ലണ്ടൻ: 14 മിനിറ്റിനിടെ നോനി മഡ്യുകെ നേടിയ ഹാട്രിക് മികവിൽ ഇംഗ്ലീഷ് പ്രീമിയർ ലീഗിൽ ചെൽസിക്ക് വോൾവ്സിനെതിരെ 6-2ന്റെ തകർപ്പൻ ജയം. 49, 58, 63 മിനിറ്റുകളിലായിരുന്നു ഇംഗ്ലീഷ് വിങർ ഗോളടിച്ചുകൂട്ടിയത്.
രണ്ടാം മിനിറ്റിൽ നിക്കോളസ് ജാക്സനാണ് ചെൽസിക്ക് ആദ്യം ലീഡ് സമ്മാനിച്ചത്. 27ാം മിനിറ്റിൽ മാത്യൂസ് കുഞ്ഞ വോൾവ്സിന് വേണ്ടി തിരിച്ചടിച്ചു. (1-1). 45ാം മിനിറ്റിൽ കോൾ പാമർ ചെൽസിയുടെ ലീഡുയർത്തി. ഒന്നാം പകുതിയുടെ ഇഞ്ച്വറി സമയത്ത് വോൾവ്സിന്റെ യോർഗൻ ലാർസൻ വലകുലുക്കിയതോടെ വീണ്ടും തുല്യനിലയായി(2-2).
എന്നാൽ , രണ്ടാം പകുതിയിൽ ചെൽസി താരങ്ങൾ അഴിഞ്ഞാടി. ഒന്നിന് പുറകേ ഒന്നായി ഗോൾ പിറന്നു. നോനിയുടെ ഹാട്രികിനൊടുവിൽ 5-2 എന്ന നിലയിലായിരുന്നു നീലപ്പടയുടെ കുതിപ്പ്. 80ാം മിനിറ്റിൽ ജോവോ ഫെലിക്സ് ടീമിന്റെ ആറാം ഗോൾ നേടി. കോൾ പാമർ മൂന്ന് അസിസ്റ്റുകളുമായി വിജയത്തിൽ നിർണായക പങ്കുവഹിച്ചു. രണ്ട് കളികളിൽ ചെൽസിയുടെ ആദ്യ ജയമാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.