മഞ്ചേരി: ഐ ലീഗ് പോയന്റ് ടേബിളിൽ മുന്നേറാൻ ഗോകുലം കേരള എഫ്.സി ബുധനാഴ്ച ഇറങ്ങും. ആറാം റൗണ്ട് മത്സരത്തിൽ സുദേവ ഡൽഹി എഫ്.സിയാണ് ആതിഥേയരുടെ എതിരാളികൾ. വൈകീട്ട് ഏഴിന് പയ്യനാട് സ്റ്റേഡിയത്തിലാണ് മത്സരം. തുടർച്ചയായ രണ്ട് മത്സരം വിജയിച്ചശേഷം രണ്ട് സമനിലയും ഒരു തോൽവിയുമായി അഞ്ചാം സ്ഥാനത്താണ് മലബാറിയൻസ്. കഴിഞ്ഞ രണ്ട് സീസണിലായി രണ്ടുതവണയും സുദേവ എഫ്.സിയെ പരാജയപ്പെടുത്തിയതിന്റെ ആത്മവിശ്വാസത്തിലാണ് ഗോകുലം ടീം ഇറങ്ങുന്നത്.
എളുപ്പമല്ലെന്ന് പരിശീലകൻ
സുദേവ എഫ്.സിയുമായുള്ള രണ്ടാം ഹോം മത്സരം എളുപ്പമായിരിക്കില്ലെന്ന് ഗോകുലം കോച്ച് ടിച്ചാർഡ് ടോവ. വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം. ഐ ലീഗിൽ ഏതുടീമിനെയും പരാജയപ്പെടുത്തുന്നത് എളുപ്പമാകില്ല. എതിരാളികളും ശക്തരാണ്. അവരും മത്സരത്തിന് മികച്ച തയാറെടുപ്പ് നടത്തുമെന്ന് ഉറപ്പുണ്ടെന്നും ടോവ പറഞ്ഞു. ലീഗിൽ ഞങ്ങൾ കൂടുതൽ ഗോളുകൾ നേടിയിട്ടില്ല. ഇത് പരിഹരിക്കാൻ കഠിനപ്രയത്നം നടത്തുന്നുണ്ട്. തുടർച്ചയായ നാല് എവേ മത്സരങ്ങൾ കളിച്ചത് ടീമിനെ സംബന്ധിച്ച് ബുദ്ധിമുട്ടായിരുന്നു. യാത്രകൾ ടീമിന്റെ പ്രകടനത്തെയും ബാധിച്ചു. ഹോം ഗ്രൗണ്ടിലേക്ക് തിരിച്ചെത്തുന്നതിൽ സന്തോഷമുണ്ടെന്നും കോച്ച് കൂട്ടിച്ചേർത്തു. തുടർച്ചയായ എവേ മത്സരങ്ങൾക്കുശേഷം നാട്ടിലേക്കെത്തുന്നത് കളിക്കാർക്ക് ഊർജം പകരുമെന്ന് മലയാളിതാരം വി.എസ്. ശ്രീക്കുട്ടൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.