ബി.സി.സി.ഐ പരിശോധനയിൽ പരാജയമായ ധരംശാലയിൽ നടക്കേണ്ട ഇന്ത്യ- ആസ്ട്രേലിയ മൂന്നാം ടെസ്റ്റ് മാറ്റി. ധരംശാലയിലെ എച്ച്.പി.സി.എ മൈതാനത്ത് മാർച്ച് ഒന്നിന് ആരംഭിക്കേണ്ട മത്സരമാണ് ഇന്ദോർ ഹോൽക്കർ മൈതാനത്തേക്ക് മാറ്റിയത്. മലയോരത്തെ കടുത്ത കാലാവസ്ഥയിൽ നടക്കേണ്ട മത്സരത്തിന് പിച്ച് അനുഗുണമല്ലെന്ന് കഴിഞ്ഞ ദിവസം ബി.സി.സി.ഐ റിപ്പോർട്ട് നൽകിയിരുന്നു. ഇതിന്റെ അടിസ്ഥാനത്തിലാണ് നടപടി.
ധരംശാല മൈതാനം വീണ്ടും സജ്ജമാകുന്ന നടപടി അടുത്തിടെയാണ് ഹിമാചൽ പ്രദേശ് ക്രിക്കറ്റ് അസോസിയേഷൻ ആരംഭിച്ചിരുന്നത്. ഇപ്പോഴും ചില ഭാഗങ്ങളിൽ ഇപ്പോഴും ജോലി പൂർത്തിയായിട്ടില്ല. രാജ്യാന്തര മത്സരങ്ങൾക്ക് മുമ്പ് ആഭ്യന്തര കളികൾ നടത്തണമെന്നും പ്രായോഗിക പരിശോധന പൂർത്തിയായാലേ അന്താരാഷ്ട്ര മത്സരങ്ങൾ നടത്താവൂ എന്നും ബി.സി.സി.ഐ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.