ര​ല്ല മു​സ്​​ലിം എ​ന്ന ചാ​പ്പ​കു​ത്ത​ലാ​യി​രു​ന്നു. ഇ​തി​ൽ ആ​ർ.​എ​സ്.​എ​സ്​ ഏ​റ​ക്കു​റെ വി​ജ​യി​ച്ചു. അ​യോ​ധ്യ​വി​ധി​ക്കു ശേ​ഷം മു​സ്​​ലിം​ക​ൾ അ​നു​ഭ​വി​ക്കാ​ൻ പോ​കു​ന്ന​ത്​ പ്ര​ത്യ​ക്ഷ നീ​തി​നി​ഷേ​ധം കൂ​ടി​യാ​വും. ഈ ​കാ​ല​ത്തെ അ​വ​ർ എ​ങ്ങ​നെ മ​റി​ക​ട​ക്കും? മു​സ്​​ലിം സ​മു​ദാ​യ​ത്തി​ന​ക​ത്ത്​ പ്ര​ബു​ദ്ധ​മാ​യ ച​ർ​ച്ച​ക​ൾ ന​ട​ക്കേ​ണ്ട സ​മ​യ​മാ​ണി​ത്. ആ​ത്മാ​ർ​ഥ​വും തെ​ളി​മ​യു​ള്ള​തു​മാ​യ ആ​ശ​യ​വി​നി​മ​യ​ങ്ങ​ൾ ഉ​ണ്ടാ​ക​ണം. സ​മു​ദാ​യ​ത്തി​ന​ക​ത്ത്​ ഇ​തി​ന്​ നേ​തൃ​ത്വം കൊ​ടു​ക്കാ​ൻ മു​സ്​​ലിം​ലീ​ഗ്​ സ​ന്ന​ദ്ധ​മാ​ക​ണം.

എ​ല്ലാ മ​ത​സം​ഘ​ട​ന​ക​ളും സാ​മു​ദാ​യി​ക, സാ​മൂ​ഹി​ക​പ്ര​സ്​​ഥാ​ന​ങ്ങ​ളും തു​റ​ന്ന സ​മീ​പ​ന​ത്തോ​ടെ കൂ​ടെ നി​ൽ​ക്ക​ണം. രാ​ഷ്​​ട്രീ​യ​മാ​യും സാ​മൂ​ഹി​ക​മാ​യും വ​ലി​യ ഇ​ട​പെ​ട​ലു​ക​ൾ ഉ​ണ്ടാ​ക​ണം. മു​സ്​​ലിം സ​മു​ദാ​യ​ത്തി​െ​ൻ​റ ആ​ത്മ​വി​ശ്വാ​സ​ത്തെ സം​ര​ക്ഷി​ക്കു​ക​യാ​ണ്​ ഏ​റ്റ​വും ശ്ര​മ​ക​ര​മാ​യ ദൗ​ത്യം. ഈ ​കാ​ല​ത്തെ​യും മ​റി​ക​ട​ക്കു​ക​ത​ന്നെ ചെ​യ്യും എ​ന്ന ഉ​റ​ച്ച വി​ശ്വാ​സം അ​വ​രി​ലു​ണ്ടാ​ക്ക​ണം.​ആ​ർ.​എ​സ്.​എ​സ്​ ഉ​യ​ർ​ത്തു​ന്ന വെ​റു​പ്പി​െ​ൻ​റ രാ​ഷ്​​ട്രീ​യ​ത്തോ​ട്​ ഇ​ന്ത്യ​യി​ലെ വ​ലി​യൊ​രു വി​ഭാ​ഗം വി​യോ​ജി​ക്കു​ന്നു​ണ്ടെ​ന്ന യാ​ഥാ​ർ​ഥ്യം ഉ​ൾ​ക്കൊ​ള്ള​ണം. അ​വ​ർ ഉ​യ​ർ​ത്തു​ന്ന ശ​ബ്​​ദം നി​സ്സാ​ര​മ​ല്ല. മു​സ്​​ലിം​ക​ൾ ഒ​റ്റ​ക്ക​ല്ലെ​ന്ന ബോ​ധ്യ​മാ​ണ്​ അ​തു​ണ്ടാ​ക്കു​ന്ന​ത്. ഹി​റ്റ്​​ല​ർ​ക്കു വേ​ണ്ടി ഏ​റ്റ​വും വ​ലി​യ അ​ട്ട​ഹാ​സ​ങ്ങ​ളു​യ​ർ​ന്ന അ​തേ തെ​രു​വു​ക​ളി​ൽ ഇ​ന്ന്​ ജ​ർ​മ​ൻ​ജ​ന​ത ആ ​ഓ​ർ​മ​ക​ളെ​പ്പോലും കാ​ർ​ക്കി​ച്ചു​തു​പ്പു​ക​യാ​ണ്​. ച​രി​ത്രം ഒ​രേ ദി​ശ​യി​ൽ എ​ല്ലാ കാ​ല​വും സ​ഞ്ച​രി​ക്കി​ല്ലെ​ന്ന​തി​ന്​ ച​രി​ത്രം​ത​ന്നെ​യാ​ണ്​ സാ​ക്ഷി.

(മു​സ്​​ലിം യൂ​ത്ത്​​ ലീ​ഗ്​ സം​സ്​​ഥാ​ന സീ​നി​യ​ർ വൈ​സ് ​പ്ര​സി​ഡ​ൻ​റാ​ണ്​ ലേ​ഖ​ക​ൻ)