ടെ​ന്നി​സി​ലെ പൊ​ന്നു തേ​ടി വ​മ്പ​ന്മാ​ർ റൊ​ളാ​ങ് ഗാ​രോ​സിൽ

പാ​രി​സ്: ഗ്ലാ​മ​ർ പോ​രാ​ട്ട​വേ​ദി​ക​ൾ പ​ല​തു​ക​ട​ന്ന് പാ​രി​സി​ലെ ഒ​ളി​മ്പി​ക് ക​ളി​മു​റ്റ​ത്ത് മെ​ഡ​ലു​ക​ൾ തേ​ടി റാ​ക്ക​റ്റേ​ന്തു​ന്ന​ത് പ്ര​മു​ഖ​ർ. പു​രു​ഷ, വ​നി​ത സിം​ഗ്ൾ​സ്, ഡ​ബ്ൾ​സ് ഇ​ന​ങ്ങ​ൾ​ക്ക് പു​റ​മെ അ​ഞ്ചാ​മ​തൊ​രി​ന​മാ​യി മി​ക്സ​ഡ് ഡ​ബ്ൾ​സി​ലും മെ​ഡ​ൽ തേ​ടി​യാ​കും ലോ​കം മു​ഴു​ക്കെ ആ​രാ​ധ​ക​ർ ക​ൺ​പാ​ർ​ത്തു​നി​ൽ​ക്കു​ന്ന താ​ര​പ്പ​ട ഇ​റ​ങ്ങു​ക. ഫ്ര​ഞ്ച് ഓ​പ​ൺ വേ​ദി​യാ​യ റൊ​ളാ​ങ് ഗാ​രോ​സിലാ​കും മ​ത്സ​ര​ങ്ങ​ൾ.

ക​ന്നി ഒ​ളി​മ്പി​ക്സി​നെ​ത്തു​ന്ന കാ​ർ​ലോ​സ് അ​ൽ​കാ​ര​സ് എ​ന്ന യു​വ​നാ​യ​ക​ൻ ത​ന്നെ​യാ​ണ് പു​രു​ഷ​ന്മാ​രി​ൽ കി​രീ​ട സാ​ധ്യ​ത ക​ൽ​പി​ക്ക​പ്പെ​ടു​ന്ന​വ​രി​ൽ മു​ന്നി​ൽ. ഫ്ര​ഞ്ച് ഓ​പ​ണി​ലും തൊ​ട്ടു​പി​റ​കെ വിം​ബ്ൾ​ഡ​ണി​ലും കി​രീ​ട​വു​മാ​യി ഇ​തി​ന​കം നാ​ല് ഗ്രാ​ൻ​ഡ് സ്ലാ​മു​ക​ൾ സ്വ​ന്ത​മാ​ക്കി കു​തി​ക്കു​ന്ന 21കാ​ര​ൻ സ്​​പെ​യി​നി​ന് ടെ​ന്നി​സി​ൽ സ്വ​ർ​ണം ഉ​റ​പ്പാ​ക്കു​മെ​ന്ന പ്ര​തീ​ക്ഷ​യി​ലാ​ണ്. വിം​ബ്ൾ​ഡ​ൺ ഫൈ​ന​ലി​ൽ അ​ൽ​കാ​ര​സി​നെ​തി​രെ പ്രാ​യ​ത്തി​ന്റെ മി​ന്ന​ലാ​ട്ട​വു​മാ​യി ത​ള​ർ​ച്ച കാ​ണി​ച്ച സെ​ർ​ബി​യ​ൻ വെ​റ്റ​റ​ൻ താ​രം നൊ​വാ​ക് ദ്യോ​കോ​വി​ച്ചാ​ണ് പ​​ങ്കെ​ടു​ക്കു​ന്ന മ​റ്റൊ​രു പ്ര​മു​ഖ​ൻ. ഏ​റ്റ​വും കൂ​ടു​ത​ൽ ഗ്രാ​ൻ​ഡ് സ്ലാ​മു​ക​ളു​ടെ റെ​ക്കോ​ഡ് ത​നി​ക്ക് കൂ​ടി​യാ​ക്കി​യി​ട്ടും ഒ​ളി​മ്പി​ക്സി​ൽ താ​ര​ത്തി​ന് സ്വ​ർ​ണം പി​ടി​ക്കാ​നാ​യി​ട്ടി​ല്ല. അ​ടു​ത്തി​ടെ പ​രി​ക്കി​ന്റെ പി​ടി​യി​ൽ​നി​ന്ന് തി​രി​ച്ചു​വ​ന്ന 38കാ​ര​നാ​യ സ്പാ​നി​ഷ് താ​രം റാ​ഫേ​ൽ ന​ദാ​ൽ മൂ​ന്നാം സ്വ​ർ​ണം തേ​ടി​യെ​ത്തു​ന്നു​ണ്ട്. 2008ൽ ​സിം​ഗ്ൾ​സി​ലും 2016ൽ ​ഡ​ബ്ൾ​സി​ലും സ്വ​ർ​ണം നേ​ടി​യ താ​രം 2012, 2020 ഒ​ളി​മ്പി​ക്സു​ക​ളി​ൽ പ​രി​ക്കി​നെ തു​ട​ർ​ന്ന് ഇ​റ​ങ്ങി​യി​രു​ന്നി​ല്ല.

ഇ​ഗ സ്വി​യാ​റ്റെ​ക്, കൊ​കോ ഗോ​ഫ്, എ​ലീ​ന റി​ബാ​കി​ന, ജാ​നി​ക് സി​ന്ന​ർ തു​ട​ങ്ങി​യ​വ​ർ​ക്കൊ​പ്പം ഇ​ന്ത്യ​യി​ൽ​നി​ന്ന് സിം​ഗ്ൾ​സി​ൽ സു​മി​ത് ന​ഗ​ലും ഡ​ബ്ൾ​സി​ൽ രോ​ഹ​ൻ ബൊ​പ്പ​ണ്ണ- ശ്രീ​റാം ബാ​ലാ​ജി കൂ​ട്ടു​കെ​ട്ടും മെ​ഡ​ൽ പ്ര​തീ​ക്ഷ സൂ​ക്ഷി​ക്കു​ന്ന​വ​രാ​ണ്. ഹീ​ബ്രോ​ൺ ച​ല​ഞ്ച​ർ കി​രീ​ടം നേ​ടി​യും മ​റ്റൊ​രു ച​ല​ഞ്ച​ർ മ​ത്സ​ര​ത്തി​ൽ ഫൈ​ന​ൽ ക​ളി​ച്ചും തു​ട​ർ​ച്ച​യാ​യി ര​ണ്ടാം ത​വ​ണ​യാ​ണ് സു​മി​ത് ഒ​ളി​മ്പി​ക്സ് ക​ളി​ക്കു​ന്ന​ത്. 1996ലെ ​അ​റ്റ്ലാ​ന്റ ഒ​ളി​മ്പി​ക്സി​ൽ ലി​യാ​ണ്ട​ർ പേ​സ് ഇ​ന്ത്യ​ക്കാ​യി ടെ​ന്നി​സി​ൽ വെ​ങ്ക​ലം നേ​ടി​യ​താ​ണ് ഈ​യി​ന​ത്തി​ൽ രാ​ജ്യം ഇ​തു​വ​രെ കു​റി​ച്ച നേ​ട്ടം. ജ​ർ​മ​ൻ താ​രം അ​ല​ക്സാ​ണ്ട​ർ സ്വ​രേ​വ് (പു​രു​ഷ സിം​ഗ്ൾ​സ്), സ്വി​റ്റ്സ​ർ​ല​ൻ​ഡി​ന്റെ ബെ​ലി​ൻ​ഡ ബെ​ൻ​സി​ച് (വ​നി​ത സിം​ഗ്ൾ​സ്), ക്രൊ​യേ​ഷ്യ​ൻ ജോ​ടി​ക​ളാ​യ നി​കൊ​ളാ മെ​ക്റ്റി​ച്- മേ​റ്റ് പാ​വി​ച് (പു​രു​ഷ ഡ​ബ്ൾ​സ്), ചെ​ക്ക് റി​​പ്പ​ബ്ലി​ക്കി​ൽ​നി​ന്നെ​ത്തു​ന്ന ബാ​ർ​ബ​റ ക്ര​ജ​സി​ക്കോ​വ- കാ​ത​റി​ന സി​നി​യ​കോ​വ (വ​നി​ത ഡ​ബ്ൾ​സ്), റ​ഷ്യ​ൻ ഒ​ളി​മ്പി​ക് ക​മ്മി​റ്റി​ക്ക് കീ​ഴി​ൽ മാ​റ്റു​ര​ച്ച അ​ന​സ്താ​സ്യ പാ​വ്‍ലി​യു​ചെ​ൻ​കോ​വ- ആ​ൻ​ഡ്രി റു​ബ​ലേ​വ് (മി​ക്സ​ഡ് ഡ​ബ്ൾ​സ്) എ​ന്നി​വ​രാ​ണ് നി​ല​വി​ലെ ചാ​മ്പ്യ​ന്മാ​ർ.