വാൾട്ട് ഡിസ്നിയുടെ ലോകപ്രശസ്ത അനിമേഷൻ സിനിമയായ 'ദ ലയൺ കിങ്' കാണാത്തവർ കുറവായിരിക്കും. 1994ൽ പുറത്തിറങ്ങി ലോകമെമ്പാടുമുള്ള പ്രേക്ഷകരെ രസിപ്പിച്ച സൂപ്പർ ഹിറ്റ് ചിത്രം ത്രീഡി ദൃശ്യവിസ്മയത്തോടെ 2019ൽ വീണ്ടും തിയറ്ററുകളിലെത്തിയിരുന്നു. സിംബയെന്ന സിംഹക്കുട്ടിയുടെ അതിജീവനത്തിന്‍റെ കഥയാണ് ദ ലയൺ കിങ്ങിലൂടെ പറയുന്നത്.
സിംബയുടെ പിതാവും കാട്ടിലെ രാജാവുമായ മുഫാസയെ സഹോദരൻ സ്കാർ വധിക്കുന്ന ദൃശ്യങ്ങൾ എല്ലാവരും ഓർക്കുന്നുണ്ടാകും. കിഴുക്കാംതൂക്കായ ഒരു കിടങ്ങിൽ നിന്ന് തിരികെ കയറുന്നതിനിടെ മുഫാസയെ സ്കാർ കൈകൾ തട്ടിമാറ്റി വധിക്കുകയായിരുന്നു.
ഇതിനെ അനുസ്മരിപ്പിക്കുന്ന ഒരു വിഡിയോയാണ് ഓൺലൈനിൽ ചിരിപടർത്തുന്നത്. രണ്ടു പൂച്ചകളാണ് വിഡിയോയിലെ താരങ്ങൾ. ലയൺ കിങ്ങിൽ മുഫാസ തൂങ്ങിക്കിടക്കുന്നതുപോലെ വീട്ടിനുള്ളിൽ ഒരു പൂച്ച തൂങ്ങിക്കിടക്കുന്നതും മുകളിലുള്ള പൂച്ച, സ്കാർ ചെയ്തതുപോലെ കൈകൾ തട്ടിമാറ്റി മറ്റേ പൂച്ചയെ താഴേക്ക് വീഴ്ത്തുന്നതുമാണ് വിഡിയോ.
'ദ ലയൺ കിങ്ങി'ലെ ദൃശ്യങ്ങൾ ഇവിടെ കാണാം...
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.