ദുബൈ: െഎ.സി.സി ടെസ്റ്റ് റാങ്കിൽ ഇന്ത്യയുടെ ചേതേശ്വർ പുജാരയും രവീന്ദ്ര ജദേജയും രണ്ടാം സ്ഥാനം തിരിച്ചുപിടിച്ചു. നാഗ്പുരിലെ രണ്ടാം ടെസ്റ്റിൽ സെഞ്ച്വറിയുമായി(143) നിറഞ്ഞുനിന്നതോടെയാണ് ബാറ്റിങ്ങിൽ പുജാര രണ്ടാം റാങ്കിലെത്തിയത്. ഇരട്ട സെഞ്ച്വറിനേടിയ വിരാട് കോഹ്ലി അഞ്ചാം സ്ഥാനം നിലനിർത്തി. ആസ്ട്രേലിയൻ ക്യാപ്റ്റൻ സ്റ്റീവ് സ്മിത്താണ് ഒന്നാമത്. ഇംഗ്ലണ്ടിെൻറ ജോ റൂട്ട്, ന്യൂസിലൻഡിെൻറ കെയിൻ വില്യംസൺ എന്നിവരാണ് മൂന്നും നാലും സ്ഥാനത്ത്.
സ്പിൻ ബൗളർ രവീന്ദ്ര ജദേജയും രണ്ടാം സ്ഥാനം തിരിച്ചുപിടിച്ചു. രണ്ടാം മത്സരത്തിൽ അഞ്ചു വിക്കറ്റുമായി തിളങ്ങിയതോടെയാണ് ജദേജ രണ്ടിലേക്കെത്തിയത്. 300 വിക്കറ്റ് ക്ലബിലെത്തിയ വേഗതയേറിയ താരമെന്ന റെക്കോഡ് കരസ്ഥമാക്കിയ ആർ. അശ്വിൻ നാലാം സ്ഥാനം നിലനിർത്തി. ഇംഗ്ലീഷ് താരം ജെയിംസ് ആൻഡേഴ്സനാണ് ബൗളിങ്ങിൽ ഒന്നാം സ്ഥാനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.