ഡൽഹിയെ മൂന്നു​ വിക്കറ്റിന്​ തോൽപിച്ച്​ രാജസ്ഥാൻ

മുംബൈ: ആദ്യ മത്സരത്തിൽ തന്നെ 'അവിശ്വസിച്ച' ക്യാപ്​റ്റൻ സഞ്​ജു വി. സാംസണെ സാക്ഷിയാക്കി ക്രിസ്​ മോറിസ്​ അവസാന പന്തുകളിൽ സിക്​സർ പൂരം ഒരുക്കിയപ്പോൾ, ഡൽഹി കാപിറ്റൽസിനെ മൂന്നു​ വിക്കറ്റിന്​ തോൽപിച്ച്​ രാജസ്ഥാൻ റോയൽസ്​​ സീസണിലെ ആദ്യ ജയം സ്വന്തമാക്കി. ഡൽഹി ഉയർത്തിയ 147 റൺസ്​ എന്ന ചെറിയ സ്​കോറിനു​ മുന്നിൽ എല്ലാവരും വീണപ്പോൾ, ഡേവിഡ്​ മില്ലർ (62) ഒരുക്കിക്കൊടുത്ത അടിത്തറയിൽ ക്രിസ്​മോറിസ്​ സിക്​സർ മാല തീർത്താണ്​ കൈവിട്ട കളി അവസാനത്തിൽ ജയിപ്പിച്ചത്​. നാല്​ പടുകൂറ്റൻ സിക്​സറുകൾ പറത്തി 36 റൺസുമായാണ്​ ക്രിസ്​മോറിസ്​ വിജയശിൽപിയായത്​. സ്​കോർ: ഡൽഹി 147/8(20 ഓവർ), രാജസ്ഥാൻ റോയൽസ്​ 150/7 (19.4 ഓവർ).

ആദ്യം ബാറ്റുചെയ്​ത ഡൽഹിയെ 147 റൺസിന്​ ഒതുക്കി ബാറ്റിങ്ങിനിറങ്ങിയ രാജസ്ഥാന്​ കാര്യങ്ങൾ എളുപ്പമായിരുന്നില്ല. ചെറിയ വിജയലക്ഷ്യത്തിലേക്ക്​ മില്ലർ ഒഴികെ ആരും പൊരുതിയില്ല. ജോസ്​ ബട്ട്​ലർ (2), മനൻ വോറ (9), സഞ്​ജു സാംസൺ (4), ശിവം ദുബെ (2), റിയാൻ പരാഗ് ​(2) എന്നിവർ രണ്ടക്കം കണാതെ പുറത്തായപ്പോൾ, മറുവശത്ത്​ ഡേവിഡ്​ മില്ലർ ഒറ്റയാൾ പോരാട്ടം നടത്തുകയായിരുന്നു. രണ്ടു സിക്​സും ഏഴു ഫോറുമടക്കം മില്ലർ 43 പന്തിൽ 62 റൺസെടുത്ത്​ പുറത്തായി. രാഹുൽ തെവാത്തിയയാണ് (19)​ മില്ലറിന്​ ചെറുതായെങ്കിലും പിന്തുണ നൽകിയത്​. കളി തോറ്റെന്ന്​ ഉറപ്പിച്ച ഘട്ടത്തിലാണ്​ ക്രിസ്​ മോറിസ്​ രക്ഷകനാവുന്നത്​. 18 പന്തിൽ നാലു സിക്​സുകൾ അതിർത്തി കടത്തിയാണ്​ മോറിസ്​ ജയിപ്പിച്ചത്​. ജയദേവ്​ ഉനദ്​കട്ട്​ (11) പുറത്താവാതെ നിന്നു.

നേരത്തെ, ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ഡൽഹി നിരയിൽ ക്യാപ്​റ്റൻ ഋഷഭ്​ പന്ത് (51)​ മ​ാ​ത്രമാണ്​ തിളങ്ങിയത്​. തുടക്കത്തിലേ വൻ തകർച്ചയിലായിരുന്നു ഡൽഹി. രണ്ടാം ഒവറിൽ തന്നെ ഓപണർ പൃഥ്വി ഷായെ(2) നഷ്​ടമായി. പിന്നാലെ ശിഖർ ധവാനും​ കുരുങ്ങി​. പിന്നിലേക്ക്​ പന്ത്​ വലിച്ചടിക്കാനുള്ള ധവാ​‍െൻറ(9) ശ്രമമാണ്​ പാളിയത്​. മനോഹരമായ ക്യാച്ചിലൂടെ മലയാളി താരവും രാജസ്​ഥാ​‍െൻറ ക്യാപ്​റ്റനുമായ സഞ്​ജു സാംസണാണ്​ ധവാനെ പിടികൂടിയത്​. പിന്നാലെ അജിൻക്യ രഹാനെ, റൺസൊന്നും എടുക്കാതെ മാർകസ്​ സ്​റ്റോയിനിസ്​(0) എന്നിവരും മടങ്ങി. ഇതോടെ 37 റൺസിനിടെ നാലു വിക്കറ്റ്​ ഡൽഹിക്ക്​ നഷ്​ടമായി. എന്നാൽ, മറുവശത്ത്​ ക്യാപ്​റ്റൻ പന്ത്​ ഒറ്റയാൻ പോരാട്ടം നടത്തിയതോടെ വൻ പതനത്തിൽ നിന്നും ഡൽഹി കരകയറി. തകർച്ചക്കിടയിൽ സിക്​സറിനു ശ്രമിക്കാതെ ശ്രദ്ധിച്ചായിരുന്നു ക്യാപ്​റ്റ​‍െൻറ കളി. 32 പന്തിൽ ഒമ്പത്​ ഫോറുമായാണ്​ പന്ത്​ 51 റൺസ്​ എടുത്തത്​.

ബം​ഗ​ളൂ​രു​വി​ന്​ ര​ണ്ടാം ജ​യം

ചെ​ന്നൈ: ബു​ധ​നാ​ഴ്​​ച ന​ട​ന്ന മ​ത്സ​ര​ത്തി​ൽ റോ​യ​ൽ ചാ​ല​​ഞ്ചേ​ഴ്​​സ്​ ബാം​ഗ്ലൂ​ർ, സ​ൺ​റൈ​സേ​ഴ്​​സ്​ ​ഹൈ​ദ​രാ​ബാ​ദി​നെ ആ​റു റ​ൺ​സി​ന്​ തോ​ൽ​പി​ച്ചു. ആ​ദ്യം ബാ​റ്റു ചെ​യ്​​ത ബാം​ഗ്ലൂ​ർ, ​െഗ്ല​ൻ മാ​ക്​​സ്​​വെ​ല്ലി​‍െൻറ (59) അ​ർ​ധ​സെ​ഞ്ച്വ​റി ബ​ല​ത്തി​ൽ 149 റ​ൺ​സെ​ടു​ത്തു. മ​റു​പ​ടി ബാ​റ്റി​ങ്ങി​നി​റ​ങ്ങി​യ ഹൈ​ദ​രാ​ബാ​ദി​ന്​ ഡേ​വി​ഡ്​ വാ​ർ​ണ​ർ(54), മ​നീ​ഷ്​ പാ​ണ്ഡെ(38) എ​ന്നി​വ​ർ ന​ല്ല അ​ടി​ത്ത​റ​യൊ​രു​ക്കി​യെ​ങ്കി​ലും പി​ന്നീ​ട്​ ത​ക​രു​ക​യാ​യി​രു​ന്നു. സ്​​കോ​ർ: ബാം​ഗ്ലൂ​ർ- 149/8 (20 ഓ​വ​ർ), ഹൈ​ദ​രാ​ബാ​ദ്​- 143/9(20 ഒാ​വ​ർ). ബാം​ഗ്ലൂ​ർ ബൗ​ള​ർ​മാ​രു​ടെ ക​ണി​ശ​ത​യോ​ടെ​യു​ള്ള പ​ന്തേ​റാ​ണ്​ ഹൈ​ദ​രാ​ബാ​ദി​ന്​ വി​ന​യാ​യ​ത്. ഷ​ഹ​ബാ​സ്​ അ​ഹ​മ​ദ്​ ര​ണ്ട്​ ഓ​വ​റു​ക​ളി​ൽ ഏ​ഴ്​ റ​ൺ​സ്​ മാ​ത്രം വ​ഴ​ങ്ങി മൂ​ന്ന്​ വി​ക്ക​റ്റു​ക​ൾ വീ​ഴ്​​ത്തി. മു​ഹ​മ്മ​ദ്​ സി​റാ​ജും ഹ​ർ​ഷ​ൽ പ​േ​ട്ട​ലും​ നാ​ലോ​വ​റു​ക​ളി​ൽ 25 റ​ൺ​സ്​ വ​ഴ​ങ്ങി ര​ണ്ട് വീ​തം​ വി​ക്ക​റ്റു​ക​ളാ​ണ്​ വീ​ഴ്​​ത്തി​യ​ത്.