ജർമൻ മതിൽ കടന്നാൽ വെള്ളി

പാ​രി​സ്: ടോ​ക്യോ​യി​ൽ നേ​ടി​യ വെ​ങ്ക​ല ബ​ഹു​മ​തി മെ​ച്ച​പ്പെ​ടു​ത്താ​ൻ ഇ​ന്ത്യ​യു​ടെ ഹോ​ക്കി ടീ​മി​ന് മു​ന്നി​ലു​ള്ള​ത് ലോ​ക​ജേ​താ​ക്ക​ളാ​യ ജ​ർ​മ​നി​യാ​ണ്. സെ​മി ജ​യി​ച്ചാ​ൽ വെ​ള്ളി ഉ​റ​പ്പി​ക്കാം. 1960ൽ ​റോ​മി​ലാ​ണ് അ​വ​സാ​ന​മാ​യി ഇ​ന്ത്യ പു​രു​ഷ ഹോ​ക്കി​യി​ൽ വെ​ള്ളി നേ​ടി​യ​ത്. 1980ൽ ​മോ​സ്കോ​യി​ൽ നേ​ടി​യ സ്വ​ർ​ണം വീ​ണ്ടും സ്വ​ന്ത​മാ​ക്കാ​നും അ​വ​സ​ര​മൊ​രു​ങ്ങും. ബ്രി​ട്ട​നെ​തി​​രെ ക്വാ​ർ​ട്ട​റി​ൽ പു​റ​ത്തെ​ടു​ത്ത പ്ര​ക​ട​നം ടീ​മി​ന് പ്ര​തീ​ക്ഷ​യേ​കു​ന്ന​താ​ണ്. മ​ല​യാ​ളി താ​രം പി.​ആ​ർ. ശ്രീ​ജേ​ഷി​ന്റെ മി​ക​വും പ​ത്തു​പേ​രാ​യി ചു​രു​ങ്ങി​യി​ട്ടും പു​റ​ത്തെ​ടു​ത്ത പോ​രാ​ട്ട വീ​ര്യ​വു​മാ​ണ് ബ്രി​ട്ട​നെ​തി​​രെ ജ​യ​മു​റ​പ്പി​ച്ച​ത്. നി​ശ്ചി​ത​സ​മ​യ​ത്ത് 1-1ന് ​സ​മ​നി​ല​യി​ലാ​യി​രു​ന്ന മ​ത്സ​രം ഷൂ​ട്ടൗ​ട്ടി​ൽ 4-2നാ​ണ് ഹ​ർ​മ​ൻ​പ്രീ​തും സം​ഘ​വും കൈ​യി​ലാ​ക്കി​യ​ത്. ഷൂ​ട്ടൗ​ട്ടി​ലെ ര​ണ്ടെ​ണ്ണ​മ​ട​ക്കം 12 ത​ക​ർ​പ്പ​ൻ സേ​വു​ക​ളാ​ണ് ശ്രീ​ജേ​ഷ് ന​ട​ത്തി​യ​ത്. പ​ത്ത് പെ​നാ​ൽ​റ്റി കോ​ർ​ണ​റു​ക​ളു​ടെ മു​ന​യൊ​ടി​ക്കാ​നു​മാ​യി. ആ​ക്ര​മ​ണ​ത്തി​ൽ മി​ക​വേ​റി​യ ജ​ർ​മ​നി​ക്കെ​തി​രെ നി​ർ​ണാ​യ​ക​മാ​വു​ക മ​ല​യാ​ളി താ​ര​ത്തി​ന്റെ പ്ര​ക​ട​ന​മാ​കും. ഒ​രു ക​ളി​ക്കാ​ര​ൻ കു​റ​ഞ്ഞി​ട്ടും ഇ​ത്ര​യും മ​നോ​ഹ​ര​മാ​യി സ്റ്റി​ക് പാ​യി​ച്ച ച​രി​ത്രം ഇ​ന്ത്യ​ൻ ടീ​മി​ന് അ​ടു​ത്ത​കാ​ല​ത്തു​ണ്ടാ​യി​ട്ടി​ല്ല. പാ​രി​സി​ൽ ഫൈ​ന​ൽ ക​ളി​ച്ച് ക​രി​യ​റി​നോ​ട് വി​ട​പ​റ​യു​ക​യെ​ന്ന അ​സു​ല​ഭ​​മു​ഹൂ​ർ​ത്ത​മാ​ണ് ഇ​ന്ന് ജ​യി​ച്ചാ​ൽ ശ്രീ​ജേ​ഷി​നെ കാ​ത്തി​രി​ക്കു​ന്ന​ത്. ക​ഴി​ഞ്ഞ ത​വ​ണ ടോ​ക്യോ​യി​ൽ ജ​ർ​മ​നി​യെ 5-4ന് ​തോ​ൽ​പി​ച്ച​പ്പോ​ൾ നി​ർ​ണാ​യ​ക​മാ​യ​ത് അ​വ​സാ​ന സെ​ക്ക​ൻ​ഡി​ൽ ശ്രീ​ജേ​ഷി​ന്റെ സേ​വാ​യി​രു​ന്നു. ഫൈ​ന​ലി​നു​ശേ​ഷം ക്യാ​പ്റ്റ​ൻ ഹ​ർ​മ​ൻ​പ്രീ​തും വി​ര​മി​ക്ക​ൽ ​പ്ര​ഖ്യാ​പി​ച്ചേ​ക്കും.

ക​​ഴി​ഞ്ഞ ദി​വ​സം ചു​വ​പ്പു​കാ​ർ​ഡ് കി​ട്ടി​യ അ​മി​ത് രോ​ഹി​ദാ​സി​ന് ഒ​രു ക​ളി​യി​ലാ​ണ് സ​സ്​​പെ​ൻ​ഷ​ൻ. ഹ​ർ​മ​ൻ​പ്രീ​ത് ക​ഴി​ഞ്ഞാ​ൽ പെ​നാ​ൽ​റ്റി കോ​ർ​ണ​റി​ൽ വി​ദ​ഗ്ധ​നാ​യി​രു​ന്ന രോ​ഹി​ദാ​സി​ന്റെ അ​ഭാ​വം ഇ​ന്ത്യ​ക്ക് ആ​ശ​ങ്ക​യാ​ണ്. ഇ​ക്കാ​ര്യം ക്യാ​പ്റ്റ​നും സ​മ്മ​തി​ക്കു​ന്നു​ണ്ട്.

ലോ​ക​റാ​ങ്കി​ങ്ങി​ൽ നാ​ലാ​മ​തു​ള്ള ജ​ർ​മ​നി അ​ർ​ജ​ന്റീ​ന​യെ 3-2ന് ​തോ​ൽ​പി​ച്ചാ​ണ് ഫൈ​ന​ലി​ലെ​ത്തി​യ​ത്. പാ​രി​സി​ലേ​ക്ക് വ​രു​ന്ന​തി​നു​മു​മ്പ് ജ​ർ​മ​നി​യി​ലാ​ണ് ഇ​ന്ത്യ പ​രി​ശീ​ലി​ച്ച​ത്. വി​വി​ധ ടീ​മു​ക​ൾ​ക്കെ​തി​രെ ആ​റ് സ​ന്നാ​ഹ മ​ത്സ​രം ക​ളി​ച്ച​തി​ൽ അ​ഞ്ചി​ലും ഹ​ർ​മ​ൻ​പ്രീ​തും കൂ​ട്ട​രും ജ​യി​ച്ചി​രു​ന്നു. ക​ഴി​ഞ്ഞ ജൂ​ണി​ൽ ല​ണ്ട​നി​ൽ ന​ട​ന്ന പ്രോ​ലീ​ഗി​ൽ ഒ​ന്നാം പാ​ദ​ത്തി​ൽ 3-0ന് ​ഇ​ന്ത്യ ജ​യി​ച്ചു.

ര​ണ്ടാം പാ​ദ​ത്തി​ൽ 2-3ന് ​തോ​റ്റു. ജ​ർ​മ​നി​യെ ഫൈ​ന​ലി​ൽ നേ​രി​ട​ണ​മെ​ന്നാ​യി​രു​ന്നു ആ​ഗ്ര​ഹ​മെ​ന്ന് ഹ​ർ​മ​ൻ​പ്രീ​ത് പ​റ​യു​ന്ന​തി​ൽ എ​തി​രാ​ളി​ക​ളു​ടെ ക​രു​ത്ത് വ്യ​ക്ത​മാ​കും. ഇ​ന്ത്യ​ൻ സ​മ​യം രാ​ത്രി 10.30നാ​ണ് മ​ത്സ​രം. ര​ണ്ടാം സെ​മി​യി​ൽ നെ​ത​ർ​ല​ൻ​ഡ്സും സ്​​പെ​യി​നും ഏ​റ്റു​മു​ട്ടും.