ഹൈദരാബാദ്: അണ്ടർ 25 ഏകദിന ക്രിക്കറ്റ് ടൂർണമെൻറ് ഗ്രൂപ് ഡിയിലെ രണ്ടാം മത്സരത്തിൽ കേരളത്തിന് തോൽവി. ചൊവ്വാഴ്ച ജമ്മു-കശ്മീരാണ് നാലു വിക്കറ്റിന് കേരളത്തെ തോൽപിച്ചത്. ടോസ് നേടി ബാറ്റിങ് തെരഞ്ഞെടുത്ത കേരളം 34.3 ഓവറിൽ 128 റൺസിന് പുറത്തായി. കശ്മീർ 37.4 ഓവറിൽ ആറു വിക്കറ്റ് നഷ്ടത്തിൽ ലക്ഷ്യം നേടി.
ആദ്യം ബാറ്റു ചെയ്യാൻ തീരുമാനിച്ച കേരളത്തിന് തുടക്കത്തിലെ തകർച്ചയിൽനിന്ന് കരകയറാനായില്ല. 35 റൺസെടുത്ത അനന്തകൃഷ്ണനാണ് ടോപ് സ്കോറർ. സചിൻ സുരേഷ് 21ഉം അൽഫി ഫ്രാൻസിസ് 19ഉം റൺസെടുത്തു.
പ്രതിരോധിക്കാൻ കാര്യമായ സ്കോറില്ലാതിരുന്നിട്ടും കേരള ബൗളർമാർ നന്നായി പന്തെറിഞ്ഞെങ്കിലും കശ്മീരിെൻറ വിജയം തടയാനായില്ല. 31 റൺസെടുത്ത കനിഹയ്യ വാദ്വാനാണ് ജമ്മുവിന് വിജയവഴി തെളിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.