സി​ൽ​വ​ർ​​​ലൈ​ൻ: പെരുപ്പിച്ച കണക്കിൽ കെട്ടിപ്പൊക്കിയ സാധ്യതാപഠനം

സി​ൽ​വ​ർ​ൈ​ല​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ടു പു​റ​ത്തു​വ​ന്ന സാ​മ്പ​ത്തി​ക വി​ശ​ക​ല​നം ചോ​ദ്യം​ചെ​യ്യ​ലു​ക​ൾ​ക്കു വി​ധേ​യ​മാ​യി​ക്കൊ​ണ്ടി​രി​ക്ക​യാ​ണ്. അ​തു​കൊ​ണ്ടു​ത​ന്നെ, ഈ ​പ​ദ്ധ​തി​യു​ടെ സാ​മ്പ​ത്തി​ക സാ​ധ്യ​ത​യും അ​തി​നാ​ധാ​ര​മാ​ക്കി​യ വി​വ​ര​ങ്ങ​ളും സൂ​ക്ഷ്മ​ത​ല​ത്തി​ൽ പ​രി​ശോ​ധി​ക്കേ​ണ്ട​തു​ണ്ട്. പ​ദ്ധ​തി​യു​ടെ സാ​മ്പ​ത്തി​ക വി​ശ​ക​ല​നം ര​ണ്ടു​ത​ല​ങ്ങ​ളി​ലാ​യാ​ണ് ഉ​പ​ദേ​ശ​ക​രാ​യ സി​സ്ട്ര എ​ന്ന ഫ്ര​ഞ്ച് ബ​ഹു​രാ​ഷ്ട്ര​ക്ക​മ്പ​നി നി​ർ​വ​ഹി​ച്ചി​ട്ടു​ള്ള​ത്. ഒ​ന്ന്, പ​ദ്ധ​തി​യു​ടെ ചെ​ല​വ്- നേ​ട്ട വി​ശ​ക​ല​നം (Cost -Benefit Analysis); ര​ണ്ട്, സാ​മ്പ​ത്തി​ക ഭ​ദ്ര​ത പ​രി​ശോ​ധി​ക്കു​ന്ന ധ​ന​വി​ശ​ക​ല​നം (Financial Analysis).

സാ​മൂ​ഹി​ക പ്രാ​ധാ​ന്യ​മു​ള്ള ഒ​രു നി​ക്ഷേ​പം വേ​ണ​മോ വേ​ണ്ട​യോ എ​ന്ന് നി​ശ്ച​യി​ക്കേ​ണ്ട​ത് അ​തു സൃ​ഷ്ടി​ക്കു​ന്ന സാ​മൂ​ഹി​ക ചെ​ല​വു​ക​ളു​ടെ​യും (social cost ) അ​തു​മൂ​ല​മു​ണ്ടാ​കു​ന്ന സാ​മൂ​ഹി​ക നേ​ട്ട​ങ്ങ​ളു​ടെ​യും (social benefits) അ​ടി​സ്ഥാ​ന​ത്തി​ലാ​യി​രി​ക്ക​ണം എ​ന്നാ​ണ് ആ​ധു​നി​ക സാ​മ്പ​ത്തി​ക ശാ​സ്ത്രം നി​ഷ്ക​ർ​ഷി​ക്കു​ന്ന​ത്. സി​സ്ട്ര ന​ട​ത്തി​യ പ​ദ്ധ​തി വി​ല​യി​രു​ത്ത​ലി​ൽ സാ​മൂ​ഹി​ക​ചെ​ല​വു​ക​ളാ​യി പ​രി​ഗ​ണി​ച്ചി​ട്ടു​ള്ള​ത് ഇ​വ​യാ​ണ്. ഒ​ന്ന്, പ്രാ​രം​ഭ മു​ത​ൽ മു​ട​ക്ക്: ഭൂ​മി ഏ​റ്റെ​ടു​ക്ക​ൽ, റെ​യി​ൽ ലൈ​ൻ, ടി​ക്ക​റ്റി​ങ് സം​വി​ധാ​നം, വൈ​ദ്യു​തി-​ഇ​ല​ക്ട്രോ​ണി​ക് സം​വി​ധാ​ന​ങ്ങ​ൾ സ്റ്റേ​ഷ​നു​ക​ളു​ടെ​യും മ​റ്റു സി​വി​ൽ നി​ർ​മി​തി​ക​ളു​ടെ​യും നി​ർ​മാ​ണം, എ​ൻ​ജി​ൻ, വാ​ഗ​ണു​ക​ൾ തു​ട​ങ്ങി​യ​വ ഉ​ൾ​ക്കൊ​ള്ളു​ന്ന റോ​ളി​ങ് സ്റ്റോ​ക്കു​ക​ൾ തു​ട​ങ്ങി​യ​വ​ക്കു വേ​ണ്ടി​വ​രു​ന്ന ചെ​ല​വ്; ര​ണ്ട്, പ​ദ്ധ​തി നി​ല​വി​ൽ​വ​രു​ന്ന​തു മു​ത​ൽ പ്ര​വ​ർ​ത്ത​ന കാ​ല​യ​ള​വ് തീ​രു​ന്ന​തു​വ​രെ കേ​ടാ​യി​പ്പോ​കു​ന്ന മൂ​ല​ധ​ന സാ​മ​ഗ്രി​ക​ളു​ടെ പു​നഃ​സ്ഥാ​പ​നം, പ​രി​പാ​ല​നം, ന​ട​ത്തി​പ്പ് എ​ന്നി​വ​ക്ക്​ വാ​ർ​ഷി​കാ​ടി​സ്ഥാ​ന​ത്തി​ൽ വേ​ണ്ടി​വ​രു​ന്ന ആ​വ​ർ​ത്ത​ന ചെ​ല​വു​ക​ൾ.

നേ​ട്ട​ങ്ങ​ളാ​യി, യാ​ത്രാ സ​മ​യ​ത്തി​ലു​ണ്ടാ​കു​ന്ന ലാ​ഭം, യാ​ത്ര​ക്കാ​ർ പു​തി​യ സം​വി​ധാ​ന​ത്തി​ലേ​ക്ക് മാ​റു​ന്ന​തോ​ടെ മ​റ്റു വാ​ഹ​ന​ങ്ങ​ളു​ടെ പ്ര​വ​ർ​ത്ത​ന​ച്ചെ​ല​വി​ലും നി​ര​ത്തു​ക​ളു​ടെ​യും മ​റ്റും പ​രി​പാ​ല​ന​ത്തി​ലു​മു​ണ്ടാ​കു​ന്ന ലാ​ഭം, അ​ന്ത​രീ​ക്ഷ മ​ലി​നീ​ക​ര​ണ​ത്തി​ലും, റോ​ഡ​പ​ക​ട​ങ്ങ​ളി​ലും ഉ​ണ്ടാ​കു​ന്ന കു​റ​വു മൂ​ല​മു​ണ്ടാ​കു​ന്ന സാ​മ്പ​ത്തി​ക നേ​ട്ടം എ​ന്നി​വ ഉ​ൾ​ക്കൊ​ള്ളി​ച്ചി​രി​ക്കു​ന്നു. പ​ദ്ധ​തി പ്രാ​ബ​ല്യ​ത്തി​ൽ വ​രു​മെ​ന്ന് ക​ണ​ക്കാ​ക്കി​യി​ട്ടു​ള്ള 2025ൽ ​മാ​ത്രം ഇ​വ മൂ​ല​മു​ള്ള സാ​മൂ​ഹി​ക നേ​ട്ടം 12,431 കോ​ടി രൂ​പ​യാ​ണെ​ന്നാ​ണ്​ സി​സ്ട്ര വി​ല​യി​രു​ത്തി​യി​ട്ടു​ള്ള​ത്. ട്രെ​യി​നു​ക​ൾ, റെ​യി​ൽ​വേ സ്റ്റേ​ഷ​നു​ക​ൾ, ഡി​പ്പോ​ക​ൾ എ​ന്നി​വ പൂ​ർ​ണ​മാ​യും സൗ​രോ​ർ​ജ്ജ​ത്തി​ലാ​യ​തു​കൊ​ണ്ട് അ​ന്ത​രീ​ക്ഷ മ​ലി​നീ​ക​ര​ണ​ത്തി​ലു​ണ്ടാ​കു​ന്ന കു​റ​വു​മൂ​ല​മു​ണ്ടാ​കാ​ൻ സാ​ധ്യ​ത​യു​ള്ള 'പാ​രി​സ്ഥി​തി​ക നേ​ട്ട​ങ്ങ​ളും ആ​രോ​ഗ്യ​നേ​ട്ട​ങ്ങ​ളും', റെ​യി​ൽ​വേ സ്റ്റേ​ഷ​നു​ക​ൾ, ഡി​പ്പോ​ക​ൾ, യാ​ർ​ഡു​ക​ൾ എ​ന്നി​വ​യു​ടെ സ​മീ​പ​ങ്ങ​ളി​ലു​ള്ള ഭൂ​മി, കെ​ട്ടി​ട​ങ്ങ​ൾ, വീ​ടു​ക​ൾ തു​ട​ങ്ങി​യ​വ​യു​ടെ വി​ല​യി​ൽ ഉ​ണ്ടാ​കാ​നി​ട​യു​ള്ള വ​ർ​ധ​ന എ​ന്നി​വ​യും സാ​മൂ​ഹി​ക നേ​ട്ട​ങ്ങ​ളു​ടെ പ​ട്ടി​ക​യി​ൽ പെ​ടു​ത്തി​യി​ട്ടു​ണ്ടെ​ങ്കി​ലും 'ക​ണ​ക്കു​കൂ​ട്ടു​ന്ന​തി​ലെ പ്ര​യാ​സം മൂ​ലം' അ​വ​യെ പ​ദ്ധ​തി വി​ശ​ക​ല​ന​ത്തി​െൻറ ഭാ​ഗ​മാ​ക്കി​യി​ട്ടി​​ല്ല​ത്രെ.

നഷ്ടങ്ങളെക്കുറിച്ച് മിണ്ടാട്ടമില്ല

തു​ട​ക്ക​ത്തി​ലേ പ​റ​യ​ട്ടെ, പ​ദ്ധ​തി വി​ശ​ക​ല​ന​ത്തി​ൽ പ​റ​യു​ന്ന സാ​മൂ​ഹി​ക നേ​ട്ട​ങ്ങ​ളെ​ല്ലാം ത​ന്നെ പ​ദ്ധ​തി മൂ​ലം അ​തി​നു പു​റ​ത്തു​ണ്ടാ​കു​ന്ന​വ​യാ​ണ് (positive externalities). എ​ന്നാ​ൽ, സാ​മൂ​ഹി​ക ചെ​ല​വു​ക​ളു​ടെ കൂ​ട്ട​ത്തി​ൽ പ​ദ്ധ​തി​യു​ടെ ഫ​ല​മാ​യി ഉ​ണ്ടാ​കാ​നി​ട​യു​ള്ള ന​ഷ്ട​ങ്ങ​ൾ (negative externalities) ഉ​ൾ​പ്പെ​ടു​ത്തി​യി​ട്ടി​ല്ല. ഉ​ദാ​ഹ​ര​ണ​ത്തി​ന്, പ​ദ്ധ​തി മൂ​ലം അ​ന്ത​രീ​ക്ഷ മ​ലി​നീ​ക​ര​ണ​ത്തി​ൽ ഉ​ണ്ടാ​കു​മെ​ന്ന്​ അ​വ​കാ​ശ​പ്പെ​ടു​ന്ന കു​റ​വ് സാ​മൂ​ഹി​ക നേ​ട്ട​മാ​യി എ​ണ്ണു​മ്പോ​ൾ, നി​ർ​മാ​ണ​ഘ​ട്ടം മു​ത​ൽ അ​തു​ണ്ടാ​ക്കു​വാ​ൻ സാ​ധ്യ​ത​യു​ള്ള അ​ന്ത​രീ​ക്ഷ മ​ലി​നീ​ക​ര​ണം, സാ​മൂ​ഹി​ക​ചെ​ല​വു​ക​ളു​ടെ പ​ട്ടി​ക​യി​ൽ വ​രു​ന്നി​ല്ല.

ഒ​രു പ​ക്ഷേ, ഈ ​പ​ദ്ധ​തി വ​രു​ത്തി​വെ​ക്കു​ന്ന ഏ​റ്റ​വും വ​ലി​യ സാ​മൂ​ഹി​ക ചെ​ല​വ് അ​ത് സൃ​ഷ്ടി​ക്കു​ന്ന പാ​രി​സ്ഥി​തി​കാ​ഘാ​ത​മാ​യി​രി​ക്കും എ​ന്ന​തി​ൽ സം​ശ​യ​മി​ല്ല. അ​തി​െൻറ മൂ​ല്യം പ​ണ​ത്തി​ല​ള​ക്കു​ന്ന​തി​നു​ള്ള രീ​തി​ശാ​സ്ത്രം സാ​മ്പ​ത്തി​ക​വി​ദ​ഗ്​​ധ​ർ വി​ക​സി​പ്പി​ച്ചി​ട്ടു​ണ്ടെ​ന്നു മാ​ത്ര​മ​ല്ല, അ​വ അ​ത്യ​ധി​കം സ​ങ്കീ​ർ​ണ​മോ പ്ര​യാ​സ​മേ​റി​യ​തോ അ​ല്ല. അ​ഥ​വാ, അ​ങ്ങ​നെ ആ​ണെ​ങ്കി​ൽ ത​ന്നെ​യും ഇ​വ​യെ സാ​മൂ​ഹി​ക ചെ​ല​വു​ക​ളി​ൽ ഉ​ൾ​പ്പെ​ടു​ത്താ​തി​രി​ക്കു​ന്ന​തി​ന് അ​തു കാ​ര​ണ​വു​മാ​കു​ന്നി​ല്ല.

പ​ദ്ധ​തി​രേ​ഖ​യി​ൽ ന​മ്മ​ൾ കാ​ണു​ന്ന​ത്, സാ​മ്പ്ര​ദാ​യി​ക ചെ​ല​വ്-​നേ​ട്ട വി​ശ​ക​ല​ന​ത്തി​ൽ​നി​ന്നു​ള്ള വ​ലി​യ വ്യ​തി​യാ​ന​മാ​ണ്. ഉ​ദാ​ഹ​ര​ണ​ത്തി​ന്, സാ​മ്പ്ര​ദാ​യി​ക രീ​തി​യി​ൽ, മു​ട​ക്കു​മു​ത​ൽ ത​ന​തു ഫ​ണ്ടാ​ണെ​ങ്കി​ൽ​പോ​ലും, അ​തി​നു കി​ട്ടാ​മാ​യി​രു​ന്ന പ​ലി​ശ, മു​ട​ക്കു മു​ത​ലി​ന്റെ ത​വ​ണ എ​ന്നി​വ പ​ദ്ധ​തി​ചെ​ല​വി​ൽ പെ​ടു​ത്തു​ക​യാ​ണ് ചെ​യ്യു​ക. ഇ​വി​ടെ​യാ​ക​ട്ടെ, പ​ദ്ധ​തി​യു​ടെ പ്രാ​രം​ഭ മൂ​ല​ധ​ന​ത്തി​ന്റെ 52 ശ​ത​മാ​നം വി​ദേ​ശ​ക​ട​മാ​ണെ​ങ്കി​ൽ കൂ​ടി​യും, അ​തി​ന്മേ​ലു​ള്ള പ​ലി​ശ, ക​ട​ത്തി​െൻറ തി​രി​ച്ച​ട​വ് എ​ന്നി​വ പോ​ലും ചെ​ല​വു-​നേ​ട്ട വി​ശ​ക​ല​ന​ത്തി​ൽ ഉ​ൾ​പ്പെ​ടു​ത്തി​യി​ട്ടി​ല്ല.

എ​ന്നാ​ൽ, 2017 ൽ ​ഇ​ന്ത്യ ഗ​വ​ൺ​​മെ​ന്‍റ്​ പു​റ​ത്തി​റ​ക്കി​യ 'മെ​ട്രോ റെ​യി​ൽ പ​ദ്ധ​തി​ക​ളു​ടെ വി​ല​യി​രു​ത്ത​ലി​നു​ള്ള മാ​ർ​ഗ​രേ​ഖ​ക​ളി'​ലെ നി​ർ​ദേ​ശം പാ​ലി​ക്കു​ക മാ​ത്ര​മാ​ണ് ഇ​ക്കാ​ര്യ​ത്തി​ൽ ത​ങ്ങ​ൾ ചെ​യ്തി​ട്ടു​ള്ള​തെ​ന്നാ​ണ് സി​സ്ട്ര​യു​ടെ വാ​ദം. മാ​ത്ര​വു​മ​ല്ല, പ്ര​സ്തു​ത മാ​ർ​ഗ​രേ​ഖ പാ​ലി​യ്ക്കേ​ണ്ട​ത് പ​ദ്ധ​തി​ക്കു​ള്ള കേ​ന്ദ്ര സ​ർ​ക്കാ​റി​ന്റെ അം​ഗീ​കാ​ര​ത്തി​നും ത​ദ്ദേ​ശീ​യ​മോ വൈ​ദേ​ശി​ക​മോ ആ​യ വി​ക​സ​ന ധ​ന​കാ​ര്യ സ്ഥാ​പ​ന​ങ്ങ​ളി​ൽ​നി​ന്നു​ള്ള ധ​ന​ല​ഭ്യ​ത​ക്കും ആ​വ​ശ്യ​മാ​ണെ​ന്നും.

പ​ദ്ധ​തി സാ​മ്പ​ത്തി​ക​മാ​യി വി​ജ​യ​ക​ര​മാ​യി​രി​ക്കു​മെ​ന്നു തെ​ളി​യി​ക്കാ​നാ​യി സി​സ്ട്ര ഉ​പ​യോ​ഗി​ച്ചി​ട്ടു​ള്ള​ത് അ​തി​െൻറ സാ​മ്പ​ത്തി​ക ആ​ഭ്യ​ന്ത​ര പ്ര​തി​ഫ​ല​നി​ര​ക്കാ​ണ് (Economic Internal Rate of Return). പ​ദ്ധ​തി​യു​ടെ പൂ​ർ​ത്തീ​ക​ര​ണ​ത്തി​നു മു​മ്പാ​യി മു​ട​ക്കു​ന്ന അ​ടി​സ്ഥാ​ന മൂ​ല​ധ​ന​ത്തി​ന്റെ​യും, പ​ദ്ധ​തി തു​ട​ങ്ങു​ന്ന​തു മു​ത​ൽ, ആ​വ​ർ​ത്ത​ന​ച്ചെ​ല​വ് ക​ഴി​ച്ചു, അ​തി​ന്റെ ജീ​വി​ത​കാ​ല​യ​ള​വി​ലെ ഓ​രോ വ​ർ​ഷ​വും, ല​ഭി​ക്കു​വാ​നി​ട​യു​ള്ള സാ​മൂ​ഹി​ക നേ​ട്ട​ങ്ങ​ളു​ടെ​യും അ​ടി​സ്ഥാ​ന​ത്തി​ലാ​ണ്, ചെ​ല​വ്-​നേ​ട്ട വി​ശ​ക​ല​ന​ത്തി​ന്റെ ഭാ​ഗ​മാ​യി, പ്ര​സ്തു​ത നി​ര​ക്ക് നി​ർ​ണ​യി​ക്ക​പ്പെ​ടു​ന്ന​ത്. ഇ​വ​യി​ൽ ആ​ദ്യ​ത്തേ​ത് നി​യ​ത​വും ര​ണ്ടാ​മ​ത്തേ​ത് പ​ദ്ധ​തി​യു​ടെ ജീ​വി​ത​കാ​ലം മു​ഴു​വ​ൻ ല​ഭി​ക്കു​ന്ന​തും, പ​ദ്ധ​തി ബാ​ഹ്യ​മാ​യ ആ​വ​ർ​ത്ത​ന​ച്ചെ​ല​വു​ക​ളി​ൽ​നി​ന്ന് മു​ക്ത മാ​ക്ക​പ്പെ​ട്ടി​ട്ടു​ള്ള​തും ആ​യ​തി​നാ​ൽ വ​ർ​ഷം​തോ​റും ല​ഭി​ക്കു​ന്ന സാ​മൂ​ഹി​ക നേ​ട്ട​ങ്ങ​ളു​ടെ വ്യാ​പ്തി​യാ​ണ് കൂ​ടു​ത​ൽ നി​ർ​ണാ​യ​കം. അ​തു​കൊ​ണ്ടാ​ണ്, സാ​മൂ​ഹി​ക​നേ​ട്ട​ങ്ങ​ൾ ക​ണ​ക്കാ​ക്കാ​നു​പ​യോ​ഗി​ച്ച രീ​തി​ക​ളെ​യും എ​ത്തി​ച്ചേ​ർ​ന്ന ഫ​ല​ങ്ങ​ളെ​യും കൂ​ടു​ത​ൽ സൂ​ക്ഷ്മ​മാ​യി പ​രി​ശോ​ധി​ക്കേ​ണ്ടി​വ​രു​ന്ന​ത്.

വാഹനങ്ങളും മാറില്ലേ

പ​ദ്ധ​തി​യു​ടെ സാ​മൂ​ഹി​ക നേ​ട്ട​ങ്ങ​ളാ​യി സി​സ്ട്ര പ​രി​ഗ​ണി​ച്ചി​ട്ടു​ള്ള വി​ഷ​യ​ങ്ങ​ൾ ഈ ​ലേ​ഖ​ന​ത്തി​ന്റെ തു​ട​ക്ക​ത്തി​ൽ ന​മ്മ​ൾ ക​ണ്ടു ക​ഴി​ഞ്ഞു. ഇ​വ​യി​ൽ മി​ക്ക​തി​ന്റെ​യും മാ​നം നി​ർ​ണ​യി​ക്കു​ന്ന​ത്തി​നു​ള്ള അ​ടി​സ്ഥാ​ന ഘ​ട​ക​മാ​യി സ്വീ​ക​രി​ച്ചി​ട്ടു​ള്ള​ത് (ബേ​സി​ക് പാ​രാ​മീ​റ്റ​ർ) ഇ​പ്പോ​ഴു​ള്ള ഗ​താ​ഗ​ത മാ​ർ​ഗ​ങ്ങ​ളി​ൽ നി​ന്ന് സി​ൽ​വ​ർ ലൈ​നി​ലേ​ക്ക്​ മാ​റു​മെ​ന്ന് പ​ദ്ധ​തി രേ​ഖ ക​ണ​ക്കാ​ക്കി​യി​ട്ടു​ള്ള ആ​ളു​ക​ളു​ടെ എ​ണ്ണ​വും അ​തു​വ​ഴി നി​ല​വി​ലെ സം​വി​ധാ​ന​ത്തി​ൽ നി​ന്നൊ​ഴി​വാ​ക്ക​പ്പെ​ടും എ​ന്ന് ക​ണ​ക്കാ​ക്കി​യി​ട്ടു​ള്ള വാ​ഹ​ന​ങ്ങ​ളു​ടെ എ​ണ്ണ​വു​മാ​ണ്. എ​ന്നാ​ൽ, ഈ ​എ​ണ്ണം അ​ത്യു​ക്തി ക​ല​ർ​ന്ന​തും വ​ലു​താ​ക്കി​ക്കാ​ണി​ച്ചി​ട്ടു​ള്ള​തു​മാ​ണ്.

വാ​ഹ​ന​ങ്ങ​ളു​ടെ എ​ണ്ണം ശ​രി​യാ​ണെ​ന്നു സ​ങ്ക​ൽ​പി​ച്ചാ​ൽ​പോ​ലും അ​തു​ണ്ടാ​ക്കു​ന്ന​താ​യി ക​ണ​ക്കു​കൂ​ട്ടി​യി​ട്ടു​ള്ള സാ​മൂ​ഹി​ക നേ​ട്ട​ങ്ങ​ളി​ൽ ചി​ല​തെ​ങ്കി​ലും ക​ണ്ടെ​ത്തി​യി​ട്ടു​ള്ള​ത് വാ​ഹ​ന​മേ​ഖ​ല​യി​ൽ ന​ട​ന്നു​കൊ​ണ്ടി​രി​ക്കു​ന്ന മാ​റ്റ​ങ്ങ​ൾ ക​ണ​ക്കി​ലെ​ടു​ക്കാ​തെ​യും കാ​ല​ഹ​ര​ണ​പ്പെ​ട്ട വി​വ​ര​ങ്ങ​ളു​ടെ​യും അ​ടി​സ്ഥാ​ന​ത്തി​ലാ​ണ്. ഉ​ദാ​ഹ​ര​ണ​ത്തി​ന്, 2020 മു​ത​ൽ നി​ര​ത്തി​ലി​റ​ങ്ങു​ന്ന വാ​ഹ​ന​ങ്ങ​ൾ​ക്ക് ബി.​എ​സ്​6 മാ​ന​ദ​ണ്ഡ​ങ്ങ​ൾ നി​ർ​ബ​ന്ധ​മാ​ക്കി​യി​ട്ടു​ണ്ടെ​ങ്കി​ലും അ​തി​നു മു​മ്പ്​ നി​ല​നി​ന്ന ഉ​യ​ർ​ന്ന നി​ർ​ഗ​മ​ന​ത്തോ​താ​ണ് പ​ദ്ധ​തി വി​ശ​ക​ല​ന​ത്തി​നാ​യി ഉ​പ​യോ​ഗി​ക്ക​പ്പെ​ട്ടി​ട്ടു​ള്ള​ത്.

കാ​റി​െൻറ മാ​ത്രം കാ​ര്യം എ​ടു​ത്താ​ൽ ത​ന്നെ​യും, ബി.​എ​സ്​6 പ്ര​കാ​രം പെ​ട്രോ​ൾ കാ​റി​ന്റെ അ​നു​വ​ദ​നീ​യ ബ​ഹി​ർ​ഗ​മ​ന നി​ര​ക്ക് കാ​ർ​ബ​ൺ മോ​ണോ​ക്സൈ​ഡി​ന്റേ​തു കി​ലോ​മീ​റ്റ​റി​ന് ഒ​രു ഗ്രാ​മും ഹൈ​ഡ്രോ കാ​ർ​ബ​ണു​ക​ളു​ടേ​തു 0 .1 ഗ്രാ​മും, നൈ​ട്രി​ക് ഓ​ക്സൈ​ഡി​ന്റേ​തു 0.06 ഗ്രാ​മും ഖ​ര​വ​സ്തു​ക്ക​ളു​ടെ ചെ​റു​ക​ണ​ങ്ങ​ളു​ടേ​ത് 0.005 ആ​യി​രി​യ്ക്കു​മ്പോ​ൾ സി​സ്ട്ര ന​ട​ത്തി​യ വി​ശ​ക​ല​ന​ത്തി​ൽ അ​വ യ​ഥാ​ക്ര​മം 1 .39 ഗ്രാ​മും, 0.15 ഗ്രാ​മും, 0 .12 ഗ്രാ​മും 0.02 ഗ്രാ​മും ആ​ണ്. 2020 നു ​മു​മ്പ്​ നി​ര​ത്തി​ലി​റ​ങ്ങി​യ വാ​ഹ​ന​ങ്ങ​ൾ​ക്ക് ഇ​ത് ബാ​ധ​ക​മാ​കാ​മെ​ങ്കി​ലും, 2075 വ​രെ​യു​ള്ള വാ​ഹ​ന മ​ലി​നീ​ക​ര​ണം നി​ർ​ണ​യി​ച്ചി​ട്ടു​ള്ള​ത് ഇ​തി​ന്റെ അ​ടി​സ്ഥാ​ന​ത്തി​ലാ​ണെ​ന്ന​റി​യു​മ്പോ​ഴാ​ണ് എ​ത്ര മാ​ത്രം പെ​രു​പ്പി​ച്ചി​ട്ടു​ള്ള​താ​ണ് പ​ദ്ധ​തി രേ​ഖ​യി​ലെ നേ​ട്ട​ക്ക​ണ​ക്കു​ക​ൾ എ​ന്ന് വ്യ​ക്ത​മാ​വു​ക.

സമയ ലാഭത്തിന്‍റെ അത്യുക്തി

സി​ൽ​വ​ർ​ലൈ​െൻറ മ​റ്റൊ​രു വ​ലി​യ നേ​ട്ട​മാ​യി ക​ണ​ക്കാ​ക്ക​പ്പെ​ട്ടി​ട്ടു​ള്ള​ത് സ​മ​യ​ലാ​ഭ​മാ​ണ്. സ​മ​യ​ലാ​ഭം ക​ണ​ക്കാ​ക്കി​യി​ട്ടു​ള്ള​ത് ര​ണ്ടു ത​ര​ത്തി​ലാ​ണ്. ഒ​ന്ന്, നി​ര​ത്തു​ക​ളി​ലെ വാ​ഹ​ന സാ​ന്ദ്ര​ത​യി​ലു​ണ്ടാ​കു​ന്ന കു​റ​വു​മൂ​ലം ഉ​ണ്ടാ​കു​ന്ന​ത്; ര​ണ്ട്, ട്രെ​യി​നി​െൻറ തീ​വ്ര​വേ​ഗം കൊ​ണ്ടു​ണ്ടാ​കു​ന്ന​ത്. ഇ​വ​യി​ൽ ആ​ദ്യ​ത്തേ​തി​ലെ അ​ത്യു​ക്തി ന​മ്മ​ൾ ക​ണ്ടു ക​ഴി​ഞ്ഞു.

ര​ജ​ത രേ​ഖ​യി​ലേ​ക്കു മാ​റു​മെ​ന്ന് ക​ണ്ടെ​ത്തി​യ​വ​രു​ടെ എ​ണ്ണ​ത്തി​നു പു​റ​മെ, ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്കു​ള്ള യാ​ത്ര​ക്ക്, ര​ജ​ത രേ​ഖ​യു​ൾ​പ്പെ​ടെ​യു​ള്ള വ്യ​ത്യ​സ്ത ഗ​താ​ഗ​ത​മാ​ർ​ഗ​ങ്ങ​ളി​ൽ വേ​ണ്ടി​വ​രു​ന്ന സ​മ​യ​വു​മാ​ണ് ര​ണ്ടാ​മ​ത്തേ​തി​െൻറ നി​ർ​ണ​യ​ത്തി​ൽ അ​ടി​സ്ഥാ​ന​മാ​ക്കി​യി​ട്ടു​ള്ള​ത്. എ​ന്നാ​ൽ, ഇ​വി​ടെ പ​രി​ഗ​ണി​ക്ക​പ്പെ​ടാ​തെ​പോ​യ ര​ണ്ടു സം​ഗ​തി​ക​ൾ, ര​ജ​ത രേ​ഖ​യു​ടെ റെ​യി​ൽ​വേ സ്റ്റേ​ഷ​നു​ക​ൾ വ​ള​രെ പ​രി​മി​ത​വും, ന​ഗ​ര​ങ്ങ​ളി​ൽ​നി​ന്ന് അ​ക​ന്നു സ്ഥി​തി​ചെ​യ്യു​ന്ന​വ​യു​മാ​ണെ​ന്ന​താ​ണ്. ഉ​ദാ​ഹ​ര​ണ​ത്തി​ന്, കേ​ര​ള​ത്തി​ലെ ഒ​രു പ്ര​മു​ഖ വി​നോ​ദ സ​ഞ്ചാ​ര​കേ​ന്ദ്ര​മാ​യ വ​ർ​ക്ക​ല​യി​ൽ​നി​ന്ന് എ​റ​ണാ​കു​ള​ത്തെ​ത്തു​ന്ന​തി​നു നി​ല​വി​ൽ ശ​താ​ബ്ദി എ​ക്സ്​​പ്ര​സി​ൽ എ​ടു​ക്കു​ന്ന സ​മ​യം ര​ണ്ടു മ​ണി​ക്കൂ​റും 41 മി​നി​റ്റു​മാ​ണ്.

പ​ക​രം ഇ​തേ യാ​ത്ര ര​ജ​ത​രേ​ഖ​യി​ലേ​ക്ക്​ മാ​റ്റി​യാ​ൽ, വേ​ണ്ടി​വ​രു​ന്ന​ത് വ​ർ​ക്ക​ല നി​ന്ന് തി​രു​വ​ന​ന്ത​പു​ര​ത്തേ​ക്കു​ള്ള യാ​ത്ര​ക്കെ​ടു​ക്കു​ന്ന സ​മ​യ​മു​ൾ​പ്പെ​ടെ ഏ​ക​ദേ​ശം ഒ​രു മ​ണി​ക്കൂ​റും 50 മി​നി​റ്റും ആ​യി​രി​ക്കു​മെ​ന്നു കൂ​ട്ടി​യാ​ൽ നേ​ര​ത്തേ​തി​ൽ​നി​ന്നു​ള്ള വ്യ​ത്യാ​സം 51 മി​നി​റ്റാ​ണ്. യാ​ത്രാ​ലാ​ഭം ക​ണ​ക്കാ​ക്കു​ന്ന​തി​നു​പ​യോ​ഗി​ച്ചി​ട്ടു​ള്ള ഒ​രു മ​ണി​ക്കൂ​റി​നു 117 രൂ​പ എ​ന്ന നി​ര​ക്കി​ലാ​ണെ​ങ്കി​ൽ പ​ദ്ധ​തി​രേ​ഖ​യി​ലെ ക​ണ​ക്കി​ൽ​നി​ന്ന് ഏ​താ​ണ്ട് നൂ​റു രൂ​പ കു​റ​വാ​യി​രി​ക്കും യ​ഥാ​ർ​ഥ യാ​ത്രാ​ലാ​ഭം. ഇ​തു​പോ​ലെ​ത​ന്നെ, തി​രു​വ​ന​ന്ത​പു​ര​ത്തെ ഗ​വ​ൺ​മെ​ന്‍റ്​ സെ​ക്ര​േ​ട്ട​റി​യ​റ്റി​ൽ​നി​ന്ന് ഹൈ​കോ​ട​തി​യി​ലേ​ക്ക്​ ചെ​ല​വ​ഴി​ക്കേ​ണ്ടി​വ​രു​ന്ന സ​മ​യം പ​ദ്ധ​തി രേ​ഖ ക​ണ​ക്കാ​ക്കി​യി​ട്ടു​ള്ള​തി​നേ​ക്കാ​ൾ ഒ​രു മ​ണി​ക്കൂ​ർ അ​ധി​ക​മാ​യി​രി​ക്കു​മെ​ന്ന​ത് പ​രി​ഗ​ണി​ച്ചാ​ൽ, പ്ര​സ്തു​ത യാ​ത്ര​യു​ടെ സ​മ​യ​ലാ​ഭ​ത്തി​ന്റെ മൂ​ല്യം പ​ദ്ധ​തി രേ​ഖ ക​ണ​ക്കാ​ക്കി​യി​ട്ടു​ള്ള​തി​നേ​ക്കാ​ൾ 117 രൂ​പ കു​റ​വാ​യി​രി​ക്കും.

മു​ക​ളി​ൽ സൂ​ചി​പ്പി​ച്ച നേ​ട്ട​ക്ക​ണ​ക്കു​ക​ൾ പ​ദ്ധ​തി​യു​ടെ ജീ​വി​ത​കാ​ല​മാ​യ അ​മ്പ​തു വ​ർ​ഷ​ത്തേ​ക്കാ​ണ് ക​ണ​ക്കു​കൂ​ട്ട​പ്പെ​ട്ടി​ട്ടു​ള്ള​തെ​ന്ന്​ വ​രു​മ്പോ​ഴാ​ണ് അ​വ​യു​ടെ അ​ത്യു​ക്തി​യു​ടെ മാ​നം മ​ന​സ്സി​ലാ​കു​ന്ന​ത്. ഇ​തി​ൽ​നി​ന്ന് വ്യ​ക്ത​മാ​കു​ന്ന​താ​ക​ട്ടെ, സി​ൽ​വ​ർ​ൈ​ല​നു​വേ​ണ്ടി​യു​ള്ള സാ​മ്പ​ത്തി​ക വി​ശ​ക​ല​നം സാ​മൂ​ഹി​ക നേ​ട്ട​ങ്ങ​ളെ അ​മി​ത​മാ​യി പെ​രു​പ്പി​ച്ചും, സാ​മൂ​ഹി​ക ചെ​ല​വു​ക​ളെ ഗ​ണ്യ​മാ​യി കു​റ​ച്ചും ന​ട​ത്തി​യി​ട്ടു​ള്ള ഒ​രു അ​ഭ്യാ​സ​മാ​ണെ​ന്നാ​ണ്. ഇ​ത്ത​രം ക​ണ​ക്കു​ക​ളാ​ണ് പ​ദ്ധ​തി​യു​ടെ സാ​മ്പ​ത്തി​ക പ്ര​യോ​ഗി​ക​ത​ക്കും സാ​മ്പ​ത്തി​ക കാ​ര്യ​പ്രാ​പ്തി (economic viability)ക്കും ​തെ​ളി​വാ​യി സ​മ​ർ​പ്പി​ച്ചി​ട്ടു​ള്ള​തും. ഇ​തി​നോ​ട് ചേ​ർ​ത്ത് വാ​യി​ക്കേ​ണ്ട​താ​വ​ട്ടെ, കേ​ന്ദ്ര ഗ​വ​ണ്മെ​ന്‍റി​ന്റെ​യും അ​ന്ത​ർ​ദേ​ശീ​യ ധ​ന​കാ​ര്യ സ്ഥാ​പ​ന​ങ്ങ​ളു​ടെ​യും അം​ഗീ​കാ​രം ല​ഭ്യ​മാ​ക​ണ​മെ​ങ്കി​ൽ സാ​മ്പ​ത്തി​ക ആ​ഭ്യ​ന്ത​ര പ്ര​തി​ഫ​ല നി​ര​ക്ക് (Economic Internal Rate of Return) മൂ​ല​ധ​ന​ത്തി​ന്റെ സാ​മൂ​ഹി​ക​ചെ​ല​വാ​യി (social cost of capital) നി​ർ​ണ​യി​ക്ക​പ്പെ​ട്ടി​ട്ടു​ള്ള പ​തി​നാ​ലു ശ​ത​മാ​ന​ത്തേ​ക്കാ​ൾ ഉ​യ​ർ​ന്ന​താ​യി​രി​ക്ക​ണ​മെ​ന്ന പ​ദ്ധ​തി​രേ​ഖ​യി​ലെ നി​രീ​ക്ഷ​ണ​വും.

ര​ജ​ത​രേ​ഖാ പ​ദ്ധ​തി​ക്കു സി​സ്ട്ര ക​ണ്ടെ​ത്തി​യ സാ​മ്പ​ത്തി​ക ആ​ഭ്യ​ന്ത​ര പ്ര​തി​ഫ​ല നി​ര​ക്കാ​ക​ട്ടെ 24 .3 ശ​ത​മാ​ന​വും. സാ​മ്പ്ര​ദാ​യി​ക ചെ​ല​വ്-​നേ​ട്ട രീ​തി​യാ​ണ് അ​നു​വ​ർ​ത്തി​ച്ചി​രു​ന്ന​തെ​ങ്കി​ൽ ഒ​രു പ​ക്ഷേ, ഈ ​പ​ദ്ധ​തി, വി​ജ​യ​ക​ര​മാ​യി പ​ര്യ​വ​സാ​നി​ക്കാ​ൻ സാ​ധ്യ​ത​യി​ല്ലാ​ത്ത​വ​യു​ടെ കൂ​ട്ട​ത്തി​ൽ​പെ​ട്ട് പോ​കു​മാ​യി​രു​ന്നു​വെ​ന്നു​വേ​ണം ക​രു​താ​ൻ.

(തു​ട​രും)