മെൽബൺ: ആസ്ട്രേലിയക്കെതിരായ മൂന്നാം ക്രിക്കറ്റ് ടെസ്റ്റിന് തയാറെടുക്കുന്ന ഇന്ത്യക്ക് വീണ്ടും തിരിച്ചടി. കണങ്കാലിന് പരിക്കേറ്റ ഉമേഷ് യാദവ് ശേഷിക്കുന്ന മത്സരങ്ങളിൽ കളിക്കില്ല. ഇതോടെ ആസ്ട്രേലിയക്കെതിരായ മൂന്നാം ടെസ്റ്റിലും നാലാം ടെസ്റ്റിലും ഉമേഷ് യാദവ് കളിക്കില്ലെന്ന് ഉറപ്പായിട്ടുണ്ട്. ഉമേഷ് യാദവ് ഉടൻ നാട്ടിലേക്ക് മടങ്ങുമെന്നാണ് റിപ്പോർട്ട്. നേരത്തെ ഫാസ്റ്റ് ബൗളർ മുഹമ്മദ് ഷമിയും പരിക്കേറ്റ് ടീമിന് പുറത്തേക്ക് പോയിരുന്നു.
യാദവില്ലെങ്കിൽ മിക്കവാറും തമിഴനാട്ടുകാരൻ ടി. നടരാജന് ടെസ്റ്റ് അരങ്ങേറ്റത്തിന് അവസരമൊരുങ്ങിയേക്കും. ആസ്ട്രേലിയക്കെതിരെ ട്വൻറി 20 പരമ്പരയിൽ അരങ്ങേറാൻ അവസരം കിട്ടിയ നടരാജൻ നെറ്റ്സ് ബൗളറായി ടീമിനൊപ്പം തുടരുകയാണ്.
രണ്ടാം ടെസ്റ്റിന്‍റെ രണ്ടാമിന്നിങ്സിൽ 3.3 ഓവർമാത്രമാണ് ഉമേഷ് യാദവ് ബൗൾ ചെയ്തത്. കണങ്കാലിെൻറ പേശിക്ക് പരിക്കേറ്റ് മുടന്തിയാണ് ഉമേഷ് യാദവ് മൈതാനം വിട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.