മുംബൈ: രഞ്ജി ട്രോഫി ക്രിക്കറ്റ് ഫൈനലിന്റെ ഒന്നാം നാൾ തൊട്ട് ആവേശം. മുംബൈയുടെ ഒന്നാം ഇന്നിങ്സ് 224 റൺസിൽ അവസാനിപ്പിച്ച വിദർഭ സ്റ്റമ്പെടുക്കുമ്പോൾ മൂന്ന് വിക്കറ്റിന് 31 റൺസ് എന്ന നിലയിൽ തകരുകയാണ്. 75 റൺസ് നേടിയ ഷാർദുൽ ഠാകുറാണ് മുംബൈയുടെ ടോപ് സ്കോറർ.
ഓപണർമാരായ പ്രിഥ്വി ഷാ 46ഉം ഭൂപൻ ലാൽവാനി 37ഉം റൺസെടുത്തു. ക്യാപ്റ്റൻ അജിൻക്യ രഹാനെയും ശ്രേയസ് അയ്യരും ഏഴ് വീതം റൺസുമായി മടങ്ങി വിദർഭക്കായി ഹർഷ് ദുബെയും യാഷ് ഠാകുറും മൂന്ന് വീതവും ഉമേഷ് യാദവ് രണ്ട് വിക്കറ്റും നേടി. മറുപടി ബാറ്റിങ്ങിൽ ഒന്നാം ഇന്നിങ്സിൽ 24 റൺസെടുക്കുന്നതിനിടെ ഇവരുടെ മൂന്ന് വിക്കറ്റുകൾ നഷ്ടമായി.
ഓപണർ ധ്രവ് ഷോറെയെ (0) ഷാർദുലും അമാൻ മൊഖാഡെയെയും (8) കരുൺ നായരെയും ധവാൽ കുൽക്കർണിയും മടക്കി. ഓപണർ അഥർ ടൈഡെയും (21) ആദിത്യ താക്കറെയും (0) ആണ് ക്രീസിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.