പാരിസ്: സൂപ്പർ താരം മണിക ബത്രയുടെ മികവിൽ ഒളിമ്പിക്സിൽ വനിതകളുടെ ടേബ്ൾ ടെന്നിസിൽ ഇന്ത്യ ക്വാർട്ടർ ഫൈനലിൽ. നാലാം സീഡായ റുമാനിയയെയാണ് ഇന്ത്യൻ പെൺകൊടികൾ 3-2ന് കീഴടക്കിയത്. 2-0ന് ഇന്ത്യ മുന്നിലെത്തിയശേഷം 2-2ന് സെറ്റ് സമനിലയിലായി.
ഒടുവിൽ അവസാന സെറ്റിൽ അദിന ഡികോനുവിനെ കീഴടക്കിയ മണിക ചരിത്രവിജയം സമ്മാനിച്ചു. സ്കോർ: 11-5, 11-9, 11-9. കളിച്ച രണ്ട് സിംഗിൾസും മണിക ജയിച്ചു. യു.എസ്.എയോ ജർമനിയോ ആകും ക്വാർട്ടറിലെ എതിരാളികൾ.
ശ്രീജ അകുലയും അർച്ചന കാമത്തും ആദ്യ സെറ്റിൽ അദിന- എലിസബത്ത സമാറ സഖ്യത്തെ തോൽപിച്ച് 1-0ന് മുന്നിലെത്തിച്ചു. സ്കോർ: 11-9, 12-10, 11-7. സിംഗിൾസിൽ മണികയുടെ ഊഴമായിരുന്നു അടുത്തത്. ഉയർന്ന റാങ്കുള്ള ബെർണാഡറ്റെ സോക്സിനെ മണിക തകർത്തു (11-5, 11-7, 11-7). എന്നാൽ, അടുത്ത സിംഗിൾസിൽ പണിപാളി. യൂറോപ്യൻ ചാമ്പ്യനായ സമാറയോട് ആദ്യ ഗെയം നേടിയശേഷം ശ്രീജ തോറ്റു. (11-8, 4-11, 11-7, 6-11, 8-11). അർച്ചനയെ ബെർനാഡറ്റെയും തോൽപിച്ചു. 5-11, 11-8, 7-11, 9-11). ഇതോടെ മത്സരം 2-2 എന്ന നിലയിലായി. പിന്നീടാണ് നിർണായകമായ അഞ്ചാം സെറ്റിൽ മണിക വിജയം സമ്മാനിച്ച് ക്വാർട്ടറിലേക്ക് ടിക്കറ്റുറപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.