ബാേങ്കാക്: രണ്ടു മാസത്തെ ഇടവേളക്കുശേഷം ബാഡ്മിൻറൺ കോർട്ടിൽ തിരിച്ചെത്തിയ ൈസന നെഹ്വാൾ തായ്ലൻഡ് ഒാപണിെൻറ രണ്ടാം റൗണ്ടിൽ തോറ്റ് പുറത്തായി. ജപ്പാെൻറ സയാക തകഹാഷിയാണ് ഏഴാം സീഡായ സൈനയെ എളുപ്പം പറഞ്ഞയച്ചത്.
ആദ്യ ഗെയിം സ്വന്തമാക്കിയ സൈന തുടര്‍ന്നുള്ള രണ്ട് ഗെയിമുകൾ തോറ്റ് 21-16, 11-21, 14-21 എന്ന സ്കോറിന് മത്സരം കൈവിടുകയായിരുന്നു. ഇന്ത്യക്ക് മറ്റൊരു ഷോക്കായി കിഡംബി ശ്രീകാന്തും ക്വാർട്ടർ കാണാതെ പുറത്തായി.
ആതിഥേയ താരം ഖോസിത് ഫെട്പ്രതാപിനോട് സമാനമായ രീതിയിലായിരുന്നു ശ്രീകാന്തിെൻറയും പരാജയം. ആദ്യ ഗെയിം 21-11ന ് സ്വന്തമാക്കിയ ശ്രീകാന്ത് രണ്ടും മൂന്നും ഗെയിമുകൾ 16-21, 12-21ന് അടിയറവ് പറഞ്ഞു. മത്സരം ഒരുമണിക്കൂറും മൂന്ന് മിനിറ്റും നീണ്ടുനിന്നു. ഇന്ത്യയുടെ ശുഭാങ്കർ ഡേയെ 21-18 21-19ന് പരാജയപ്പെടുത്തി ബി. സായ്പ്രണീത് ക്വാർട്ടറിലെത്തി. മുന്നാം സീഡായ ചൈനീസ് തായ്പെയുടെ ചൗ ടിയൻ ചെനിന് വെല്ലുവിളി ഉയർത്താൻ ഇന്ത്യൻ താരം പി. കശ്യപിനായില്ല ( 9-21 14-21).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.