കൊൽക്കത്ത: ട്വന്റി 20 ലോകകപ്പിൽ പാകിസ്താനെതിരെ മിന്നും വിജയം നേടിയതിന് പിന്നാലെ ഇന്ത്യൻ ടീമിന് അഭിനന്ദന പ്രവാഹം. കേന്ദ്ര മന്ത്രി അമിത്ഷാ, കോൺഗ്രസ് നേതാവ് ശശി തരൂർ, ഡൽഹി മുഖ്യമന്ത്രി അരവിന്ദ് കെജ്രിവാൾ തുടങ്ങി നിരവധി പ്രമുഖർ ഇന്ത്യൻ ടീമിന് അഭിനന്ദനമറിയിച്ച് രംഗത്തെത്തി. ട്വിറ്ററിലൂടെയാണ് നേതാക്കൾ അഭിനന്ദനമറിയിച്ചത്.
ഇന്ത്യൻ ടീമിന്‍റെ വിജയത്തെ പ്രശംസിച്ച അമിത്ഷാ ദീപാവലി ആരംഭിച്ചു എന്നും വിരാട് കോഹ്‍ലിയുടേത് എന്തൊരു തകർപ്പൻ ഇന്നിങ്സാണെന്നും ട്വീറ്റ് ചെയ്തു. ഇന്ത്യ-പാക് മത്സരം നഷ്ടപ്പെടുത്താൻ ആഗ്രഹിക്കാത്തതിനാൽ രാവിലെ ഷെഡ്യൂൾ ചെയ്ത വിമാനയാത്ര പോലും താൻ ഒഴിവാക്കിയെന്നായിരുന്നു കോൺഗ്രസ് നേതാവ് ശശി തരൂരിന്‍റെ ട്വീറ്റ്. ഈ ടൂർണമെന്‍റിലെ ഏറ്റവും മികച്ച മത്സരങ്ങളിലൊന്ന് കണ്ടതിന്‍റെ ത്രില്ലിലാണെന്നും അദ്ദേഹം കുറിച്ചു.
ട്വന്റി20 ലോകകപ്പിൽ ഇന്ത്യയുടെ വിജയതുടക്കത്തിന് ഇന്ത്യൻ ടീമിനെ അഭിനന്ദിക്കുന്നുവെന്ന് ഡൽഹി മുഖ്യമന്ത്രി അരവിന്ദ് കെജ്രിവാളും ട്വീറ്റ് ചെയ്തു. ഇന്ത്യയുടെ വിജയശിൽപിയായ വിരാട് കോഹ്‍ലിയെയും അദ്ദേഹം അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.