ചാമ്പ്യൻസ് ലീഗിൽ രണ്ട് റെക്കോഡുകൾ കൂടി സ്വന്തം പേരിലാക്കി പി.എസ്.ജി സൂപ്പർതാരം ലയണൽ മെസ്സി. മാഞ്ചസ്റ്റർ യുനൈറ്റഡ് സൂപ്പർ താരം ക്രിസ്റ്റ്യാനോ റൊണാൾഡോയെയും റയൽ മാഡ്രിഡ് സൂപ്പർ സ്ട്രൈക്കർ കരീം ബെൻസേമയെയുമാണ് അർജന്റീനക്കാരൻ മറികടന്നത്. മക്കാബി ഹൈഫക്കെതിരെ പി.എസ്.ജി ഒന്നിനെതിരെ മൂന്ന് ഗോളിന് ജയിച്ച കളിയിൽ ആദ്യ ഗോൾ മെസ്സിയുടെ വകയായിരുന്നു. ചാമ്പ്യൻസ് ലീഗിൽ ഏറ്റവും കൂടുതൽ ടീമുകൾക്കെതിരെ ഗോൾ നേടുന്ന താരമെന്ന നേട്ടമാണ് ക്രിസ്റ്റ്യാനോ റൊണാൾഡോയെ മറികടന്ന് ഇതോടെ മെസ്സി സ്വന്തം പേരിലാക്കിയത്. 39 വ്യത്യസ്ത ക്ലബുകൾക്കെതിരെയാണ് ഏഴ് തവണ ബാലൺ ഡി ഓർ ജേതാവായ താരം വലകുലുക്കിയത്. ഇതുവരെ 38 ഗോൾ നേടി റൊണാൾഡോക്കൊപ്പമായിരുന്നു മെസ്സിയുടെ സ്ഥാനം.
2005-06 സീസൺ മുതൽ തുടർച്ചയായ 18 സീസണുകളിൽ ചാമ്പ്യൻസ് ലീഗിൽ ഗോൾ നേടുന്ന ആദ്യ കളിക്കാരനായും മെസ്സി മാറി. 17 സീസണുകളിൽ ഗോളടിച്ച റയൽ മാഡ്രിഡ് സൂപ്പർ താരം കരീം ബെൻസേമയെയാണ് മറികടന്ന്. ബെൻസേമ ഇത്തവണയും ചാമ്പ്യൻസ് ലീഗിൽ ഇറങ്ങുന്നതിനാൽ ഗോളടിച്ചാൽ മെസ്സിക്കൊപ്പമെത്താൻ അവസരമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.