ന്യൂഡൽഹി: വീട്ടിലെ മുതിർന്നവരേക്കാൾ ഉറ്റചങ്ങാതിമാരാണ് പലേപ്പാഴും കുട്ടികളും വളർത്തുമൃഗങ്ങളും. കുട്ടികളുടെ കളിപ്പാട്ടങ്ങളെടുത്ത് വളർത്തുമൃഗങ്ങൾ കളിക്കുന്നതിന്‍റെ നിരവധി വിഡിയോകൾ പുറത്തുവന്നിട്ടുണ്ട്. എന്നാൽ സമൂഹമാധ്യമങ്ങളെ ഇപ്പോൾ ചിരിപ്പിക്കുകയും ചിന്തിപ്പിക്കുകയുമാണ് ഒരു കുഞ്ഞിന്‍റെയും പട്ടിക്കുട്ടിയുടെയും വിഡിയോ.
കുഞ്ഞുങ്ങളുടെ വാഹനങ്ങളിൽ വളർത്തുമൃഗങ്ങൾ കൂട്ടാളികളായി യാത്രചെയ്യുന്നത് പതിവാണെങ്കിലും നേരെ തിരിച്ചാണ് ഈ വിഡിയോയിൽ. കുട്ടിയെ കുഞ്ഞുകാറിലിരുത്തി ഓടിക്കുന്ന പട്ടിക്കുട്ടിയാണ് ഇപ്പോൾ വൈറൽ.
മനുഷ്യനെപ്പോലെ സ്റ്റിയറിങ് കൈകാര്യം ചെയ്യുന്ന പട്ടിക്കുട്ടി വളരെ ശ്രദ്ധയോടെയാണ് ഡ്രൈവ് ചെയ്യുന്നതും. തൊട്ടടുത്ത് പട്ടിക്കുട്ടിയുടെ സമീപത്തിരുന്ന് യാത്ര ആസ്വദിക്കുന്ന കുഞ്ഞിനെയും വിഡിയോയിൽ കാണാം.
നിരവധി പേരാണ് ഈ വിഡിയോ കാണുകയും പങ്കുവെക്കുകയും ചെയ്തത്. കമന്‍റുകളായും നിരവധി പേരെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.