ക്ഷേത്രം കൊള്ളാം, വോട്ടോ?

ബി.​ജെ.​പി​യു​ടെ കൊ​ണ്ടു​പി​ടി​ച്ച ​പ്ര​ചാ​ര​ണ​ത്തി​ന്‍റെ പി​ടി​യി​ലാ​യ സാ​ധാ​ര​ണ ഹി​ന്ദു​ക്ക​ൾ അ​വ​രു​ടെ ക്ഷേ​ത്രാ​ഭി​മു​ഖ്യം വി​ശ്വാ​സ​ത്തി​ൽ ത​ള​ച്ചി​ടു​മോ അ​തോ, ഹി​ന്ദു​ത്വ രാ​ഷ്ട്രീ​യ​ത്തി​നും ഭ​ര​ണ​ത്തു​ട​ർ​ച്ച​ക്കു​മു​ള്ള വോ​ട്ടാ​യി അ​തു മാ​റു​മോ ​? പ്ര​മു​ഖ മാ​ധ്യ​മ പ്ര​വ​ർ​ത്ത​ക പൂ​ർ​ണി​മ എ​സ്.ത്രി​പാ​ഠി്യുടെ വിശകലനം

ജ​നു​വ​രി 22ന് ​അ​യോ​ധ്യ​യി​ലെ രാ​മ​ക്ഷേ​ത്ര പ​രി​പാ​ടി​യോ​ട് പ്ര​തി​പ​ക്ഷ പാ​ർ​ട്ടി​ക​ൾ, വി​ശി​ഷ്യാ കോ​ൺ​ഗ്ര​സ് അ​റി​യി​ച്ച വി​യോ​ജി​പ്പ് ഉ​ത്ത​ര​ന്ത്യേ​യി​ലെ സാ​ധാ​ര​ണ ഹി​ന്ദു വി​ശ്വാ​സി​ക​ളി​ൽ അ​നു​ര​ണ​ന​മു​ണ്ടാ​ക്കു​മെ​ന്ന്​ തോ​ന്നു​ന്നി​ല്ല. മ​ത​വി​ശ്വാ​സി​ക​ളും അ​ത്ര വി​ശ്വാ​സ​മി​ല്ലാ​ത്ത​വ​രു​മാ​യ സ​മൂ​ഹ​ത്തി​ലെ വ​ലി​​യൊ​രു വി​ഭാ​ഗ​ത്തി​ൽ ക്ഷേ​ത്ര പ്ര​തി​ഷ്ഠാ ച​ട​ങ്ങി​നോ​ട്​ പൊ​തു​വാ​യ ഒ​രു ആ​ഭി​മു​ഖ്യം കാ​ണാം.

എ​ന്നാ​ൽ, വ​മ്പി​ച്ച​ തോ​തി​ലു​ള്ള പ്ര​ചാ​ര​ണ കോ​ലാ​ഹ​ല​ങ്ങ​ൾ ചി​ല​രെ പി​ന്തി​രി​പ്പി​ക്കു​ന്നു​മു​ണ്ട്. ഈ ​യോ​ജി​പ്പും വി​യോ​ജി​പ്പു​മൊ​ന്നും ആ​ളു​​ക​ളു​ടെ രാ​ഷ്ട്രീ​യ മു​ൻ​ഗ​ണ​നാ​ക്ര​മ​ത്തെ ബാ​ധി​ക്കു​മെ​ന്നും ക​രു​താ​നാ​വി​ല്ല. ബ​ഹു​ഭൂ​രി​പ​ക്ഷ​വും അ​വ​രു​ടെ രാ​ഷ്ട്രീ​യ​വും മ​ത​വും ​വെ​വ്വേ​റെ നി​ർ​ത്തു​ന്നു എ​ന്ന​തു​ത​ന്നെ കാ​ര​ണം.

അ​പ്പോ​ഴും ബി.​ജെ.​പി അ​നു​ഭാ​വി​ക​ളൊ​ന്നു​മ​ല്ലെ​ങ്കി​ലും സ​മൂ​ഹ​ത്തി​ലെ വ​ലി​യൊ​രു വി​ഭാ​ഗം ശ്രീ​രാ​മ​ ജ​ന്മ​സ്ഥാ​ന​മെ​ന്നു പ​റ​യ​പ്പെ​ടു​ന്ന സ്ഥ​ല​ത്ത്​ ഒ​രു ക്ഷേ​ത്രം ഉ​യ​ർ​ന്നു​വ​രു​ന്ന​തി​ൽ സ​ന്തോ​ഷം പ്ര​ക​ടി​പ്പി​ക്കു​ന്നു. പ​തി​റ്റാ​ണ്ടു​ക​ൾ നീ​ണ്ട ത​ർ​ക്ക​വി​ത​ർ​ക്ക​ങ്ങ​ൾ​ക്കും നി​യ​മ​വ്യ​വ​ഹാ​ര​ങ്ങ​ൾ​ക്കു​മൊ​ക്കെ ഇ​തോ​ടെ വി​രാ​മ​മാ​കു​​മ​ല്ലോ എ​ന്നാ​ണ്​ അ​വ​രു​ടെ ആ​ശ്വാ​സം.

ആ​ദി ശ​ങ്ക​രാ​ചാ​ര്യ സ്ഥാ​പി​ച്ച ബ​ദ​രീ​കാ​ശ്ര​മം, ദ്വാ​ര​കാ​ധീ​ശ്, പു​രി, ​ശൃം​ഗേ​രി എ​ന്നീ നാ​ല് മ​ഠ​ങ്ങ​ളു​ടെ അ​ധി​പ​തി​മാ​രി​ൽ ര​ണ്ടു​പേ​ർ പ​രി​പാ​ടി​യെ വി​മ​ർ​ശി​ക്കു​ക​യും അ​യോ​ധ്യ​യി​ലേ​ക്ക്​ ഇ​ല്ലെ​ന്ന്​ പ്ര​ഖ്യാ​പി​ക്കു​ക​യും ചെ​യ്​​തെ​ങ്കി​ലും ക്ഷേ​ത്ര​ത്തി​നു കൈ​വ​ന്ന പി​ന്തു​ണ ബി.​ജെ.​പി​യെ സ​ന്തോ​ഷി​പ്പി​ക്കു​ന്നു​ണ്ട്.

ജോ​ഷി​മ​ഠി​ലെ ജ്യോ​തി​ർ​മ​ഠം ജ്യോ​തി​ർ​പീ​ഠ​ത്തി​ലെ ശ​ങ്ക​രാ​ചാ​ര്യ​ർ സ്വാ​മി അ​വി​മു​ക്തേ​ശ്വ​രാ​ന​ന്ദ്​ സ​ര​സ്വ​തി​യും പു​രി ശ​ങ്ക​രാ​ചാ​ര്യ​ർ സ്വാ​മി നി​ശ്ച​ലാ​ന​ന്ദ സ​ര​സ്വ​തി​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​തി​ഷ്ഠ ന​ട​ത്തു​ന്ന​തി​നെ​തി​രെ പ​ര​സ്യ വി​മ​ർ​ശ​ന​മാ​ണ്​ ഉ​ന്ന​യി​ച്ച​ത്.

പൂ​ർ​ത്തി​യാ​കാ​ത്ത ക്ഷേ​ത്ര​ത്തി​ൽ പ്ര​തി​ഷ്ഠാ ച​ട​ങ്ങ് ന​ട​ത്തു​ന്ന​ത് ഉ​ചി​ത​മ​ല്ലെ​ന്നാ​ണ് സ്വാ​മി അ​വി​മു​ക്തേ​ശ്വ​രാ​ന​ന്ദ് ഒ​രു വി​ഡി​യോ സ​ന്ദേ​ശ​ത്തി​ൽ പ​റ​ഞ്ഞ​ത്. രാ​മാ​ന​ന്ദി വി​ഭാ​ഗ​ത്തി​ന് കീ​ഴി​ൽ വ​രു​ന്ന ക്ഷേ​ത്ര​ത്തി​ൽ ഈ ​വി​ഭാ​ഗ​ത്തി​ന്റെ ആ​ചാ​ര​ങ്ങ​ൾ​ക്ക​നു​സൃ​ത​മാ​യ​ല്ല ച​ട​ങ്ങു​ക​ൾ ന​ട​ത്തു​ന്ന​തെ​ന്നും ക്ഷേ​ത്രം രാ​മാ​ന​ന്ദി വി​ഭാ​ഗ​ത്തി​ന് വി​ട്ടു​ന​ൽ​കി അ​വ​രു​ടെ ആ​ചാ​ര​പ്ര​കാ​രം പ്ര​തി​ഷ്ഠ ന​ട​ത്ത​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടി​ട്ടു​ണ്ട്.

പ്ര​ധാ​ന​മ​ന്ത്രി മോ​ദി പ്രാ​ണ പ്ര​തി​ഷ്ഠ ന​ട​ത്തു​ക​യും, ദേ​വ​നെ സ്പ​ർ​ശി​ക്കു​ക​യും പൂ​ജ ന​ട​ത്തു​ക​യും ചെ​യ്യു​മ്പോ​ൾ താ​ൻ അ​വി​ടെ കാ​ഴ്ച​ക്കാ​ര​നാ​യി നി​ന്ന് കൈ​യ​ടി​ക്കേ​ണ്ടി വ​രു​ന്ന​തി​ലാ​ണ് സ്വാ​മി നി​ശ്ച​ലാ​ന​ന്ദ സ​ര​സ്വ​തി​ക്ക് എ​തി​ർ​പ്പ്. നാ​ല് ശ​ങ്ക​രാ​ചാ​ര്യ​ന്മാ​രു​ടെ​യും അ​നു​മ​തി​യി​ല്ലാ​ത്ത ച​ട​ങ്ങി​ൽ അ​വ​ർ ആ​രും​ത​ന്നെ പ​ങ്കെ​ടു​ക്കി​ല്ലെ​ന്ന് സ്വാ​മി അ​വി​മു​ക്തേ​ശ്വ​രാ​ന​ന്ദ് പ്ര​ഖ്യാ​പി​ച്ചെ​ങ്കി​ലും മ​റ്റു ര​ണ്ടു​പേ​ർ അ​ത് നി​ഷേ​ധി​ച്ചി​ട്ടു​ണ്ട്.

ശ​ങ്ക​രാ​ചാ​ര്യ​ന്മാ​രു​ടെ​യോ രാ​ഷ്ട്രീ​യ പാ​ർ​ട്ടി​ക​ളു​ടെ​യോ അം​ഗീ​കാ​ര​മോ വി​സ​മ്മ​ത​മോ സാ​ധാ​ര​ണ ഹി​ന്ദു​ക്ക​ൾ​ക്ക്​ ഒ​രു വി​ഷ​യ​മ​ല്ല. വ​ർ​ഷ​ങ്ങ​ൾ നീ​ണ്ട വ്യ​വ​ഹാ​ര​ങ്ങ​ൾ​ക്കും വ​ർ​ഗീ​യ സം​ഘ​ർ​ഷ​ങ്ങ​ൾ​ക്കും രാ​ഷ്ട്രീ​യ കൃ​ത്രി​മ​ങ്ങ​ൾ​ക്കു​മൊ​ടു​വി​ൽ എ​ല്ലാം തീ​ർ​ന്ന്​ ക്ഷേ​ത്രം ഉ​യ​രു​ന്ന​തി​ൽ സ​ന്തു​ഷ്ട​നാ​ണ്​ ത​ല​സ്ഥാ​ന​ത്തെ യു​വ അ​ഭി​ഭാ​ഷ​ക​ൻ. കാ​ര്യ​മാ​യ മ​ത-​രാ​ഷ്ട്രീ​യ ആ​ഭി​മു​ഖ്യ​മൊ​ന്നും പു​ല​ർ​ത്താ​ത്ത ഈ ​വ​ക്കീ​ൽ ഇ​ന്ത്യ​ൻ ന​ഗ​ര യു​വ​ത്വ​ത്തി​ന്‍റെ പ്ര​തീ​ക​മാ​ണ്.

വാ​രാ​ണ​സി​യി​ലെ സ​മ്പൂ​ർ​ണാ​ന​ന്ദ് സം​സ്‌​കൃ​ത സ​ർ​വ​ക​ലാ​ശാ​ല​യി​ൽ​നി​ന്ന് വി​ര​മി​ച്ച പ്ര​ഫ​സ​റാ​യ ഡോ. ​വി​ദ്യാ കു​മാ​ർ ബി.​ജെ.​പി അ​നു​ഭാ​വി​യാ​യ​തി​നാ​ൽ ക്ഷേ​ത്രം ഉ​യ​രു​ന്ന​ത് ഹി​ന്ദു​ക്ക​ൾ​ക്ക് വ​ലി​യ സം​തൃ​പ്തി ന​ൽ​കു​മെ​ന്ന്​ ഉ​റ​ച്ചു​വി​ശ്വ​സി​ക്കു​ന്നു. ച​ട​ങ്ങു​മാ​യി ബ​ന്ധ​പ്പെ​ട്ട അ​മി​ത​മാ​യ പ്ര​ചാ​ര​ണ​ങ്ങ​ൾ രാ​ജ്യ​ത്ത് വ​ർ​ഗീ​യ സം​ഘ​ർ​ഷ​ങ്ങ​ൾ​ക്ക് വ​ഴി​വെ​ച്ചേ​ക്കു​മോ എ​ന്ന ആ​ശ​ങ്ക​യും അ​വ​ർ പ്ര​ക​ടി​പ്പി​ക്കു​ന്നു​ണ്ട്.

ക്ഷേ​ത്ര​നി​ർ​മാ​ണ​ത്തി​ന്‍റെ ​ക്രെ​ഡി​റ്റ്​ മോ​ദി​ക്ക്​ പോ​കു​​മെ​ങ്കി​ലും അ​തു​കൊ​ണ്ടു​മാ​ത്രം അ​ടു​ത്ത തെ​ര​ഞ്ഞെ​ടു​പ്പി​ലെ ജ​യം കൂ​ടെ പോ​രു​​മെ​ന്ന്​ അ​വ​ർ​ക്ക്​ അ​ഭി​പ്രാ​യ​മി​ല്ല. അ​തു​വേ​റെ​യും പ്ര​ശ്ന​ങ്ങ​ളെ ആ​സ്പ​ദി​ച്ചാ​ണി​രി​ക്കു​ന്ന​ത്.

ആ​ളു​ക​ൾ ഇ​തൊ​രു മ​ഹാ​സം​ഭ​വ​മാ​ക്കി അ​ർ​മാ​ദി​ക്കു​ന്ന​തി​ലു​ള്ള ആ​ശ​ങ്ക ക്ഷേ​ത്ര​വി​ശ്വാ​സി​യാ​യ ര​വി മി​ശ്ര എ​ന്ന ചെ​റു​പ്പ​ക്കാ​ര​നും പ്ര​ക​ടി​പ്പി​ച്ചു. ഹി​ന്ദു​ക്ക​ൾ​​ക്കി​ട​യി​ലു​ണ്ടാ​യ ഈ ​രാ​മ​ക്ഷേ​ത്ര അ​നു​ഭാ​വ​വും ആ​വേ​ശ​വും ഭ​ക്തി​യി​ൽ പ​ര്യ​വ​സാ​നി​ക്കു​മോ അ​തോ, രാ​ഷ്ട്രീ​യ​ക്കാ​റ്റാ​യി അ​ത്​ ശ​ക്തി​പ്രാ​പി​ക്കു​മോ എ​ന്നൊ​ക്കെ കാ​ത്തി​രു​ന്നു​ത​ന്നെ കാ​ണാം.