ഗോൾഡ്കോസ്റ്റ്: കോമൺവെൽത്ത് ഗെയിംസിൽ ഇന്ത്യയുടെ ബാഡ്മിന്റൺ താരം കിഡംബി ശ്രീകാന്തിന് വെള്ളി. മലേഷ്യയുടെ മുൻ ലോക ഒന്നാം നമ്പർ താരം ലീ ചോങ് വെയ്ക്കാണ് സ്വർണം. രാജീവ് ഒൗസേഫിനാണ് വെങ്കലം മെഡൽ. പുരുഷന്മാരിൽ ലോക ഒന്നാം നമ്പറാണ് ശ്രീകാന്ത്. പുരുഷ സിംഗ്ൾസിൽ കിഡംബി ശ്രീകാന്ത് ഇംഗ്ലണ്ടിന്‍റെ മലയാളി താരമായ രാജീവ് ഒൗസേഫിനെ തോൽപിച്ചാണ് ഫൈനലിൽ പ്രവേശിച്ചത്. വെങ്കല മെഡലിനായി മത്സരിച്ച പ്രണോയ് രാജീവ് ഒൗസേഫിനു മുന്നിൽ 2-1ന് തോറ്റു.
പുരുഷ ഡബ്ൾസിൽ സാത്വിക് സായ് രാജ് റെഡ്ഡി-ചിരാഗ് ചന്ദ്രശേഖർ വെള്ളി നേടി. ഇംഗ്ലണ്ടിന്‍റെ മാർക്കസ് എലിസ്- ക്രിസ് ലാൻഗ്രിഡ്ജ് സംഖ്യമാണ് സ്വർണം നേടിയത്. വനിതാ ഡബ്ൾസിൽ അശ്വനി പൊന്നപ്പ-സിഖി റെഡ്ഡി സഖ്യം വെങ്കലം നേടി.
വനിതാ സ്‌ക്വാഷ് ഡബിള്‍സിൽ ഇന്ത്യയുടെ ദീപിക പള്ളിക്കല്‍-ജോഷ്‌ന ചിന്നപ്പ സഖ്യം വെള്ളി നേടി. ന്യൂസിലന്‍ഡ് താരങ്ങളായ ജോയെല്‍ കിങ് -അമാന്‍ഡ ലാന്‍ഡേഴ്‌സ് മര്‍ഫി സഖ്യമാണ് സ്വർണം നേടിയത്. സ്‌കോര്‍: 11-9, 11-8.
ടേബിള്‍ ടെന്നീസ് പുരുഷ സിംഗ്ള്‍സിലും മിക്‌സഡ് ഡബ്ള്‍സിലും ഇന്ത്യ വെങ്കലം നേടി. പുരുഷ സിംഗ്ള്‍സില്‍ ശരത് അജന്തയും മിക്‌സഡ് ഡബ്ള്‍സിലും ശരത് അജന്ത-മൗമ ദാസ് സഖ്യവും വെങ്കലം നേടി.
ഇതുവരെ 26 സ്വർണവും 19 വെള്ളിയും 20 വെങ്കലവും ഉൾപ്പെടെ ഇന്ത്യക്ക് 65 മെഡലുകൾ നേടിയിട്ടുണ്ട്. 195 പോയിന്‍റുമായി ആസ്ട്രേലിയ ഒന്നാം സ്ഥാനത്തും 130 പോയിന്‍റുമായി ഇംഗ്ലണ്ട് രണ്ടാം സ്ഥാനത്തുമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.