ഷാ ആലം (മലേഷ്യ): ബാഡ്മിന്റൺ ഏഷ്യ ടീം ചാമ്പ്യൻഷിപ് പുരുഷ വിഭാഗം മത്സരത്തിൽ ചൈനയോട് തോറ്റ് ഇന്ത്യ. ഗ്രൂപ് എയിലെ രണ്ടാം മത്സരത്തിൽ 2-3നായിരുന്നു പരാജയം.
ഗ്രൂപ് എയിൽനിന്ന് ഇതിനകം നോക്കൗട്ടിൽ കടന്ന ഇന്ത്യ രണ്ടാം സ്ഥാനക്കാരായി ഫിനിഷ് ചെയ്തു. ഒന്നാം നമ്പർ ഡബ്ൾസ് ജോടിയായ സാത്വിക് സായിരാജ് രങ്കിറെഡ്ഡിയും ചിരാഗ് ഷെട്ടിയും ഇന്നലെ കളിച്ചില്ല. സിംഗ്ൾസിൽ മലയാളിതാരം എച്ച്.എസ് പ്രണോയ് 6-21, 21-18, 21-19 സ്കോറിന് വെങ് ഹോങ് യാങ്ങിനെ തോൽപിച്ചു.
ലക്ഷ്യ സെന്നും ജയം കണ്ടപ്പോൾ സിംഗ്ൾസിൽ ചിരാഗ് സെൻ, ഡബ്ൾസിൽ എം.ആർ അർജുൻ-ധ്രുവ് കപില, സൂരജ് ഗൊവാല-പൃഥ്വി കൃഷ്ണമൂർത്തി റോയ് സഖ്യങ്ങൾ പരാജയം രുചിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.