ന്യൂയോർക്ക്:അമേരിക്കൻ താരം സെറീന വില്യംസിന് ടെന്നീസിൽ ലോക റെക്കോർഡ്. ഗ്രാൻസ്ലാം ടൂർണമെൻറിൽ ഏറ്റവും കൂടുതൽ വിജയങ്ങൾ നേടുന്ന വനിത താരമെന്ന റെക്കോർഡാണ് സെറീന സ്വന്തമാക്കിയത്. കരിയറിലെ 307ാം വിജയമാണ് സെറീന സ്വന്തമാക്കിയത്. ചെക്ക് റിപ്പബ്ലിക്ക് താരം മാർട്ടിന നവരത്തിലോവയുടെ റെക്കോർഡാണ് സെറീന മറികടന്നത്. സ്വപ്ന നേട്ടം കൈവരിക്കാൻ സാധിച്ചതിൽ സെറീന ആഹ്ലാദം പ്രകടിപ്പിച്ചു. ലോക ഒന്നാം നമ്പര്‍ താരമായ സെറീന യു.എസ് ഓപ്പണില്‍ സ്വീഡന്റെ ജോഹന ലാര്‍സണെ നേരിട്ടുള്ള സെറ്റുകള്‍ക്ക് (6-2, 6-1) തകര്‍ത്താണ് ലോക റെക്കോഡ് നേടിയത്.
1995 ല്‍ തെൻറ 14-ാം വയസിലാണ് പ്രൊഫഷണല്‍ ടെന്നീസിന് സെറീന തുടക്കം കുറിച്ചത്. 1999 ലാണ് സെറീന ആദ്യ ഗ്രാന്‍ഡ് സ്ലാം കിരീടം നേടിയത്. 17 വര്‍ഷം നീണ്ട കരിയറില്‍ 22 ഗ്രാന്‍ഡ് സ്ലാം കിരീടങ്ങളും ആറ് യു.എസ് ഓപ്പണ്‍ കിരീടവും സെറീന നേടിയിട്ടുണ്ട്. ഈ വിജയത്തോടെ യു.എസ് ഓപ്പണിെൻറ നാലാം റൗണ്ടിലേക്ക് സെറീന പ്രവേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.