ഹരാരെ: യുവനിരയുമായി എം.എസ്. ധോണിയുടെ കീഴില്‍ ഇന്ത്യ ശനിയാഴ്ച സിംബാബ്വേക്കെതിരായ ഏകദിന പരമ്പരയിലെ ആദ്യ മത്സരത്തിനിറങ്ങും. ഇന്ത്യന്‍ സമയം ഉച്ചക്ക് 12.30ന് ഹരാരെയിലാണ് മത്സരം. പ്രമുഖ താരങ്ങള്‍ക്കെല്ലാം വിശ്രമം നല്‍കിയ ഇന്ത്യ കരുണ്‍ നായര്‍ അടക്കമള്ള യുവനിരയുമായാണ് ആഫ്രിക്കന്‍ നാട്ടിലേക്ക് എത്തിയത്.2005ന് ശേഷം ആദ്യമായാണ് ധോണി സിംബാബ്വേയില്‍ കളിക്കുന്നത്. 275 ഏകദിന മത്സരങ്ങള്‍ കളിച്ച ധോണിക്കൊപ്പമുള്ള താരങ്ങള്‍ ആകെ കളിച്ചത് 83 ഏകദിന പോരാട്ടങ്ങളിലാണ്. അമ്പാട്ടി റായുഡുവും അക്സര്‍ പട്ടേലുമാണ് ടീമിലെ മറ്റ് സീനിയര്‍ താരങ്ങള്‍. ഗ്രേയം ക്രീമര്‍ നയിക്കുന്ന സിംബാബ്വേ ടീമില്‍ എള്‍ട്ടന്‍ ചിംഗംബര, ഹാമില്‍ട്ടണ്‍ മസാകഡ്സ, സികന്ദര്‍ റാസ, സീന്‍ വില്യംസ് തുടങ്ങിയ പരിചിത പേരുകളുണ്ട്. മൂന്ന് ഏകദിനവും രണ്ട് ട്വന്റി20 മത്സരവുമാണ് സിംബാബ്വേയില്‍ ഇന്ത്യ കളിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.