ഹീറോസ് ഇന്ന് കളത്തിൽ

ബം​ഗ​ളൂ​രു: പ്രൈം ​വോ​ളി​ബാ​ൾ ലീ​ഗി​ന്റെ പു​തി​യ സീ​സ​ണി​ൽ ത​ങ്ങ​ളു​ടെ ആ​ദ്യ അ​ങ്ക​ത്തി​ന് കാ​ലി​ക്ക​റ്റ് ഹീ​റോ​സ് ഇ​ന്ന് ക​ച്ച​കെ​ട്ടു​ന്നു. ബം​ഗ​ളൂ​രു കോ​റ​മം​ഗ​ല ഇ​ൻ​ഡോ​ർ സ്റ്റേ​ഡി​യ​ത്തി​ൽ ഞാ​യ​റാ​ഴ്ച വൈ​കീ​ട്ട് ന​ട​ക്കു​ന്ന മ​ത്സ​ര​ത്തി​ൽ ലീ​ഗി​ലെ ക​ന്നി​ക്കാ​രാ​യ മും​ബൈ മീ​റ്റി​യേ​സാ​ണ് എ​തി​രാ​ളി​ക​ൾ. ക​ഴി​ഞ്ഞ സീ​സ​ണി​ൽ നാ​ലാ​മ​താ​യി ഫി​നി​ഷ് ചെ​യ്ത കാ​ലി​ക്ക​റ്റ് ഹീ​റോ​സ് ഇ​ത്ത​വ​ണ ആ​രാ​ധ​ക​രു​ടെ പ്ര​തീ​ക്ഷ​ക്കൊ​ത്ത് കു​തി​ക്കാ​നു​ള്ള ഒ​രു​ക്ക​ത്തി​ലാ​ണ്.

ഇ​ന്ന​ത്തെ പോ​രാ​ട്ടം ര​ണ്ടു മ​ല​യാ​ളി പ​രി​ശീ​ല​ക​രു​ടേ​ത് കൂ​ടി​യാ​ണ്. മു​ൻ ഇ​ന്ത്യ​ൻ താ​രം കി​ഷോ​ർ കു​മാ​ർ കാ​ലി​ക്ക​റ്റി​ന്റെ​യും മു​ൻ ഇ​ന്ത്യ​ൻ പ​രി​ശീ​ല​ക​ൻ സ​ണ്ണി ജോ​സ​ഫ് മും​ബൈ​യു​ടെ​യും പ​രി​ശീ​ല​ക വേ​ഷ​ത്തി​ൽ ക​ള​ത്തി​ന് പു​റ​ത്തു​ണ്ടാ​വും. പ​രി​ച​യ​സ​മ്പ​ത്തും നേ​ട്ട​ങ്ങ​ളും ഏ​റെ കൈ​മു​ത​ലാ​യു​ള്ള സ​ണ്ണി ജോ​സ​ഫ്, കി​ഷോ​ർ കു​മാ​റി​ന്റെ മു​ൻ പ​രി​ശീ​ല​ക​ൻ കൂ​ടി​യാ​ണെ​ന്ന പ്ര​ത്യേ​ക​ത​യു​മു​ണ്ട്.

അ​മേ​രി​ക്ക​ൻ വെ​റ്റ​റ​ൻ താ​ര​മാ​യ മാ​റ്റ് ഹി​ല്ലി​ങ്ങാ​ണ് കാ​ലി​ക്ക​റ്റ് ഹീ​റോ​സ് നാ​യ​ക​ൻ. പ്രൈം ​വോ​ളി​ബാ​ള്‍ ലീ​ഗി​ല്‍ ത​ന്റെ ആ​ദ്യ സീ​സ​ണ്‍ ക​ളി​ക്കു​ന്ന താ​രം, ടീ​മി​ന്റെ ത​യാ​റെ​ടു​പ്പി​ലും മൊ​ത്ത​ത്തി​ലു​ള്ള അ​നു​ഭ​വ​ത്തി​ലും പൂ​ര്‍ണ സം​തൃ​പ്തി പ​ങ്കു​വെ​ച്ചു. ഇ​ന്ത്യ​യി​ലെ വോ​ളി ലീ​ഗ് വി​സ്മ​യി​പ്പി​ക്കു​ന്ന അ​നു​ഭ​വ​മാ​ണെ​ന്ന് അ​ദ്ദേ​ഹം പ​റ​ഞ്ഞു.

ജ​നു​വ​രി 15 മു​ത​ല്‍ ഞ​ങ്ങ​ള്‍ ഒ​രു ടീ​മാ​യി ക​ഠി​ന പ​രി​ശീ​ല​ന​ത്തി​ലാ​ണ്. അ​ത് പ്ര​ക​ട​ന​ത്തി​ലും പ്ര​തി​ഫ​ലി​പ്പി​ക്കാ​നാ​വു​മെ​ന്ന് പ്ര​തീ​ക്ഷി​ക്കു​ന്നു. മും​ബൈ​ക്കെ​തി​രെ ക​ടു​ത്ത മ​ത്സ​ര​മാ​ണ് പ്ര​തീ​ക്ഷി​ക്കു​ന്ന​തെ​ന്നും ഹി​ല്ലി​ങ് വ്യ​ക്ത​മാ​ക്കി.

പ​രി​ച​യ​സ​മ്പ​ന്ന​രും യു​വ​ത്വ​വു​മ​ട​ങ്ങു​ന്ന മി​ശ്ര ടീ​മാ​ണ് കാ​ലി​ക്ക​റ്റി​ന്റേ​തെ​ന്ന് പ​രി​ശീ​ല​ക​ൻ കി​ഷോ​ർ കു​മാ​ർ പ​റ​ഞ്ഞു. ഇ​ത്ത​വ​ണ എ​ല്ലാ ടീ​മും ഏ​റ​ക്കു​റെ തു​ല്യ​രാ​ണ്. അ​തി​നാ​ൽ ക​ടു​ത്ത പോ​രാ​ട്ട​ങ്ങ​ൾ പ്ര​തീ​ക്ഷി​ക്കാം. ലീ​ഗി​ൽ മ​ല​യാ​ളി താ​ര​ങ്ങ​ളു​ടെ​യും പ​രി​ശീ​ല​ക​രു​ടെ​യും എ​ണ്ണം കൂ​ടു​ന്ന​ത് കേ​ര​ള​ത്തി​ന് ശു​ഭ​ല​ക്ഷ​ണ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ആ​ദ്യ മ​ത്സ​ര​ത്തി​നാ​യി ടീം ​ആ​വേ​ശ​ത്തി​ലാ​ണെ​ന്ന് മും​ബൈ മീ​റ്റി​യേ​സ് ക്യാ​പ്റ്റ​ന്‍ കാ​ര്‍ത്തി​ക് പ​റ​ഞ്ഞു. ന​ല്ല ആ​ത്മ​വി​ശ്വാ​സം തോ​ന്നു​ന്നു​ണ്ട്. സ്‌​റ്റേ​ഡി​യ​ത്തി​ല്‍ ആ​രാ​ധ​ക​രു​ടെ സാ​ന്നി​ധ്യം ടീ​മി​ന് കൂ​ടു​ത​ല്‍ ഊ​ര്‍ജം പ​ക​രു​മെ​ന്നും അ​ദ്ദേ​ഹം പ​റ​ഞ്ഞു.

മു​ഖ്യ​പ​രി​ശീ​ല​ക​ന്‍ സ​ണ്ണി ജോ​സ​ഫി​നെ അ​ഭി​ന​ന്ദി​ച്ച കാ​ര്‍ത്തി​ക്, ലീ​ഗ് മ​ത്സ​ര​ങ്ങ​ള്‍ക്കാ​യു​ള്ള ത​യാ​റെ​ടു​പ്പി​ല്‍ കോ​ച്ചി​ന്റെ സാ​ന്നി​ധ്യം ടീം ​ക്യാ​മ്പി​ന് ഏ​റെ ഗു​ണ​ക​ര​മാ​യെ​ന്ന് വ്യ​ക്ത​മാ​ക്കി. സ​ണ്ണി​ക്ക് കീ​ഴി​ലു​ള്ള പ​രി​ശീ​ല​നം വ്യ​ത്യ​സ്ത​മാ​യ അ​നു​ഭ​വ​മാ​ണെ​ന്നും ത​ങ്ങ​ളു​ടെ ക​ഴി​വു​ക​ളി​ല്‍ അ​ദ്ദേ​ഹ​ത്തി​ന് ആ​ത്മ​വി​ശ്വാ​സ​മു​ണ്ടെ​ന്നും അ​തു​പാ​ലി​ക്കാ​ൻ ശ്ര​മി​ക്കു​മെ​ന്നും മും​ബൈ ക്യാ​പ്റ്റ​ൻ കൂ​ട്ടി​ച്ചേ​ർ​ത്തു.