അബൂദബി: ഐ.പി.എൽ പോയൻറ് പട്ടികയിൽ ഒന്നാംസ്ഥാനത്തേക്ക് കയറാനുള്ള പോരാട്ടത്തിൽ ഡൽഹി കാപ്പിറ്റൽസിനെ മുംബൈ ഇന്ത്യൻസ് അഞ്ചുവിക്കറ്റിന് തറപറ്റിച്ചു. ഇരുടീമുകൾക്കും ഏഴുമത്സരങ്ങളിൽ നിന്നും 10 പോയൻറുണ്ടെങ്കിലും റൺറേറ്റിൽ മുംബൈയാണ് മുമ്പിലുള്ളത്.
ഡൽഹി ഉയർത്തിയ 162 റൺസിെൻറ വിജയലക്ഷ്യത്തിലേക്ക് ബാറ്റുവീശിയ മുംബൈ അവസാന ഓവറിലാണ് വിജയം എത്തിപ്പിടിച്ചത്. 53 റൺസ് വീതമെടുത്ത ക്വിൻറൺ ഡികോക്കും സൂര്യകുമാർ യാദവുമാണ് മുംബൈ ഇന്നിങ്സിന് നട്ടെല്ലായത്. 15 പന്തുകളിൽ നിന്നും 28 റൺസെടുത്ത ഇഷാൻ കിഷൻ അവസാന ഓവറുകളിൽ റൺനിരക്കുയർത്തി. ഡൽഹിക്കായി നാലോവറിൽ 28 റൺസ് വഴങ്ങി കാഗിസോ റബാദ രണ്ടു വിക്കറ്റെടുത്തു.
69 റൺസെടുത്ത് പുറത്താകാതെ നിന്ന ശിഖർ ധവാെൻറയും 42 റൺസെടുത്ത ശ്രേയസ് അയ്യറുടെയും കരുത്തിലാണ് ഡൽഹി മാന്യമായ സ്കോർ ഉയർത്തിയത്. മുംബൈക്കായി ക്രൂനാൽ പാണ്ഡ്യ രണ്ട് വിക്കറ്റ് വീഴ്ത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.