പാരിസ്: പുരുഷ ബാഡ്മിന്‍റണിൽ ഇന്ത്യയുടെ ലക്ഷ്യ സെന്നും ഡെൻമാർക്കിന്‍റെ വിക്റ്റർ അക്സെൽസനും തമ്മിൽ മികച്ച പോരാട്ടം. ആദ്യ സെറ്റ് അവസാനിക്കുമ്പോൾ ലക്ഷ്യ സെന്നിന്‍റെ 20 പോയന്റിനെതിരെ 22 പോയന്റുമായി അക്സെൽസൻ മുന്നിട്ട് നിൽക്കുന്നു. മികച്ച കോൺഫിഡെൻസോടെ മത്സരിച്ച ലക്ഷ്യ സെന്നിന് അവസാന നിമിഷം താളം നഷ്ടപ്പെടുകയായിരുന്നു.
തുടക്കം തൊട്ട് തീപാറിയ മത്സരത്തിൽ ഇരുവരും കട്ടക്ക് നിൽക്കുകയാണ്. സ്മാഷിന് സ്മാഷ് കൊണ്ട് തന്നെ നേരിടാനാണ് ഇന്ത്യയുടെ ലക്ഷ്യ സെന്നിന്‍റെയും ഡെൻമാർക്കിന്‍റെ വിക്റ്റർ അക്സെൽസന്‍റെയും തീരുമാനം. ഇരുവരുടെയും മികച്ച പ്രകടനത്തോടൊപ്പം കാണികളും ഒരുമിക്കുന്നുണ്ട്. ലക്ഷ്യ സെന്നിനും ഇന്ത്യക്കും ആർപ്പ് വിളിച്ച് ഒരുപാട് ആരാധകർ മത്സരം കാണാനെത്തിയിട്ടുണ്ട്. അപ്പുറെ ഡെൻമാർക്ക് ആരാധകരും കട്ടക്ക് കട്ടക്കുണ്ട്. ആവേശകരമായ മത്സരം രണ്ടാം സെറ്റിലേക്ക് നീങ്ങുകയാണ്. ഇന്ത്യക്ക് വേണ്ടി ആദ്യമായാണ് പുരുഷ ബാഡ്മിന്‍റണിൽ ഒരു താരം സെമിഫൈനൽ കളിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.