ടോക്യോ: പാരാലിമ്പിക്സിൽ ഇന്ത്യക്ക് വീണ്ടും നേട്ടം. ബാഡ്മിന്‍റണിൽ പ്രമോദ് ഭാഗത് ഫൈനലിലെത്തി. ഇതോടെ മത്സരത്തിൽ ഇന്ത്യ വെള്ളി മെഡലുറപ്പിച്ചു. 21-11, 21-16 എന്ന സ്കോറിനായിരുന്നു പ്രമോദിന്‍റെ ജയം. ഇതോടെ മെഡൽ നേട്ടം 14 ആയി.
ജപ്പാന്‍റെ ഡെയ്സുകെ ഫുജിഹാരയെ തകർത്താണ് പുരുഷ സിംഗിൾസ് ഫൈനലിലേക്ക് പ്രമോദ് മുന്നേറിയത്. മത്സരത്തിന്‍റെ തുടക്കം മുതൽ ആധിപത്യം പുലർത്തിയിരുന്ന പ്രമോദ് അനായാസം വിജയം പിടിച്ചെടുക്കുകയായിരുന്നു.
ചെറിയ ഇടവേളക്കുശേഷം പാരാലിമ്പിക്സിൽ കഴിഞ്ഞ ദിവസം ഇന്ത്യ വീണ്ടും മെഡലുകൾ നേടിയിരുന്നു. ഹൈജംപിൽ വെള്ളിയും ഷൂട്ടിങ്ങിലും അെമ്പയ്ത്തിലും വെങ്കലവും നേടിയാണ് ഇന്ത്യ മെഡൽ നേട്ടം 13ലെത്തിച്ചത്. രണ്ടു സ്വർണവും ആറു വെള്ളിയും അഞ്ച് വെങ്കലവുമാണ് ഇതുവരെ ഇന്ത്യയുടെ അക്കൗണ്ടിലെത്തിയത്. പാരാലിമ്പിക്സിൽ ഇന്ത്യയുടെ ഏറ്റവും മികച്ച പ്രകടനം കൂടുതൽ മെഡൽ നേട്ടങ്ങളോടെ തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.