ഹൈദരാബാദ്: ഡക്കാൻ അറീനയിൽ എതിരില്ലാത്ത രണ്ടുഗോളുകൾക്ക് ഒഡീഷയെ വീഴ്ത്തി കേരളം സന്തോഷ് ട്രോഫി ക്വാർട്ടർ ഉറപ്പിച്ചു. ഗോവയെയും മേഘാലയയെയും വീഴ്ത്തിയ കേരളത്തിന്റെ തുടർച്ചയായ മൂന്നാം ജയമാണിത്.
മത്സരത്തിന്റെ 42ാം മിനിറ്റിൽ അജ്സലിന്റെ ഗോളിലൂടെയാണ് കേരളം ആദ്യ ലീഡെടുക്കുന്നത്. ഗ്രൂപ്പിലെ കഴിഞ്ഞ രണ്ടുമത്സരങ്ങളിലും അജ്സൽ ഗോൾ നേടിയിരുന്നു. രണ്ടാം പകുതിയിലെ 53ാം മിനിറ്റിലാണ് കേരളം ലീഡ് ഇരിട്ടിയാക്കിയത്(2-0). കേരളത്തിന് വേണ്ടി സബീലാണ് രണ്ടാം ഗോൾ നേടുന്നത്.
ജയത്തോടെ ഗ്രൂപ്പ് ബിയിൽ പോയിന്റ് പട്ടികയിൽ ഒന്നാമതെത്തി. ഗ്രൂപ്പ് ഘട്ട പോരാട്ടത്തിൽ ഇനി രണ്ടു മത്സരങ്ങളാണ് കേളത്തിനുള്ളത്. ഡിസംബർ 22ന് കരുത്തരായ ഡൽഹിയേയും 24ന് തമിഴ്നാടിനെയും നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.