1. എം. അമൃത് (കല്ലടി എച്ച്.എസ്. കുമരംപുത്തൂർ, (പാലക്കാട്), 2. കെ.എ. നിവേദ്യ (ജി.എച്ച്.എസ്. എസ് കൊടുവായൂർ പാലക്കാട്), 3. ജെ.എസ്. നിവേദ്യ (ഐഡിയൽ ഇ.എച്ച്.എസ്.എസ്. കടകശ്ശേരി മലപ്പുറം)
കൊച്ചി: സംസ്ഥാന സ്കൂൾ കായികമേളയിൽ മീറ്റിലെ ആദ്യ ഡബിൾ സ്വന്തമാക്കി എം. അമൃത്. വെള്ളിയാഴ്ച 400 മീറ്ററിൽ സ്വർണം നേടിയ കല്ലടി എച്ച്.എസ്.സിലെ പ്ലസ് ടു വിദ്യാർഥിയായ അമൃത് ശനിയാഴ്ച അവസാന ഇനമായി നടന്ന 800 മീറ്ററിലും ഒന്നാമതെത്തിയാണ് ഇരട്ടസ്വർണം (1:56:55) സ്വന്തമാക്കിയത്. പെൺകുട്ടികളുടെ ജൂനിയർ, സീനിയർ വിഭാഗങ്ങളിൽ നിവേദ്യ, ജെ.എസ്. നിവേദ്യ എന്നിവർ ഒന്നാമതെത്തി. കഴിഞ്ഞ സംസ്ഥാന ജൂനിയർ മീറ്റിനിടെ കാലിനേറ്റ പരിക്കിനെതുടർന്ന് രണ്ടുമാസത്തോളം നീണ്ട ചികിത്സക്കുശേഷമായിരുന്നു മഹാരാജാസ് ട്രാക്കിലേക്കുള്ള അമൃതിന്‍റെ വരവ്.
ജൂനിയർ പെൺകുട്ടികളിൽ പാലക്കാട് കൊടുവായൂർ വി.എച്ച്.എസിലെ നിവേദ്യ സ്വർണം (2:18.60) സ്വന്തമാക്കി. പാലക്കാട് കൊടുവായൂർ തേങ്കുറിശ്ശി സ്വദേശിയായ ഈ 10ാം ക്ലാസുകാരി 400 മീറ്ററിൽ വെങ്കലവും നേടിയിരുന്നു. സീനിയർ പെൺകുട്ടികളിൽ കടകശ്ശേരി ഐഡിയൽ സ്കൂളിലെ ജെ.എസ്. നിവേദ്യ (2:18.62)യാണ് സ്വർണം നേടിയത്. കോഴിക്കോട് ബാലുശ്ശേരി സ്വദേശിനി നിവേദ്യ പ്ലസ് ടു വിദ്യാർഥിനിയാണ്. 400 മീറ്ററിൽ വെള്ളിയും സ്വന്തമാക്കിയിരുന്നു. സീനിയർ ആൺകുട്ടികളിൽ മലപ്പുറത്തിന്‍റെ കെ.പി. ലുഖ്മാൻ (1:57.14) ഒന്നാമതെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.