ഒാക്ലൻഡ്: മലയാളി താരം എച്ച്.എസ്. പ്രണോയിക്ക് ന്യൂസിലൻഡ് ഒാപൺ ബാഡ്മിൻറൺ ടൂർണമെൻറിൽ അട്ടിമറി വിജയം. സീഡ് ചെയ്യപ്പെടാത്ത ഇന്ത്യൻതാരം നേരിട്ടുള്ള സെറ്റുകളിൽ രണ്ടാം സീഡായ ഇന്തോനേഷ്യയുടെ ടോമി സുഗിയാർത്തോയെ തകർത്താണ് ക്വാർട്ടർ ഫൈനലിലേക്ക് മുന്നേറിയത്. സ്കോർ: 21-14, 21-12. ലോക 13ാം നമ്പർ താരത്തിന് ഒരു അവസരവും നൽകാതെയായിരുന്നു 26ാം റാങ്കുകാരനായ പ്രണോയിയുടെ ജയം. ക്വാർട്ടറിൽ അഞ്ചാം സീഡായ ജപ്പാെൻറ കാൻറ സുനെയാമയാണ് പ്രണോയിയുടെ എതിരാളി.
അതേസമയം, മറ്റ് ഇന്ത്യൻ താരങ്ങളായ സൈന നെഹ്വാൾ ആദ്യ റൗണ്ടിലും സായ് പ്രണീത് രണ്ടാം റൗണ്ടിലും തോറ്റു പുറത്തായി. ലോക ഒമ്പതാം നമ്പർ താരമായ സൈന 212ാം റാങ്കിലുള്ള ചൈനയുടെ വാങ് ഷിയിയോടാണ് 16-21, 23-21, 4-21ന് തോറ്റത്. 20ാം റാങ്കുകാരനായ പ്രണീത് 12-21 12-21ന് 12ാം റാങ്കുകാരനായ ഇതിഹാസതാരം ലിൻ ഡാനിനോടാണ് കീഴടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.